फिलिपियों 2:13 - लाहौली बाइबिल

¹³ छना कुचे परमेश्वर ए तोह, अच़ि केहतु अंदरेग कम लहज़ा दंङ दोई ए केतिंङ कम लहज़िमी हिटी ए शाक्ति रंड्रा अंऊ दोई दोबि खुश लहज़ा।

फिलिपियों 2:13 Iomraidhean Croise

लूको 12:32

“केहरे गिऊ नज़रा त्रेंईतु क्वाच़ी झुण्डो ठ्रोह शुई, बेंईन था; छना कुचे केहतु बाह परमेश्वर बि दी रुठे चेहसिरी कि केहतु सेहमरिंङ राज लोहतो।

लूको 2:14

“स्वर्गंङ परमेश्वरो महिमा दंङ धरतीऊ टोईच़ी दुह मीहतु बिचंङ अतु दोरच़ी दुह खुश तोह, शांति शोतो।”

यहून्नो 3:27

यूहन्ना ज़ि जुबाब रेंई, “अपेहल तचेक मीह बि स्वर्गंङ च़ि मा रेंई, दोहपल तचेक दोच़ी छले मा खोक्पोर।

यहून्नो 6:45

भविष्यवक्तातु कताबंङ च़ेहसी तोह, ‘दोरे भत्तेर पिता परमेश्वरो दोरच़ी सिखाएच़ि शोर।’ अच़िला पिता परमेश्वरो दोरच़ी थासी ए सिखेसी तोतोर, दुह गिऊ कछंङ अपा।

यहून्नो 6:65

दंङ यीशु ज़ि कुंई, “दिऊ थल्जी गेह केतंङ साते कुहतेग कि अपेहल तचेक अतिया पिता परमेश्वरो दोरच़ी दिह वरदान माह रमोर दोहपल तचेक दुह गिऊ कछंङ अपि मरच़ि।”

प्रेरित 11:21

दंङ प्रभु ऊ सामर्थ दोतु टोईच़ी तोहई, दंङ महसे ऊईजाति ऊ मीहज़ी दोतु रूठे खबरो टोईच़ी बिशवास लहरिर दंङ दोरे यीशु मसीहू हखा किरच़ा इलिर।

रोमियो 12:3

छना कुचे गेह दू मोह्ड़े दाह ओ वहज़ा ज़ि अंऊ गिह्बी खोकसी तोह, केहतु बिचंङ हर इच्च़ा रंङ साते कुट्रातग कि छना समझेची जूंस दुबे बड़के अरिला एनाबि था सोचेक्तुंई। पर छना परमेश्वरे केतिंङ अंयों विशवास रांहषी ततो दोऊ हिसाबे सुबुद्धिरंङ साते केनातिंङ समझेक्तुंई।

रोमियो 9:11

जेह्कपिमी तुहई ए छा रूठे ए मदम लहज़िमी तुहई प्रभु ज़ि रिबका ओ हखा कुई कि दोतु मोह्ड़े योह ज़ि कवचि दोऊ सेवा लोहतो। प्रभु ज़ि दि कंड्रिमी थल्जी कुई कि दू एनोह पसन्‍द एनेह बणाएच़ा दंङ दि छिल्ला कम ओ दोरच़ी माह तोहई अंऊ दोई लाहते।

रोमियो 9:16

झांह लेह दि मीहू हिटी या दोऊ मेहनतो टोहकठे मशत, पर दया लहज़ार परमेश्वरो टोहकठे निर्भर शुहवा।

1 कुरिन्थियों 12:6

शत्‌ह-शत्‌ह तरीका रंङ साते परमेश्वरो हेंदु ज़िन्दगीरिंङ कम लहज़ा, पर परमेश्वर इच्च़ा ए तोह, अंऊ हेंदु भत्ते तु दोरच़ी कम लहज़ा।

1 कुरिन्थियों 15:10

पर अगर तोग गेह प्रेरित शुगाह दंङ दुह परमेश्वरो मोह्ड़े दाह शुह। दंङ दोऊ मोह्ड़े दाह अंऊ गिऊ टोईच़ी शुई, दुह शुह्के माह शुई पर गेह ऊई अरिला प्रेरित बे महस मेहनत ला लहरिगा ता दि गिऊ दोरच़ी मशत पर परमेश्वरो मोह्ड़े दाह गिऊ दोरच़ी कम लहज़ाते।

2 कुरिन्थियों 3:5

हेंज़ी दि माह कुट्रातंई कि हेंदु कछंङ हेंदु दोरच़ी छा लहज़िमी काबलियत तोह; पर परमेश्वर हेंदिंङ दि काबलियत रंड्रा।

इफिसियों 1:11

दिऊ अलावा, हेंदिंङ मसीह रिंङ एकता शुहबी साते परमेश्वरो दोरच़ी विरासता रिंङ खोकसा तोह, छना कुचे दोई हेंदिंङ तुहई बेहच़ी अंङषी ततो, दंङ दू एनोह योजना ओ हिसाबे भत्ते कम लहज़ा।

इफिसियों 1:5

छना कुचे परमेश्वरे हेंदंङ साते दाह लहरी दंङ दोई महस तुहई फेंसला लेह च़रते कि यीशु मसीह लहसी कमो दोरच़ी हेंदिंङ एनोह कटुरे बणाके च़रपोतो। परमेश्वरे झांह एनोह हिटी ए खुशी ऊ हिसाबे लहरी।

इफिसियों 1:9

परमेश्वरे एनोह हिटी ओ भेद हेंदु टोहकठे एनोह रूठे इरादो थल्जी प्रकट लहसी ततो, अंऊ दोई तुहई ए मसीहू दोरच़ी पूरा लहज़िमी ठानेगी च़रसी तहरे।

इफिसियों 2:8

छना कुचे अपेहल केहच़ी विशवास लहज़ातंई दंङ परमेश्वरे एनोह मोह्ड़े दाह ओ दोरच़ी केतिंङ बचाएक्तो, पर दि परमेश्वरो दान तोह।

2 थिस्सलुनीकियों 1:11

झांह लेह ञेंहच़ी लगातार केहतु थल्जी प्रार्थना ला लहज़ातंई, ताकि परमेश्वर केतिंङ दुह जीवनो जोगे बणाएक्पोतो अतिंङ श्रींङमी थल्जी दोई केतिंङ बुलाएसी शुई, दंङ दोई केहतु भत्ते रूठे हिटी एनोह शाक्ति रें पूरा लोहतो दंङ दुह कम ला पूरा लोहतो अंऊ केहतु विशवासो नतीज़ा तोह।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

1 पतरस 1:3

हेंदु प्रभु यीशु मसीहू बाह ए परमेश्वरो धन्यवाद शुहबी जूंस, अच़ि हेंदु थल्जी एनोह मोह्ड़े दाह ओ दोरच़ी हेंदिंङ इच्च़ा खरकोई जीवन रांहषी ततो। छना कुचे परमेश्वरे यीशु मसीह बि सिए दोतु बिचंङ ज़ि श्रींङमी लहरी, दोई हेंदिंङ महस आत्मविशवास रंङ श्रींङमिमी जोगे बणाके च़रति; मतलब हेनर दू चीज़ खोकच़िमी पूरे उम्मीद लेह तरपोंई अंऊ दोई हेंदिंङ रंड्रीमी वाईदा लहसी ततो।