फिलिपियों 3:15 - लाहौली बाइबिल

¹⁵ हेनर भत्तेर अंऊ पक्‍का रंङ मसीह रिंङ विशवास लहज़ातंई झांह सोचेक्सी जूंस दंङ अगर अंऊ आ गप्पारिंङ केहतु ऊई ए विचार शुई ता परमेश्वर दोबि ला केहतु टोईच़ी प्रगट लेह च़रपोतो।

फिलिपियों 3:15 Iomraidhean Croise

मत्ती 5:48

दिऊ थल्जी केतिंङ झांह ठ्रोह मीहरंङ साते दाह लहज़िमी ज़रूरत तोह अरी केतंङ साते दाह माह लहज़ातोर, छना केहतु स्वर्गो बाह परमेश्वर सिद्ध तोह।”

लूको 11:13

अगर केरे मांजी शुहचे केन्दु कटुतिंङ रूठे धिरारे रंड्री ञेंहच़ातंई दंङ केहतु स्वर्गो पिता परमेश्वरे एनोह पेट्रातिंङ पवित्र आत्मा ज़रुर रमतो?”

यहून्नो 6:45

भविष्यवक्तातु कताबंङ च़ेहसी तोह, ‘दोरे भत्तेर पिता परमेश्वरो दोरच़ी सिखाएच़ि शोर।’ अच़िला पिता परमेश्वरो दोरच़ी थासी ए सिखेसी तोतोर, दुह गिऊ कछंङ अपा।

यहून्नो 7:17

अगर अरीया दोऊ हिटी ओ टोहकठे ज़ोअतो ता दोई ञेंह केहतो कि गिऊ शिक्षा परमेश्वरो दोरच़ी अपा या गिऊ दोरच़ी।

रोमियो 15:1

हेनर अंऊ विशवासा रिंङ पक्‍का तोतोंई ञेंहच़ातंई कि दिह गप्पो दोरच़ी छल्ले फर्क माह पड़ेक्पा, पर हेनर दोतिंङ सिर्फ हेंदिंङ खुश लहज़िमी थल्जी माह शुह। हेंदिंङ दुह मीहतिंङ शक ओ टोईच़ी विचार लेह जूंशी तोह अंऊ दि गप्पा तिंङ गलत ञेंहच़ातोर।

1 कुरिन्थियों 14:20

हे गिऊ साथी विशवासी रे, केरे इच्च़ा कटु ठ्रोह सोचेक्च़ी बंद लंहि, अपेहल मांजी ओ गप्पा अपा दंङ दू मुक्का कटुतु ठ्रोह निर्दोष बंङज़ुंई, पर झांह ठ्रोह मामला समझेक्सिमी थल्जी सियाणा शुईं।

1 कुरिन्थियों 2:6

तांला गेह दोतिंङ, अंऊ आत्मिक रूपारिंङ पक्‍का तोतोर, ज्ञान पिंङषी खबर रंड्रातग पर दि ज्ञान माह दि जुगो शुह दंङ माह ए दुह जुगो अधिकारी तु शुह, अतु नाश शुहबी पक्‍का तोह।

गलातियों 5:10

पर गेह परमेश्वरो टोहकठे भरोसा लहज़ातोग कि दोई केतिंङ ऊई मीहतु हप्सी शिक्षा ओ टोईच़ी विशवास लहज़िमी दोरच़ी बचाके च़रपोतो। बल्कि केरे गिऊ शिक्षाओ भाषे लोहनि। छना कुचे अंऊ केहतु थल्जी परेशानी पैदा लहज़ा दू अरिला छारिंङ माह शोतो, परमेश्वरो दोरच़ी सज़ा खोकपोतो।

इफिसियों 1:17

गेह प्रार्थना लहज़ातग कि परमेश्वर हेंदु प्रभु यीशु मसीहू महिमामय बाह, केतिंङ पवित्र आत्मा रमतो, अंऊ केतिंङ बुद्धिमान बणाके च़रपोतो दंङ परमेश्वरा बि केहतु टोहकठे प्रगट लोहतो, ताकि केहच़ी दू ञेंई तरपोंई।

कुलुस्सियों 1:28

ञेंरे मसीहू पाहठी प्रचार लहज़ा हर इच्च़ा मीहबी परमेश्वरो दोरच़ी रांहषी बुद्धि रंङ साते शिक्षा रंड्रा हिद दिलाएच़ा तंई ताकि हर इच्च़ा मसीह रिंङ सिद्ध विशवासी शुहबी जूंस अपेहल दोरे परमेश्वरो तुईज़ी खड़े शवाहतोर।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

1 थिस्सलुनीकियों 4:9

दंङ विशवासी भाईचाराऊ दाह ओ पाहठी दि ज़रूरी माह कि गेह केतिंङ छा च़ेओग, छना कुचे केनातु बिचंङ दाह तहच़ि केहच़ी केनाच़ि ए परमेश्वरो दोरच़ी सीखेसी तातंई;

2 तीमुथियुस 3:17

ताकि परमेश्वरो मीह सिद्ध बड़ेक्पोतो, दंङ हर इच्च़ा रूठे कमो थल्जी तेयार ए काबिल शुहचे बंङज़ोतो।

इब्रानियों 5:14

ढकाह बगत दोतु थल्जी शुह अंऊ विशवासारिंङ पक्‍का तोतोर, दंङ परमेश्वरो नज़रारिंङ सही जीवन‍‍‍ श्रींङमातोर दंङ शिक्षा ओ दोरच़ी सिखेक्च़ा इलांई कि छि रूठे तोह दंङ छि मदम तोह।

1 यूहन्ना 2:5

पर अच़िला परमेश्वरो बचनो पालन लहज़ा, दोरिंङ हेले परमेश्वरो दाह सिद्ध शुहचे तोह, हेंदिंङ दिरंङ ए पता लेहकी यवात कि हेनर परमेश्वरा रंङ साते बणेंके तोतोंई।