3 छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।
परमेश्वर अतु सेवा गेह घेंङौ सेहमे दोऊ योह ओ पाहठी रूठे खबर मीहतिंङ सुनाके लहज़ातग, दुह ए गिऊ गवाह शोतो, कि गेह केतिंङ लगातार घेंङौ प्रार्थना रिंङ हिद लोहवा लहज़ातग,
झांह लेह गेह यीशु मसीहू वहज़ा ज़ि परमेश्वरो सेवा ओ थल्जी गर्व लेह तरच़ातग।
पर हेनर दू कानूनो थल्जी सिए इलोन, अच़ि इच्च़ा फेरा हेनर बंदी बणाके केहते, झांह लेह हेनर एंतेग कि कानूनो दोरच़ी आज़ाद शुहचे ईलोईं ञेंरे परमेश्वरो सेवा युई तरीका रंङ च़ेहसी कानूनो ठ्रोह माह लहज़ातंई, पर खरकोई तरीका रंङ परमेश्वरो आत्माओ अगुवाई ओ दोरच़ी लहज़ातंई।
छना कुचे केतिंङ गुलामी आत्मा खोकसी माह, कि यह्च़ा बेवा योंई पर पवित्र आत्मा हेंदिंङ परमेश्वरो कटुरे बणाएशा, अतिंङ हेनर हे बाह, हे पिता कुचे हाऊष रंड्रा तंई।
तांला दि सोचेक्सी माह जूंस कि परमेश्वर एनोह वाईदा पूरा लहज़िमी थल्जी नाकाम शुहचे इलि, छना कुचे इस्राएलो खानदाना रिंङ जेह्की भत्ते मीहरे सच्चे इस्राएली र माह तोर।
अंऊ कि महस मीहरे दि संसारो मीहतु ठ्रोह घमण्ड लहज़ातोर, दंङ गेह ला घमण्ड लोहग।
हेंदिंङ खरकोई जीवन पवित्र आत्माओ दोरच़ी खोकसा, झांह लेह हेंदिंङ पवित्र आत्माओ हिसाबे जीवन श्रींङमी जूंस।
परमेश्वर दू इस्राएलो भत्ते तिंङ एनोह शांति रमतो दंङ दोतु टोहकठे दया लोहतो अंऊ दि कानूनो भाषे लहज़ातोर, छना कुचे दोरे ए परमेश्वरो दोरच़ी अंङषी मीहरे शुरे।
दंङ भत्ते मुक्का ए भत्ते पाहठी हेंदिंङ ध्वांए ए प्रार्थना ए बिनती लहज़ी जूंशी तोह। छना पवित्र आत्माज़ि हेंदु अगुवाई लहज़ा। झांह लेह चेहके बंङज़ेंई दंङ भत्ते परमेश्वरो मीहतु थल्जी हमेशा प्रार्थना लोहवा लंहि।
गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।
गेह दि दावा माह लहज़ातग कि गेह दि चीज़रे तुहई बे खोकच़ी चरच़ातग, या सिद्ध शुहचे इलोग; पर गेह दुह सिद्धता बि खोकच़िमी थल्जी महस मेहनत लहज़ी लेहकी तोतोग। अतु थल्जी मसीह यीशुई गेह अंङषी ततो।
दंङ मसीह यीशु रिंङ परमेश्वरो स्वर्गीय बुलाहट ओ ईनाम खोक्च़िमी थल्जी गेह घेंङौ निशानो ह्खा तुंखा शुहबी लेहकी तोतोग।
अपेहल केहच़ी मसीहू टोहकठे विशवास लहतंई, दंङ केहतु खतना मीहतु दोरच़ी माह शुई छना यहुदी मीहच़ी लेह, पर मसीहू दोरच़ी केहतु खतना शुहचे इलि अंऊ केहतु पापी स्वाभाव बि केहतु दोरच़ी शत्ह लेह च़रति।
पर हे गिऊ प्यारे साथी विशवासी रे, केतिंङ इदि-अई दिऊ मदत लेह जूंशी तोह ताकि दुह पवित्र सच्चाई रिंङ अंऊ दोऊ टोईच़ी केहच़ी विशवास लहज़ातंई, इदि-अईदि बि बढाके तरपोंई। केतिंङ पवित्र आत्मो सामर्थो दोरच़ी मार्गदर्शन खोक्शे प्रार्थना लेह जूंशी तोह।