फिलिपियों 3:12 - लाहौली बाइबिल12 गेह दि दावा माह लहज़ातग कि गेह दि चीज़रे तुहई बे खोकच़ी चरच़ातग, या सिद्ध शुहचे इलोग; पर गेह दुह सिद्धता बि खोकच़िमी थल्जी महस मेहनत लहज़ी लेहकी तोतोग। अतु थल्जी मसीह यीशुई गेह अंङषी ततो। Faic an caibideil |
दि जीवनारिंङ हेनर भत्ते धिर समझेगी मरच़ातंई। दि अंऊ आ चीज़ा बि भूधड़े ठ्रोह अर्शिरिंङ खंड्री ठ्रोह शुचि यवात। पर अंऊ मुक्का हेनर स्वर्गंङ यवातंई, दंङ हेनर भत्ते धिर रूठे रंङ समझेगी तरपोंई। छना कुचे हेनर परमेश्वरा बि सामटे खमोंई। एंतेग हेंदु ज्ञान अधूरा तोह। सिर्फ अंजा ध्याड़ा ए परमेश्वरा बि रूठे रंङ ञेंई तरपोंई,
हे गिऊ प्यारे साथी विशवासी रे, हेंदिंङ हमेशा परमेश्वरो धन्यवाद लेह जुंशी तोह, छना कुचे परमेश्वरे केतंङ साते दाह लहज़ा। परमेश्वरे संसारो रचना बे तुहई केतिंङ अंङे चरच़तो ताकि केतिंङ बचाके तरपोतो केरे यीशु मसीहू पाहठी सच्चा खबरो टोईच़ी विशवास लहज़िमी दंङ दोऊ पवित्र आत्मा दोरच़ी पवित्र बणेषिमी थल्जी अंङषी ततो।
हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्का लोहतो ताकि केहतु विशवास पक्का शोतो।