Biblia Todo Logo
Bìoball air-loidhne

- Sanasan -




फिलिपियों 3:11 - लाहौली बाइबिल

11 ताकि गेह ला यह्च़ा सिमी दोरच़ी श्रींङमी लोहर।

Faic an caibideil Dèan lethbhreac




फिलिपियों 3:11
17 Iomraidhean Croise  

दंङ कह धन्य शोन छना कुचे दोतु दोहर कनिंङ यहच़िमी थल्जी छल्ले मद, पर कनिंङ अपेहल धर्मी मीहरे श्रींङे योर ता परमेश्वर कनिंङ ईनाम रमतो।”


मार्था ज़ि दोबि कुहतो, “गेह ञेंहगा कि न्याय ध्याड़ारिंङ अपेहल भत्ते श्रींङे योर दुह ला यच़ाह षीङे योतो।”


अपेहल पोलुसे दि ञेंई च़रति, कि यहुदी सभा ओ रै मीहरे सदूकीङ रे फरीसी तोतोर, दंङ दोई हाऊष रें कुई, “हे न्वारे, गेह फरीसी दंङ फरिसीतु खानदानो शुगाह, गिऊ मुकदमा दिऊ थल्जी शुहबी लेहकी तोह छना कुचे गिऊ बिशवास तोह कि परमेश्वरे सिए इलजे मीहतिंङ यच़ाह श्रींङमी लोहतो।”


ञेंहतु सनी गोत्र एनोह भत्ते सेहमंङ ज़ि रात-दिन परमेश्वरो सेवा लहज़ी लेहकी तोतोर। परमेश्वरा रंङ साते इच्च़ा वाईदा पूरा लहज़िमी उम्मीद तोह। हे रज्ज़ा, दि झांह तोह छना कुचे गिऊ विशवास तोह कि परमेश्वरे यीशु बि यह्च़ा श्रींङमी लेह च़रति दंङ दिए हेंदु आधार शुह, उम्मीद तोह कि दुह ला सिए दोतिंङ श्रींङे लेह च़रपोतो, ठीक दिए उम्मीद ओ यहुदी गिऊ टोईच़ी दोष लगाएच़ातोर।


रूठे ठहरि मिन्दु बन्दरगाह सोई टेमो थल्जी रूठे माह तोहई; दिऊ थल्जी साथी यात्री तु विचार शुई, कि अगर दोरे क्रेते टापू रिंङ दक्षिणो दोरच़ी जहाज़ा बि तुंखा शिलज़ि तरपोर, दंङ छना ठ्रोह फीनिक्स बन्दरगाह पिच़ि योंई, दंङ दोर तूफानी मौसम बिताएगी तरपोंई। दि तूफानो मौसमो मुक्का बंङज़िमी थल्जी इच्च़ा रूठे ठहरि तोहई, छना कुचे दोच़ी सोई लन्न तु सामना माह लहज़ाते।


ताकि अंऊ रीतिरंङ साते गेह घेंङौ जातितु बिचंङ जलन पैदा लोहवा दोतु बिचंङ महसे तु उद्धार लोहग।


पर हर इच्च़ा मीह एनोह बारी ओ हिसाबे सिए दोतु बिचंङ ज़ि श्रींङमी लोहर; मसीह मुण्डो मीह शुह अपि श्रींङमी लहसी शुह, दंङ अपेहल मसीह वापिस अपतो दंङ अंऊ दोरंङ साते पक्‍का नाता तहज़ातोर दोतिंङ यह्च़ा सिए दोतु बिचंङ ज़ि श्रींङमी लोहर।


दंङ अपेहल गेह दोतंङ साते शवाहतग अंऊ विशवासा रिंङ कमज़ोर तोतोर, दंङ गेह दोतु ठ्रोह व्यवहार लहज़ातग, ताकि गेह दोतिंङ मसीहू विशवासारिंङ हपिमी कोशिश लेह तरपोग, गेह भत्ते मीहतु थल्जी भत्ते धिर बणेंके इलिग, कि छा तरीका रंङ साते रे मीहतु उद्धार लेह तरपोग।


गेह घेंङौ फुका बि काबू लहज़ातग ताकि गेह घेंङौ मदम हिटी काबू लेह तरपोग, कि झांह शुहबी मेस कि अंऊ गेह ऊईतंङ रूठे खबरो प्रचार लहज़ातग, गेह घेंङौ इनाम माह खोकपोग।


पर गिह्बी हमेशा दि बेह्द लेहकी बंङज़ा कि शेतान केहतु सेहम मसीहू थल्जी केहतु निष्कपट, पवित्रता रंङ साते शत्‌ह लहज़ी माह जूंस, छना शेताने ओमड्रो रूपारिंङ हव्वा बि एनोह चालाकी रंङ साते बहकाएकि च़रते।


झांह लेह अपेहल गेह ऊई ज़हके मरतिगा, दंङ केहतु विशवासो हाल ञेंच़िमी थल्जी तीमुथियुसा बि च़रचातेग, छना कुचे ञेंरे बेवातेंई कि, परीक्षा लहज़ा शेताने केहतु परीक्षा लोहतो, दंङ ञेंहतु मेहनत बेकार शुचे योतो।


दि गप्पो पाहठी अंऊ रीतिरंङ साते अतुआ धोखा रिंङ थादेंई। छना कुचे प्रभु यीशु मसीहू यह्च़ा वापिस अपिमी बे तुहई, इच्च़ा ध्याड़ा अपतो अपेहल महस मीहच़ी परमेश्वरो विरोध लोहर। “दंङ दुह मदम मीह अपतो अतु नाश शुहबी ज़रूरी तोह।”


दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।


रें मेच़िमी च़ि ऐनातु सिए मीहतिंङ यह्च़ा श्रींङे खोकतिर; अंयों ता घाह ज़ताह-ज़ताह सिए इलिर; पर दोरे आज़ाद शुहबिमी दोरच़ी इंकार लहज़ातेर छना कुचे दोरे एनोह विशवास छोडे़क्च़ी माह जुंज़ातेर। दोच़ी ञेंहच़ातोर कि दोरे सिए यह्च़ा‌‍ श्रींङे योर दोहपल दोरे परमेश्वरा रंङ साते हमेशा ओ थल्जी श्रींङे योर।


दिरे मीहरे श्रींङमी लहज़िमी थल्जी भत्ते बे मुण्डा तोतोर, दंङ दिरे खास रूपा रिंङ धन्य ए पवित्र तोतोर। ऊई मौतो दोतु टोईच़ी छल्ले शाक्ति माह। दोरे परमेश्वरो ए मसीहू यहुदी पुरोहित शोरे दंङ दोतंङ साते इच्च़ा हज़ार साल तचेक राज लोहर। दि इच्च़ा साल बे तुहई ऊई अरिला सिए मीहबी श्रींङे माह लोहर।


Lean sinn:

Sanasan


Sanasan