फिलिपियों 3:1 - लाहौली बाइबिल

¹ झांह लेह गिऊ प्यारे साथी विशवासी रे, प्रभुरिंङ खुश बंङज़ोंई। दुह ए गप्पारे केतिंङ घड़ी-घड़ी च़ेहच़ी गिह्बी ता छिल्ला कष्ट माह शवाह, पर दि गप्पा केतिंङ हप्सी शिक्षा ओ दोरच़ी ला बचाएपोतो।

फिलिपियों 3:1 Iomraidhean Croise

मत्ती 5:12

दोहपल केहरे खुशी मनातुंई ए मगन शुई छना कुचे स्वर्गंङ केहतु थल्जी मोह्ड़े ईनाम तोह। दिऊ थल्जी कि दोच़ी दुह भविष्यवक्तातिंङ अंऊ महसे तुईबेज़ि तोईरे ध्यांए तंग लहज़ातेर।

लूको 1:47

दंङ गिऊ आत्मा गिऊ उद्धार लहज़ा परमेश्वरो दोरच़ी खुश शुहचे इलि।

रोमियो 5:11

सिर्फ दि मशत, पर हेंतेग ता हेंदु प्रभु यीशु मसीहू दोरच़ी परमेश्वरारंङ साते हेंदु मेल-मिलाप शुहचे इलज़ा; झांह लेह ञेंरे परमेश्वरा रिंङ खुश तोतोंई।

2 कुरिन्थियों 13:11

झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।

इफिसियों 6:10

आखरी गप्पा दि तोह कि केरे प्रभु सामर्थो दोरच़ी आत्मिक तरीका रंङ पक्‍का शुहचे इलांई।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।

फिलिपियों 4:4

प्रभुरिंङ सदा खुश बंङज़ुंई; गेह यह्च़ा कुट्रातग, खुश बंङज़ुंई।

फिलिपियों 4:8

झांह लेह, हे गिऊ प्यारे साथी विशवासी रे, अंऊ-अंऊ गप्पारे हेले तोह, दंङ अंऊ-अंऊ गप्पारे आदरो जोगे तोह, अंऊ-अंऊ गप्पारे ठीक तोरे, अंऊ-अंऊ गप्पारे पवित्र तोह, अंऊ-अंऊ गप्पारे सलटे तोतोर, दंङ अंऊ-अंऊ गप्पारे सेहमा गमेकी तोह मतलब अंऊ गप्पा रूठे ए षटणो जोगे तोह दोतु टोईच़ी ए केहतु सेहम लेहकी बंङज़ी जूंस।

1 थिस्सलुनीकियों 4:1

हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।

1 थिस्सलुनीकियों 5:16

हमेशा खुश बंङज़ुंई।

याकूब 1:2

हे गिऊ प्यारे साथी विशवासी रे, अपेहल केहतु टोहकठे महसे पाहठी मुसीबत अपतो, दोहपल दिबी महसे खुशी ओ गप्पा समझेक्तुंई।

1 पतरस 3:8

थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।

1 पतरस 4:13

बस दिऊ पाहठी खुश तोईनी, कि केरे मसीहू दुखारिंङ सहभागी शुहचे तोईनी। झांह लेह, अपेहल मसीह भत्ते मीहतिंङ एनोह महिमा प्रगट लहज़िमी थल्जी यह्च़ा अपतो दंङ केहतु खुशी हेले रिंङ बणेंके योतो।

2 पतरस 3:1

हे गिऊ प्यारे साथी विशवासी रे, एंतेग गेह केतिंङ दि दूसरी पत्री चेहच़ातग, गेह केतिंङ दि झुल्ला पत्री दिऊ थल्जी च़ेहसी तातग कि ताकि अंऊ गप्पारे केहच़ी तुहई बेहच़ी ञेंच़ातंई कि, दोतु पाहठी केतिंङ हिद दिलाएच़िमी दोरच़ी गेह केहतु सेहमरिंङ शुद्ध विचार पैदा लेह तरपोग।