फिलिपियों 2:30 - लाहौली बाइबिल

³⁰ दुह मसीहू कमो थल्जी एनोह जाहन मुसीबत रिंङ केहच़ी सिमी जोगे तोहई, ताकि गिह्बी दोई मदत रें तरपोतो अंऊ केहच़ी केनाज़ि लेह मरपोंई।

फिलिपियों 2:30 Iomraidhean Croise

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

रोमियो 16:4

दोच़ी गिऊ जहान बचाएच़िमी थल्जी एनोह जहान मुसीबता रिंङ केहच़ी च़रतिर; सिर्फ गेह माह शुह, पर ऊईजाति तु भत्ते झुण्ड ला दोतु धन्यवाद लहज़ा।

1 कुरिन्थियों 15:53

छना कुचे हेंदु दि फुक अंऊ योह्च़े रंङ साते सिए यवात दंङ सुह्षी यवात, दोबि इच्च़ा झांह ठ्रोह फुकारिंङ बदलेपी ज़रूरी तोह अंऊ अपेहला माह सिओतो दंङ माह ए अपेहला सुह्पोतो।

1 कुरिन्थियों 16:10

अगर तीमुथियुस केहतु कछंङ कुरिन्थुस शहरंङ अपतो, दंङ दोरंङ साते रूठे रंङ बर्ताब लोहु; छना कुचे दुह गिऊ बराबर प्रभु कम लहज़ा।

1 कुरिन्थियों 16:17

दंङ गेह स्तिफनुस ए फुरतूनातुस ए अखईकुसो अपिरंङ साते खुश तोतोग, छना कुचे दोच़ी गिऊ मदत लहज़ातोर कि अंऊ केहच़ी खोक्शे मरतेनि छना कुचे केरे देर माह तोंई।

2 कुरिन्थियों 12:15

छिल्ला धिर गिऊ कछंङ तोह दू भत्ते धिरो ओ इस्तेमाल गेह केहतु थल्जी लेह च़रपोग ताकि पवित्र आत्माओ थले जोज़िमी थल्जी केहतु मदत लेह तरपोग। गेह केतंङ साते महस दाह लहज़ातग, पर झांह च़ेहसा कि केरे गेरंङ साते थोड़े दाह लहज़ातंई।

2 कुरिन्थियों 4:12

दंङ दिऊ मतलब दि तोह कि हेनर लगातार मौतो सामना लहज़ी लेहकी तोतोंई पर दिऊ नतीज़ा दि तोह कि केतिंङ अनंत जीवन खोकसा तोह।

फिलिपियों 2:17

प्रभु रिंङ केहतु विशवास ए केहतु सेवा परमेश्वर बि चढ़ासी बलिदानो ठ्रोह तोह। अगर दोच़ी गेह सच़ी च़रपोर, तांला गेह खुश तोतोग दंङ केरे भत्ते तंङ साते खुशी मानाएक्च़ातग।

फिलिपियों 2:27

दंङ हेले दुह टेहची ता इलजी तोहई, देर तचेक कि सिमी जोगे तोहई, पर परमेश्वरे दोऊ टोईच़ी दया लहच़ी दोबि ठीक लहरी; सिर्फ दोऊ ए टोईच़ी मशत, पर गिऊ टोईच़ी ला लहरी कि गिह्बी महस दुख शुहबी मेस।

फिलिपियों 4:10

गेह प्रभुरिंङ महस खुश तोतोग कि हेंतेग धोंण ध्याड़ो थल केहतु विचार यह्च़ा गिह्बी ढबाह च़रच़िमी थल्जी शुई; पक्‍का ए केतिंङ तुहई लाह दिऊ विचार तोहई, पर केतिंङ मोका माह खोकसिरी।

फिलिपियों 4:18

गिऊ दोर भत्ते धिर तोद पर महसे बे बढ़कर तोह; अंऊ चीज़ारे केहच़ी इपफ्रुदीतुसो गुह्ट्री दोरच़ी च़रसी तोहई, दुह खोक्शे गेह तृप्त शुहचे इलिगा, दि झांह ठ्रोह तग तोह अंऊ केहच़ी परमेश्वर बि चढ़ाके दंङ अंऊ रूठे वास रंड्रा। अंऊ परमेश्वर ग्रहण लहच़ी दंङ खुश शुहबी।

फिलेमोंन 1:13

गेह दोबि घेंङौ मदतो थल्जी देर ए तहच़ि तातेग अपेहल गेह यीशु मसीहू पाहठी रूठे खबरो प्रचार लहज़िमी वहज़ा ज़ि कैदारिंङ तोईग। दुह देर गिऊ मदत लहज़िमी थल्जी कांह जगह लेहपच़ी तरच़ाते छना कुचे गेह ञेंहच़ातग कि केई गिऊ मदत लेह जुंज़ातन।

प्रकाशित वाक्य 12:11

“हेंदु विशवासी ज़ि शेतान यहरच़े चरच़तो। दोच़ी दोबि कुरच़ो शुहई दोरच़ी यहरच़े चरच़तो, अंऊ दोतिंङ दोतु पापो दोरच़ी छुड़ाएच़िमी थल्जी सिए इलि। दोच़ी दोबि यहरच़े च़रतिर छना कुचे दोच़ी दि अंगीकार लेह जारी तहरिर कि दोतु कुरच़ा परमेश्वर तोहई। हालांकि दोतिंङ सताच़ी ला शुह देर तचेक कि सच़ी ला च़रतिर, पर दोरे एनोह दुह अंगीकारो दोरच़ी थलका माह शुईरे।”