फिलिपियों 3:17 - लाहौली बाइबिल

¹⁷ हे गिऊ प्यारे साथी विशवासी रे, केरे भत्ते ठ्रोहका शुहचे गिऊ ठ्रोह जीवन श्रींङी, दंङ दोतिंङ सेहषी च़रतेंई, अंऊ दि रीतिऊ टोईच़ी ज़ोवातोर अतु उदाहरण केहच़ी हेंदि व्यवहार लहज़ी तंङातेंई। अपेहल केरे ञेंतंङ साते तोहनी।

फिलिपियों 3:17 Iomraidhean Croise

रोमियो 16:17

हेंतेग हे विशवासी न्वारे, गेह केतंङ साते बिनती लहज़ातग, कि केरे दुह मीहतंङ साते खबरदार ए शत्‌ह बंङज़ेंई, दंङ दू शिक्षा ओ खिलाप तोह, अंऊ केतिंङ खोकसी तोह, दंङ अंऊ ऊई मीहतु विशवास रिंङ कमज़ोर शुहबी ए झगड़ो वहज़ा शुहबी।

1 कुरिन्थियों 10:32

गेह भत्ते तिंङ खुश लहज़िमी कोशिश लहज़ातग, गेह घेंङौ भलाई ओ पाहठी माह सोचेक्च़ातग, बल्कि भत्ते तु भलाई ओ पाहठी सोचेक्च़ातग, ताकि दोरे उद्धार खोक्शे तरपोर। ध्वांए केरे ला झांह ठ्रोह बंङज़ेंई कि यहुदी या ऊईजाति तु परमेश्वरो कलीसिया ओ थल्जी छा परेशानी या ठोकर पैदा शुहबी मेस।

1 कुरिन्थियों 11:1

छना ठ्रोह गेह मसीहू ठ्रोह चाल ज़ोआतग, ध्वांए केरे ला गिऊ ठ्रोह चाल जोंई।

1 कुरिन्थियों 4:16

झांह लेह गेह केतंङ साते बिनती लहज़ातग, कि गिऊ ठ्रोह मसीह रिंङ केनातु जीवन‍ जोंई।

फिलिपियों 4:9

गिऊ गप्पा रंङ साते ए गिऊ कमो दोरच़ी अंऊ ला केहच़ी सिखेक्च़ातंई ए ग्रहण लहज़ातंई, दोऊ ए हिसाबे ज़ोई, दोथर शांति ऊ परमेश्वर केतंङ साते बंङज़ोतो।

1 थिस्सलुनीकियों 1:6

केहच़ी ञेंहतु ए प्रभु उदाहरण हिद लहरिन, अंऊ पवित्र आत्माओ दोरच़ी केतिंङ रांहषी तोहई, केहच़ी खुशी रंङ साते दू ग्रहण लहज़ातंई, दि तरीका रंङ केरे ला हेंदु ए प्रभु यीशु मसीहू शिष्य बणेंके इलांई।

2 थिस्सलुनीकियों 3:14

दंङ अरिया हेंदु दि डाको हुकुम माह मनेक्च़ा दंङ दुह मीहू पाहठी भत्तेतिंङ कंड्रुंई दंङ दोरंङ साते संगति थालंही, ताकि दोबि शर्मिन्दगी महसूस शुहबी जूंस।

2 थिस्सलुनीकियों 3:7

केहच़ी केनाच़ि ए रूठे रंङ ञेंच़ातंई कि केतिंङ ध्यांए ठ्रोह श्रींङमी जूंस। छना ञेंरे श्रींङमातेंई, छना कुचे अपेहल ञेंरे केहतु बिचंङ तोईनी दंङ ञेंरे सुस्त माह तोहनी।

2 थिस्सलुनीकियों 3:9

झांह माह कि केहतु दोरच़ी मदत लेहपच़ी ञेंहतु अधिकार माह तोहई; पर दिऊ थल्जी कि एनाबि केहतु थल्जी इच्च़ा नमूना बणाएपोर, कि केरे ञेंहतु ठ्रोह चाल ज़ोई।

1 तीमुथियुस 4:12

अच़िया काह तुच्छ (बेकार) समझेक्सी माह जूंस छना कुचे काह जवान तोतोन पर कांह बोल-चाल ए चाल-चलनारिंङ, ऊईतु थल्जी दाह रिंङ मसीहू टोहकठे कनु विशवासरिंङ दंङ कनु निर्दोष जीवनारिंङ, विशवासी मीहतु थल्जी इच्च़ा उदाहरण बणेंक्तु।

इब्रानियों 13:7

अंऊ केहतु अगुवा तोईरे, दंङ अच़ि केतिंङ परमेश्वरो बचन सुनाच़ी तातोर, दोतिंङ हिद तंही; दंङ ध्याना रंङ साते दोतु जीवन खंई, कि छना दोच़ी एनोह जीवन‍‍ श्रींङमातोर, दंङ सिमी मुक्का तचेक परमेश्वरो विशवासा रिंङ पक्‍का बणेंके बंङज़िरे। झांह लेह हेंदिंङ ला परमेश्वरो टोईच़ी ध्वांए ठ्रोह विशवास लहज़ी लेह्पोतो छना दोच़ी लहसी तरेर।

1 पतरस 5:3

अंऊ मीहरे केतिंङ सोंपेगी तोतोर, दोतु टोईच़ी इच्च़ा अधिकारी ठ्रोह था बणेक्तुंई, बल्कि दोतु थल्जी इच्च़ा रूठे उदाहरण बणेक्तुंई।