फिलिपियों 2:6 - लाहौली बाइबिल

⁶ हालांकि मसीह हेले रि परमेश्वर तोहई, तांला दोई परमेश्वरो बराबरी लहज़िमी जोर माह रांई।

फिलिपियों 2:6 Iomraidhean Croise

मत्ती 1:23

“खंणुई, इच्च़ा ब्याह माह लहसी खोकटुंङ शोतो दंङ इच्च़ा गंङकटु जेह्पोतो, दंङ दोऊ मिन ‘इम्मानुएल’ शोतो अतु मतलब शुह, परमेश्वर हेन्दंङ साते तोह।”

यहून्नो 1:18

परमेश्वरा बि अच़िला अपेहला तंङशी माह शुह। सिर्फ परमेश्वरो इच्च़ा योह अंऊ सच्चा परमेश्वर शुह दंङ अरी बाहो कछंङ तोह, अच़ि ञेंतिंङ कंङातो कि परमेश्वर छना ठ्रोह तोह।

यहून्नो 10:30

गेह ए गिऊ पिता परमेश्वर इच्च़ा शुई।”

यहून्नो 10:33

यहुदी सेंहणा ज़ि दोबि जुबाब रेंईर, “रूठे कमो थल्जी ञेंहच़ी कनिंङ रघ द्रले माह केट्री पर परमेश्वरो बुराई लहज़िमी थल्जी ए दंङ दिऊ थल्जी कि कांह मीह शुहचे केनाबि परमेश्वर शुहबिमी दावा लहज़ातन।”

यहून्नो 10:38

पर अगर गेह कुट्रातग, ता गिऊ विशवास ला था लांही, पर दुह कमो टोहकठे विशवास लोहनी दंङ केतिंङ पता लेह्पोतो कि परमेश्वर गेरंङ तोह दंङ गेह परमेश्वरारंङ।”

यहून्नो 14:28

गिऊ गप्पारे हिद तंई: गेह य्वातग दंङ केहतु कछंङ वापिस अपोग। अगर केहच़ी गेरंङ साते दाह लंहीयां ता दिह ञेंहच़ाते खुश शुहचंङ कि गेह पिता परमेश्वरो कछंङ य्वातोग, अरी गिह्बी लाह महस मोह्ड़े तोह।

यहून्नो 14:9

यीशु ज़ि दोऊ हखा कुंई, “हे फिलिप्पुस, गेह धोंण ध्याड़ा बे करंङ साते तोतोग, दंङ छि केई गेह माह ञेंहना? अच़िला गेह तंङसी शुह दोई पिता परमेश्वर ला तंङसी शुह: केई छिले कुट्रातन पिता परमेश्वर बि ञेंतिंङ कंड्रु?

यहून्नो 17:5

दंङ हेंतेग, हे पिता परमेश्वर, केई केनोह तुईज़ी गिऊ महिमा लोहू, दुए महिमा अंऊ करंङ साते बंङज़ा दोहपल संसारो शुरुवात बे तुई गिऊ कछंङ तोहई।”

यहून्नो 20:28

दीह रेड्रा थोमा ज़ि जुबाब रेंई, “हे गिऊ प्रभु, हे गिऊ परमेश्वर!”

यहून्नो 5:18

छना कुचे यीशु ज़ि दिह गप्पा कुहते दिह बजह च़ि यहुदी नेतारे दोबि सच़िमी ऊई ला महसे कोशिश लहज़ी लेहतिर, छना कुचे यीशु ज़ि अरामो ध्याड़ो कानून मा मनेक्च़ते, पर परमेश्वरा बि एनोह बाह कुचे ऐनाबि परमेश्वरो बराबर चेहच़ाते।

रोमियो 9:5

अब्राहम, इसहाक ए याकूब दोतु पूर्वज शुरे, दंङ फुको हिसाबे मसीह दोतु ए खानदानो तोह। परमेश्वर, अंऊ भत्ते तु टोहकठे राज लहज़ा, दोऊ हमेशा ओ थल्जी षटणा शुहबी जूंस। आमीन।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

2 कुरिन्थियों 8:9

केहच़ी ञेंहतु प्रभु यीशु मसीहू मोह्ड़े दाह ञेंच़ातंई, कि दू साहुकार शुहचे ला केहतु थल्जी गरीब शुहचे इलि ताकि दोऊ गरीब शुहबी रंङ साते केरे साहुकार शुहचे ईलांई।

1 तीमुथियुस 1:17

दंङ हेंतेग अनंतकालो रज्ज़ा अंऊ हमेशा ओ थल्जी श्रींङी तोह अपि अच़िला खांई मरपोर, इच्च़ा ए सच्चा परमेश्वरो आदर ए महिमा युगानयुग शुहवा लोहतो। अमीन।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

इब्रानियों 1:3

दू योह ए परमेश्वरो महिमा ओ छंङी दंङ हर तरफे परमेश्वरो ठ्रोह तोह। दंङ भत्ते संसारा बि दंङ एनोह शाक्तिशाली बचनो दोरच़ी, भत्ते संसारा बि खड़े लहज़ी तहज़ा। दोई मीहतिंङ दोतु पापो दोरच़ी शुद्ध लेह च़रति, दंङ दोऊ थल स्वर्गारिंङ महिमामय परमेश्वरो सुचंङ हासी विराजमान शुहचे इलि।

इब्रानियों 1:6

दंङ अपेहल दोई एनोह आदरो जोगे योह बि संसारारिंङ च़रति, दंङ दोई कुई, “परमेश्वरो भत्ते स्वर्गदूत दोबि फ्यग लोहर।”

इब्रानियों 1:8

पर योह पाहठी कुट्रा, “कांह परमेश्वर शुनाह, कनु राज हमेशा तचेक बणेंके बंङज़ोतो, काह केनोह राजारिंङ धर्मिकता रंङ साते राज लोहतो।

इब्रानियों 13:8

यीशु मसीह मुतंङ ए तोग ए युगानयुग इच्च़ा ठ्रोह तोह, दू अपेहल ला माह लेहक्सतो।

प्रकाशित वाक्य 21:6

दंङ दोई गिऊ हखा कुई, “दि भत्ते गप्पा पूरे शुहचे इलज़ा। गेह अल्फा ए ओमेगा, आदि ए अनंत शुगाह। अरिला तिस्करे तोह, गेह दोबि दुह तिऊ सोता ओ दोरच़ी मुफ्ता रिंङ तुंङमिमी थल्जी रमोग अंऊ दोई अनंत जीवन रंड्रा।”