फिलिपियों 3:14 - लाहौली बाइबिल

¹⁴ दंङ मसीह यीशु रिंङ परमेश्वरो स्वर्गीय बुलाहट ओ ईनाम खोक्च़िमी थल्जी गेह घेंङौ निशानो ह्खा तुंखा शुहबी लेहकी तोतोग।

फिलिपियों 3:14 Iomraidhean Croise

लूको 16:16

“अपेहल तचेक यूहन्ना बपतिस्मा रंड्रा अंजा, दोपहल तचेक मूसा ओ कानून ए भविष्यवक्तातु खबर केहतु थल्जी रुठे अम कंड्रा तोईरे। दंङ परमेश्वरो राज्यो पाहठी रूठे खबरो प्रचार शुबी लेहकी तोहई, दंङ हर इच्च़ा मीह परमेश्वरो राज्य रिंङ शक्ति रंङ साते अपि लेहकी तोह।

रोमियो 11:29

छना कुचे परमेश्वर एनोह वरदानो दोरच़ी, ए बुलाहटो दोरच़ी एनोह सेहम माह किरच़ा।

1 कुरिन्थियों 9:24

छना कि ज़रका ता भत्ते ज़ि रंड्री, पर इनाम इदि ए रेंज़ा शिलज़ी? केरे ध्वांए ए ज़रका रांही, कि केरे द्रक्शे योंई।

2 कुरिन्थियों 4:17

हेंदु दि कवचि ए थोड़े हरे दुख हेंदु थल्जी झांह ठ्रोह अनंत महिमा पैदा लहज़ा, अतु पाहठी हेंज़ी सोचेक्सी माहरच़ातंई।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।

कुलुस्सियों 2:18

अरिला मीह हप्सी दीनता ए स्वर्गदूता तु पूजा लहज़ा केतिंङ ज़रको ईनामो दोरच़ी वंचित लेह माह जूंस, झांह ठ्रोह मीह दर्शनो गप्पारिंङ लेहकी बंङज़ा पर दिह भत्ते बकवास तोह छना कुचे दोतु सेहम मतलबी हिटी रंङ साते पिंङषा तोह।

1 थिस्सलुनीकियों 2:12

ताकि केहतु चाल चलनो दोरच़ी परमेश्वराबि महस इज्ज़त खोकसोतो, अंऊ केतिंङ एनोह राज ए महिमारिंङ भागीदार शुहबिमी थल्जी बुलाएच़ा।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

इब्रानियों 3:1

झांह लेह, हे गिऊ प्यारे साथी विशवासी रे, केरे अंऊ स्वर्गा रिंङ दोरंङ साते शामिल शुहबिमी थल्जी बुलासी शुईं, मसीह यीशु टोईच़ी ध्यान रांही! दुह हेंदु थल्जी परमेश्वरो रूठे खबरो प्रेरित यहुदी महापुरोहित शुह।

इब्रानियों 6:1

झांह लेह हेंज़ी अंऊ भत्ते बे तुहई मसीहू पाहठी सिखेक्तेंई दू ए मुयांदो शिक्षा दोहरगी माह तोहनि; झांह लेह अतंई हेनर दू मुयांदी शिक्षा बे तुंखा शुहचे शिक्षा ओ पाहठी विचार लोहनि। हेंदिंङ यह्च़ा दि गप्पा शुरू लहज़िमी ज़रूरत माह, कि हेंदु मदम कमो दोरच़ी पश्चाताप छना लहज़ी जूंशी तोह, दंङ परमेश्वरो टोईच़ी छना विशवास लहज़ी जूंशी तोह।

1 पतरस 1:13

झांह लेह, केरे मीहरे सोचेक्सिमी थल्जी तेयार शुचि इलांई। खबरदार बंङज़ुंई दंङ केनातु उम्मीद पूरा ठ्रोह दुह मोह्ड़े दाह ओ टोईच़ी लगाके तंही, अंऊ यीशु मसीहू प्रकट शुहबिमी मुक्का केतिंङ खोकसोतो।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

2 पतरस 1:3

परमेश्वरे एनोह सामर्थो दोरच़ी हेंदिंङ दुह भत्ते रांहषी ततो अंऊ हेंदिंङ जीवन श्रींङमिमी थल्जी जूंशी तोह, अंऊ परमेश्वरा बि खुश लहज़ा। दि जूंशी तोह छना कुचे हेनर परमेश्वरा बि ञेंहच़ातंई दंङ दि दुह ए शुह अच़ि हेंदिंङ एनोह महिमा ए रूठे ओ वहज़ा ज़ि बुलासी शुह।

प्रकाशित वाक्य 3:21

अंऊ दोई जय खोकपोतो, गेह दोबि घेंङारंङ साते सिंहासनो टोईच़ी बंङज़ी लोहग, छना गेह ला जय खोकशी ते घेंङौ बाह रंङ साते दोऊ सिंहासनो टोईच़ी बंङज़ा इलिगा।