फिलिपियों 2:15 - लाहौली बाइबिल

¹⁵ ताकि केरे निर्दोष ए रूठे शुहचे ते डेहरे ए हठीले मीहतु बिचंङ परमेश्वरो निष्कलंक सन्तान बड़ेकी तोंई, अतु बिचंङ केरे जीवनो बचन कुरच़ा सर्गो करज़े तु ठ्रोह चमकेपी जूंस।

फिलिपियों 2:15 Iomraidhean Croise

मत्ती 10:16

खंड्रूई गेह केतिंङ त्रैंईतु ठ्रोह शंखुतु बिचंङ चरच़ातग, झांह लेह ओमड्रो ठ्रोह चलाक ए कबूतरो ठ्रोह बुद्धिमान शुई।

मत्ती 17:17

यीशुज़ि जवाब रेंई, “हे अबिश्वासी ए ज़िद्दि मीहरे गेह अपेहल तचेक केतंङ साते बंङज़ोग दंङ अपेहल तचेक गेह केहतु अबिश्वासबि सेहन लोहग? दुह योह बि गिऊ कछंङ हतांई।”

मत्ती 5:45

झांह लेह केहरे केनातु स्वर्गो बाह परमेश्वरो कटुरे शोंई छना कुचे परमेश्वरे रूठे ए मदम मीहतु थल्जी एनोह एके हुंपा दंङ धर्मी ए पापी मीहतु टोईच़ी संदा वरसाची।

मत्ती 5:48

दिऊ थल्जी केतिंङ झांह ठ्रोह मीहरंङ साते दाह लहज़िमी ज़रूरत तोह अरी केतंङ साते दाह माह लहज़ातोर, छना केहतु स्वर्गो बाह परमेश्वर सिद्ध तोह।”

लूको 1:6

जकर्याह ए एलीशिबा झुड्ला परमेश्वरो तुईज़ी धर्मी तोईरे, दंङ दोरे प्रभुऊ भत्ते आज्ञाओ ए कानूनो टोईच़ी निर्दोष ज़ोज़ा तोईरे।

लूको 6:35

पर केनातु बैरीरंङ साते दाह लांही ए भलाई लांही, दंङ यह्च़ा वापिस खोकसिमी उम्मीदा उद्धार थारांई; दंङ केहतु थल्जी मोह्ड़े फल शोतो, दंङ केहरे परमप्रधान परमेश्वरो कटुरे शोनी, छना कुचे दोई मांजी दोतु टोईच़ी ला कृपा लाह।

यहून्नो 5:35

यूहन्ना इच्च़ा संजुवा ठ्रोह तोहई दंङ केतिंङ थोड़े अरे टैम दोऊ छंङीरिंङ बंङज़ी रुठे अति।

प्रेरित 2:40

पतरसे ऊई ला महसे गप्पा तंङ साते घड़ी-घड़ी खबरदार लहरी, “परमेश्वरा रंङ साते विनती लंहि ताकि दोई केतिंङ बचाएपोतो दंङ सज़ा रंड्री माह जूंस अपेहल दुह दि मांजी मीहतिंङ सज़ा रमतो अंऊ दोच़ी यीशु बि ठुकराएतिर!”

प्रेरित 20:30

देहर तचेक कि केहतु केनातु विशवासी झुंडो दोरच़ी झांह ठ्रोह मीहरे अपोर, अंऊ चेला तिंङ एनोह थलेसी लहज़िमी थल्जी नोखे गप्पा लहज़ातोर।

रोमियो 16:19

भत्ते ज़ि ञेंहच़ातोर कि केरे अंयों रूठे रंङ प्रभु हुकुमो भाषे लहज़ातंई। झांह लेह गेह केहतु पाहठी सोचेके खुश शवाहतग; पर गेह दि जुंज़ातग कि, केरे भलाई लहज़िमी थल्जी बुद्धिमान, पर बुराई लहज़िमी थल्जी शरीफ बणेंके तोंई।

1 कुरिन्थियों 1:8

परमेश्वर केतिंङ थल मुक्का तचेक विशवासारिंङ पक्‍का लोहवा लोहतो, कि केरे दू ध्याड़ा अपेहल हेंदु प्रभु यीशु मसीह धरती ऊ टोईच़ी वापिस अपतो निर्दोष शोतो।

2 कुरिन्थियों 6:17

झांह लेह प्रभु हेंदंङ साते पवित्र शास्त्रो दोरच़ी दि कुट्रा, दू मीहतंङ साते शत्‌ह शुहचे इलांई अंऊ परमेश्वरो थलेच़ि माह जोज़ातोर। दंङ अपवित्र चीज़ा तु दोरच़ी शत्‌ह बंङज़ुंई, दंङ गेह केतिंङ ग्रहण लोहग

इफिसियों 5:27

दू एनोह कलीसिया ओ थल्जी ला सिए इलि ताकि दू एनोह भत्ते मीहतिंङ सिद्ध बणाके तरपोतो दंङ हेंदिंङ एनोह हाज़िर रिंङ हपि तरपोतो, अतु दोर छा दोष या पाप या मदम गप्पा शुहबी मेस; पर दोरे पवित्र ए सिद्ध शुहबी जूंस।

फिलिपियों 1:10

झांह लेह केरे चुनाव लहज़िमी जोगे शोंई कि छि कम लहज़ी ठीक तोह, ताकि यीशु मसीहू दोबारा वापिस अपिमी ध्याड़ा तचेक ताकि केरे पवित्र ए निर्दोष शुहचे बंङज़ुंई।

फिलिपियों 3:6

खुशीऊ पाहठी गेह कोग ता कलीसियाबि सताएच़ा दुह; दंङ यहुदी कानून मनेक्च़ा तु, इच्च़ा धर्मी मीह तोहई, छना कुचे गेह दोऊ भत्ते पालन लाहतेर।

1 थिस्सलुनीकियों 5:23

शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।

1 तीमुथियुस 3:10

कलीसिया ओ सेवकातिंङ अंङड्रे बे तुहई दोतिंङ दि सबित लेह रांई कि दोतिंङ सही गुण तोह दंङ अगर दोरे निर्दोष हुंचोरे दंङ दोरे सेवको कम लोहर।

1 तीमुथियुस 3:2

दंङ दि ज़रूरी तोह कि कलीसिया ओ मुख्या बि दि गुण शुहबी जूंस, कि दुह निर्दोष शुहबी जूंस, दंङ इच्च़ा मेच़ो गगसा शुहबी जूंस, हर हालातरिंङ एनोह टोहकठे काबू लहज़ा, रूठे, ए पौहना तु आदर लहज़ा, दंङ परमेश्वरो बचन रूठे रंङ सिखाएच़ा शुहबी जूंस।

1 तीमुथियुस 5:14

झांह लेह गेह दि सलाह रंड्री जुंज़ातोग कि जवान रंणी ब्याह लेह च़रतु, दंङ कटुरे पैदा लेह घरबार सोटेक्तु, दंङ ऊई अरिया विरोधी बि बदनाम लहच़िमी मोका थारांई।

1 तीमुथियुस 5:20

अंऊ मीहच़ी पाप लहज़ातोर, कनिंङ दुह मीहतिंङ भत्ते विशवासी तु तुईज़ी रैहच़ी जूंशी तोह, ताकि ऊई विशवासी ला पाप लहच़िमी रंङ साते बेऊर।

1 तीमुथियुस 5:7

विशवासीतिंङ दि गप्पातु ला हुकुम रम्मा लंहि ताकि अच़िला दोतु टोईच़ी दोष लगाएच़ी माहरपोतो।

तीतुस 1:6

इच्च़ा कलीसिया ओ मुख्या बि बेकसूर ए इच्च़ा मेच़ो गगसा शुहबी जूंस, अतु कटुरे विशवासी शुहबी जूंस, दंङ अच़िला ला दोतु टोहकठे दि दोष लगासी माह जूंस कि दोरे बेकाबू ए हुकुमो भाषे माह लहज़ातोर।

तीतुस 2:10

चोरी चालाकी थालंही; पर साबित लंहि कि दू हमेशा ईमानदार तोह, ताकि मीहरे दोऊ रूठे व्यवहारा रिंङ ध्यान रमोर दंङ छिल्ल धिर दोच़ी लहज़ातोर दू मीहतु दोरच़ी हेंदु उद्धारकर्ता परमेश्वरो पाहठी रूठे खबर रेड्रीमी वहज़ा बणेक्तेंई।

तीतुस 2:15

झांह लेह तीतुस गेह जुंज़ातग कि कांह क्रेते टापू अविशवासी तिंङ दि गप्पा सिखातु अंऊ गेह कनिंङ कांहषी तातग। केनोह मीहतिंङ दि लहज़िमी थल्जी उत्साहित लोह, अंऊर ज़रूरत शोतो, दोर्तिंङ दोतिंङ सुधार लोह। कनिंङ झांह लहच़िमी भत्ते अधिकार तोह, अच़िया कांह अपमान लेह माह जूंस।

इब्रानियों 7:26

झांह ठ्रोह ए यहुदी महापुरोहित हेंदु ज़रूरत पूरा लेह तरपोतो, अंऊ पवित्र शोतो, निर्दोष शोतो, शुद्ध शोतो, पाप लहच़ाड दोतंङ शत्‌ह शोतो अतिंङ स्वर्गो दोरच़ी ला खेका लेह केहषी तोह।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।

2 पतरस 3:14

झांह लेह हे गिऊ प्यारे साथी विशवासी रे, अपेहल कि केरे दुह ध्याड़ा रूमज़ा तोतोंई अपेहल परमेश्वरे संसारो न्याय लोहतो दंङ केतिंङ पूरे कोशिश लहज़ी जूंशी तोह ताकि दोई केतिंङ शुद्ध ए दोष मेह शांति रंङ साते एनाह रंङ साते खोकपोतो।

प्रकाशित वाक्य 2:5

झांह लेह हिद लोह कि द्हपिमी बे तुहई काह अंऊर तोईन। कनिंङ पाप लेह बंद लहज़ी जूंशी तोह दंङ केनोह जीवन ध्वांए ठ्रोह श्रींङमी जूंशी तोह छना काह गिऊ टोईच़ी विशवास लहज़िमी तुहईबे श्रींङमातेंई। दंङ अगर काह सेहम माह किर्ज़ोंन दंङ गेह कनु कछंङ अपोग दंङ अंऊर कांह दिवट केहषी तोह दोबि दोरच़ी ऐखा लहज़ी ते कनिंङ सज़ा रमोग।

प्रकाशित वाक्य 3:9

रेड्रु, दोरे मीहरे अंऊ झांह ठ्रोह झुंडो मीहरे तोतोर अंऊ शेतानो तोह, दावा लहज़ातंई कि दोरे यहुदी तोतोर, पर दोरे सच्चा यहुदी माह तोतोर दंङ दोच़ी हप्सी कुट्रातोर। रेड्रु गेह झांह लोहग, कि दोच़ी अंज़े कांह कोंज़ा रिंङ फ्यग लोहर, दंङ दि ञेंई च़रपोर कि गेह करंङ साते दाह तहसी तातग।