फिलिपियों 3:2 - लाहौली बाइबिल

² दुह मीहतंङ साते खबरदार बंङज़ेंई, अंऊ खुह्ई तु ठ्रोह तोतोर, दंङ मांजी कम लहज़ा तोर, अंऊ दोच़ी कुट्रातोर कि केतिंङ उद्धार लहज़िमी थल्जी खतना लेह ज़रूरी तोह।

फिलिपियों 3:2 Iomraidhean Croise

मत्ती 24:10

दंङ महसज़ि गिऊ टोहकठे बिशवास लेह ब्याड़ा लेह केओर दंङ इदि अईदीबी च़ुमज़ि लोहर, दंङ एनातु बिचंङ बैर तोहर।

मत्ती 7:15

हप्सी भविष्य कंड्रातु दोरच़ी बचेके बंङज़ुंई, अरी त्रैंई ओ रूपंङ अपाहतोर पर तोंङज़ि फ्रक्च़ा भेड़ियातु ठ्रोह तोतोर।

मत्ती 7:6

झांह ठ्रोह मीहतिंङ परमेश्वरो पाहठी था कंड्रुंई अच़ि दिह रेड्री माह जुंज़ातोर। अगर केहच़ी झांह ठ्रोह लहज़ातंई ता, दिह झांह तोह छना कि पवित्र चीज़र खुह्ई तु तुईज़ी छ़ंङज़ी या सुअरातु तुईज़ी मुतिकरे छ़ंङज़ी अंऊ दोच़ी कोंज़ो पोयंङ दाड़ेके चरच़ि दंङ फुचंरिंङ केहतु टोईच़ी हमला लोहर।

रोमियो 2:28

सच्चा यहुदी दुह माह शुह, अतु सिर्फ धकतेखी रूप यहूदीतु ठ्रोह तोह, दंङ माह ए सच्चा खतना दुह शुह, अंऊ धकतेखी रूपारिंङ सिर्फ फुकारिंङ ए लहज़ी।

2 कुरिन्थियों 11:13

छना कुचे झांह ठ्रोह मीहरे हप्सी प्रेरित, दंङ छलारंङ साते कम लहज़ा, दंङ मसीहू प्रेरित शुहबिमी हप्सी दावा लहज़ातोर।

गलातियों 5:13

हे गिऊ प्यारे साथी विशवासी रे, केतिंङ परमेश्वरो केतिंङ आज़ाद शुहबिमी अंङे चरच़ाते, झांह लेह केतिंङ मूसा ओ कानूनो भाषे लहज़िमी ज़रूरत माह। केनोह दि आज़ादी बि केनोह फुको हिटी पूरा लहज़िमी ज़रिया थाबणेएक्तुं, पर इदि-अई दिरंङ साते दाह लंहि दंङ इदि-अई दिऊ सेवा लंहि।

गलातियों 5:15

पर अगर केरे लगातार इदि-अई दिरंङ साते झगड़ा लहज़ातंई दंङ इदि-अईदि बि परेशान लहज़ातंई ता दंङ खबरदार शुहचे इलांई, केरे केनातिंङ बर्बाद लेह च़रपोंई।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

फिलिपियों 3:19

दोतु अनंत विनाशो तोह, दोतु फुको हिटी ए दोतु भगवान शुह, दोरे षेह्पिमी कम लहज़ा घमण्ड लहज़ातोरे, दंङ दोरे हमेशा धरतीऊ चीज़ो पाहठी सोचेक्च़ातोर।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।

1 तीमुथियुस 1:19

दंङ कनिंङ यीशु मसीहू टोहकठे विशवासरिंङ बणेंके बंङज़ी जूंशी तोह दंङ केई दुह ए लोह अंऊ केई ञेंहच़ातन कि दुह ठीक तोह, रें मीहच़ी दिऊ टोहकठे ध्यान माह रैंइर, अतु नतीज़ा दि शुई कि दोच़ी मसीहू टोहकठे विशवास लहज़िमी थल्जी एनोह समझ योह्च़े चरच़ातोर, ठीक ध्वांए छना इच्च़ा समुंद्री जहाज़ चट्टानारिङ टकरेसिमी थल नाश शुचे इबि।

तीतुस 1:16

दोरे हप्सी शिक्षा रंड्रा कुट्रातोरे कि हेनर परमेश्वरा बि ञेंच़ातंई, पर दोतु कम दिबी गलत सबित लहच़ी केट्रा। छना कुचे दोरे महस झखंजी (घिनौने) ए हुकुम माह मनेक्च़ा तोतोर, दंङ दोरे अंऊ ला रूठे कम लहज़िमी जोगे माह तोहर।

2 पतरस 2:22

दोतंङ साते छि शवाह दुह तंङफा कि दि कहावत हेले शुह: कि दोरे खुह्ई तु ठ्रोह तोतोर अंऊ एनोह प्रान्ज़ि दुह आहच़ि थल्जी यहच़ातोर, दंङ दोरे सुअरा तु ठ्रोह तोतोर अतिंङ शुहल्ज़े चरच़ि दंङ दुह यह्च़ा गाहरो बिचंङ फेह्टे शुहबी।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”

प्रकाशित वाक्य 2:9

गेह ञेंहच़ातग कि कनिंङ तंगी तोह दंङ काह गरीब तोतोन। पर आत्मिक रूपारिंङ काह महस साहुकार तोतोन। गेह दुह यहुदी मीहतु पाहठी ञेंच़ातग अंऊ दोच़ी दावा लहज़ातोर कि दोरे परमेश्वरो अंङषी मीहरे शुरे, पर तोतोर माह। दोरे कनु पाहठी मदम गप्पा कुट्रातोर, पर हेले रिंङ दोरे दुह झुंडो मीहरे शुरे अंऊ शेतानो तोह।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 22:15

पर मदम मीहरे, दंङ एनातु साथी तु थल्जी जादू-टोना लहज़ा, कुकम, ए हत्या लहज़ा, दंङ मुर्ति तु अराधना लहज़ा, दंङ भत्ते हप्सी कुट्रा अपेहला शहरा रिंङ इबि मरपोर।

प्रकाशित वाक्य 3:9

रेड्रु, दोरे मीहरे अंऊ झांह ठ्रोह झुंडो मीहरे तोतोर अंऊ शेतानो तोह, दावा लहज़ातंई कि दोरे यहुदी तोतोर, पर दोरे सच्चा यहुदी माह तोतोर दंङ दोच़ी हप्सी कुट्रातोर। रेड्रु गेह झांह लोहग, कि दोच़ी अंज़े कांह कोंज़ा रिंङ फ्यग लोहर, दंङ दि ञेंई च़रपोर कि गेह करंङ साते दाह तहसी तातग।