फिलिपियों 2:25 - लाहौली बाइबिल

²⁵ पर गेह इपफ्रुदीतुसाबि अंऊ गिऊ विशवासी न्वा, ए साथी ए रूठे खबरो रक्षा लहज़िमी थल्जी इच्च़ा योद्धा तोह। दोबि केहच़ी गिऊ ज़रूरतो ख्याल लहज़िमी थल्जी गिऊ कछंङ चरच़ि च़रतिन।

फिलिपियों 2:25 Iomraidhean Croise

यहून्नो 13:16

गेह केतंङ साते हेले कुट्रातग, परगर एनोह मालिका बे मोह्ड़े माह शुहबी, दंङ अच़ि दुह च़रसी शुह, दोई एनाबि दोबि मोह्ड़े च़ेहसी माह जूंस।

यहून्नो 17:18

छना केई गिह्बी दीह संसारारंङ चर्तिना, ध्वांए गेह दोतिंङ ला दीह संसारारंङ च़रतिगा।

रोमियो 16:3

रिंङ प्रिस्किल्ला ए दोऊ गगसा अक्किला अंऊ यीशु मसीह रिंङ गिऊ साथी तोतोर, दोतिंङ गिऊ नमस्कार।

रोमियो 16:9

उरबानुसा बि, अंऊ मसीहरिंङ गिऊ साथी तोह, दंङ गिऊ प्यारे इस्तखुसबि ला गिऊ नमस्कार।

1 कुरिन्थियों 3:9

हेनर परमेश्वरो साथी शुई; दंङ केरे कुरिन्थुस ओ विशवासी इच्च़ा रिहो ठ्रोह तोतोंई अंऊ परमेश्वरो तोह। साते ए, गेह केहतु बराबरी इच्च़ा चुंङ ज़ि लेह तरपोग अपि परमेश्वर बणाच़ी लेहकी तोह।

2 कुरिन्थियों 2:13

गेह घेंङौ विशवासी न्वा तीतुसा बि केहतु तरफे खबर हपि माह तंङरिगा, झांह लेह त्रोआस शहरो विशवासी तु दोरच़ी विदा शुहचे गेह घेंङौ विशवासी न्वा तीतुस बि पेट्रीमी थल्जी मकिदुनिया शहरो हखा वापिस अतिगा।

फिलिपियों 2:26

दोऊ सेहम केहतु भत्ते तु बिचंङ लेहकी तोहई, दंङ दुह बैचेन बंङज़ा ते छना कुचे केहच़ी दोऊ टेहषीऊ हाल रेहशी तरैंई।

फिलिपियों 4:18

गिऊ दोर भत्ते धिर तोद पर महसे बे बढ़कर तोह; अंऊ चीज़ारे केहच़ी इपफ्रुदीतुसो गुह्ट्री दोरच़ी च़रसी तोहई, दुह खोक्शे गेह तृप्त शुहचे इलिगा, दि झांह ठ्रोह तग तोह अंऊ केहच़ी परमेश्वर बि चढ़ाके दंङ अंऊ रूठे वास रंड्रा। अंऊ परमेश्वर ग्रहण लहच़ी दंङ खुश शुहबी।

फिलिपियों 4:3

हे सच्चे साथी सुनतुखे, गेह करंङ साते बिनती लहज़ातग कि का दुह मेच़िमी तु मदत लोह, कि दोरे ला एनातु बिचंङ ठ्रोहका शुहचे बंङज़ोर, छना कुचे दोच़ी गेरंङ साते रूठे खबर फेलाच़िमी थल्जी, क्लेमेंस ए गिऊ ऊई साथीरंङ साते मेहनत लहरी, अतु मिन जीवनो कताबारिंङ च़ेहसी तोह।

कुलुस्सियों 1:7

दोऊ ए शिक्षा केहच़ी ञेंहतु प्यारे साथी इपफ्रास दोरच़ी सिखेच़ातंई, अंऊ हेंदु थल्जी मसीह विशवासो जोगे सेवक तोह।

कुलुस्सियों 4:11

दंङ यीशु अंऊ युस्तुस लाह कुट्री, केतिंङ नमस्कार कुट्रातोरे यहुदी विशवासी मीहतु बिचंङ सिर्फ दिरे ए षुम परमेश्वरो राजो थल्जी गिऊ साथी शुहरे अंऊ गिह्बी खुशी रंड्रा।

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

फिलेमोंन 1:24

दंङ मरकुस ए अरिस्तखुर्स ए देमास ए लूकास अंऊ मसीह रिंङ गेरंङ साते प्रभु कम लहज़ातोर; दितु कनिंङ नमस्कार।

इब्रानियों 3:1

झांह लेह, हे गिऊ प्यारे साथी विशवासी रे, केरे अंऊ स्वर्गा रिंङ दोरंङ साते शामिल शुहबिमी थल्जी बुलासी शुईं, मसीह यीशु टोईच़ी ध्यान रांही! दुह हेंदु थल्जी परमेश्वरो रूठे खबरो प्रेरित यहुदी महापुरोहित शुह।