फिलिपियों 3:10 - लाहौली बाइबिल

¹⁰ गेह दि जुंज़ातग कि मसीह बि ञेंए च़रपोग दोऊ सिमी दोरच़ी श्रींङे इबिमी सामर्थ महसूस लेह तरपोग दंङ लगातार दुख सहन लोहग छना दोई लाहतो, दंङ सिमी मुक्का दोऊ ठ्रोह बणेंके योग।

फिलिपियों 3:10 Iomraidhean Croise

मत्ती 20:23

दोई दोतंङ कुहतो, “केहच़ी गिऊ दुख ता सेहन लेह तरपोंई, पर घेंङौ सुचंङ ए फुचंङ हासी बैठाच़िमी कम गिऊ मशत, पर अतु थल्जी गिऊ स्वर्गो बाहऊ दोरच़ी त्याहर लहसी दिह तोह दोतु ए थल्जी शुह।”

यहून्नो 10:18

अच़िला गिऊ जहानो गिऊ दोरच़ी खुल्जे मरपोर। दुह गेह घेंङौ हिटी रंङ रंड्री। गिह्बी दुह प्राण रड्रीमी ए यह्च़ा वापिस लेहप्च़िमी ला हक तोह। गिह्बी घेंङौ पिता परमेश्वरो दोरच़ी हुकुम खोकसी तोह।”

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

रोमियो 8:17

अगर हेनर परमेश्वरो कटुरे शुई ता दोऊ वारिस ला शुई, पर परमेश्वरो वारिस ए मसीह रंङ साते वारिस तोईनी। अगर हेनर यीशु रंङ साते दुख उठाएपोंई, दंङ हेनर दोऊ महिमा रिंङ ला सहभागी शुहचे योंई।

रोमियो 8:29

छना कुचे अंऊ दोतिंङ दोई तुहई ए अंङषी चरच़तो दोतु थल्जी दि इरादा लेह चरच़तो कि दोरे दोऊ योह यीशु ठ्रोह शोर ताकि दू न्वारेतु बिचंङ जेठे शोतो।

रोमियो 8:36

छना पवित्र शास्त्रारिंङ च़ेहसी तोह, “कांह वहज़ा ज़ि ञेंतिंङ हर टेम मौतो खतरा बंङज़ा; ञेंरे सिब्ज़ा त्रैंईतु ठ्रोह समझेक्च़ातोर।”

2 कुरिन्थियों 1:10

दोई ए हेनर सिमी मोह्ड़े मुसीबतो दोरच़ी बचाएति, ए बचाएपोतो; दंङ दोऊ टोईच़ी हेंदु दि उम्मीद तोह, कि दू तुंखा ला बचाएपा लोहतो।

2 कुरिन्थियों 1:5

छना कुचे मसीहू दुखारिंङ हेनर भागीदार शवातंई, ध्वांए हेंदु तसल्ली ओ थल्जी मसीहू दोरच़ी महस भागीदार शवातंई।

2 कुरिन्थियों 13:4

हेले रिंङ दोरे कमज़ोरी ओ हालातो वहज़ा ज़ि क्रूसो टोईच़ी चढ़ाइगी ता केहरिर, तांला परमेश्वरो सामर्थ रंङ साते श्रींङे तोह, हेनर ला फुका रूपारिंङ ध्वांए कमज़ोर तोतोंई; पर परमेश्वरो सामर्थ रंङ साते केतंङ साते व्यवहार लहज़िमी थल्जी दोरंङ साते श्रींङी बंङज़ोंई।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

गलातियों 6:17

तुंखा अच़िला गिह्बी दुख था रांही, छना कुचे गिऊ फुकारिंङ अंऊ दाग तोतोर दोच़ी कंड्रातोर कि गेह यीशु मसीहू इच्च़ा प्रेरित शुगाह।

इफिसियों 4:13

दि दोहपल तचेक जारी बंङज़ोतो अपेहल तचेक कि हेनर हेंदु विशवास ए परमेश्वरो योह पाहठी हेंदु समझरिंङ इच्च़ा शुहचे माह योंई। दंङ हेनर सिद्ध शुहचे योंई, छना मसीह शुहचे तोह, दंङ हेनर भत्ते पाहठी दोऊ ठ्रोह शुहचे योंई।

फिलिपियों 3:8

छना कुचे गेह मसीह यीशु घेंङौ प्रभु ञेंहच़ी रंङ साते ऊई भत्ते धिर बे मोह्ड़े तोह, गेह भत्ते चीज़ा तिंङ बेकार चेहच़ातग। अतु वहज़ा ज़ि गेह भत्ते चीज़ारे छोड़ेके केहतग, दंङ दोतिंङ कूड़ा समझेक्च़ातग, ताकि गेह मसीह बि ञेंए तरपोग।

कुलुस्सियों 1:24

दंङ हेंतेग गेह केहतु थल्जी अंऊ दुख सहन लहज़ातग दोऊ वहज़ा ज़ि खुश तोतोग। दंङ गेह लगातार घेंङौ फुको दुख सहन लहज़ातग, छना मसीह सहन लाहते, दंङ दि दुख गेह मसीहू कलीसियाओ थल्जी सहन लहज़ातग अंऊ मसीहू फुक शुह।

कुलुस्सियों 2:13

दंङ परमेश्वरे केतिंङ, अंऊ पापमय स्वाभाव रिंङ तोईनी शाक्ति रंङ आज़ाद माह तोहनी, मसीह रंङ श्रींङमी लहरी दंङ हेंदु भत्ते गुनाह लाह माफ लहरी।

कुलुस्सियों 3:1

अपेहल केहच़ी बपतिस्मा लेहपच़ातंई, दंङ केरे मसीहू ठ्रोह पथेक्च़ा इलांई दंङ खरकोई स्वाभावा रंङ साते मसीहू ठ्रोह श्रींङमी लेह केहनि, झांह लेह दुह चीज़ा तु खोजारिंङ बंङज़ेंई अंऊ स्वर्गंङ ज़ि केहषी तोह, अंऊर मसीह परमेश्वरो कछंङ महसे आदरो ठाहरीरिंङ बंङज़ा तोह।

1 पतरस 1:3

हेंदु प्रभु यीशु मसीहू बाह ए परमेश्वरो धन्यवाद शुहबी जूंस, अच़ि हेंदु थल्जी एनोह मोह्ड़े दाह ओ दोरच़ी हेंदिंङ इच्च़ा खरकोई जीवन रांहषी ततो। छना कुचे परमेश्वरे यीशु मसीह बि सिए दोतु बिचंङ ज़ि श्रींङमी लहरी, दोई हेंदिंङ महस आत्मविशवास रंङ श्रींङमिमी जोगे बणाके च़रति; मतलब हेनर दू चीज़ खोकच़िमी पूरे उम्मीद लेह तरपोंई अंऊ दोई हेंदिंङ रंड्रीमी वाईदा लहसी ततो।

2 पतरस 1:13

हेंदु प्रभु यीशु मसीह ज़ि गिह्बी साफ लेह चरच़तो कि गेह युरनाह सिए योग। झांह लेह गिह्बी च़ेहसी लेहकी तोह कि गिऊ थल्जी दि ठीक तोह कि अपेहल तचेक गेह श्रींङी तोतोग दंङ गेह धोंण तचेक केतिंङ दुह चीज़ तु पाहठी हिद रम्मा लोहग।

1 यूहन्ना 2:3

अगर हेनर परमेश्वरो आज्ञा मनेक्पोंई, दंङ दिरंङ साते हेंज़ी ञेंई च़रपोंई कि ञेंहच़ी परमेश्वर बि ञेंहनि।

1 यूहन्ना 2:5

पर अच़िला परमेश्वरो बचनो पालन लहज़ा, दोरिंङ हेले परमेश्वरो दाह सिद्ध शुहचे तोह, हेंदिंङ दिरंङ ए पता लेहकी यवात कि हेनर परमेश्वरा रंङ साते बणेंके तोतोंई।

प्रकाशित वाक्य 1:18

गेह इच्च़ा फेरा सिए इलजी तोईगा। पर हेंतेग गेह श्रींङे तोतोग दंङ हमेशा गेह श्रींङे बंङज़ोग। सिमी ए अधोलोको केईटी गिऊ कछंङ तोतोर।