फिलिपियों 2:12 - लाहौली बाइबिल

¹² हे गिऊ प्यारे साथी विशवासी रे, अपेहल गेह केतंङ साते तोईग दोहपल केहच़ी हमेशा परमेश्वरो हुकुमो भाषे लहरिन। एंतेग अपेहल गेह ऊईतार शुहचे इलजी तोतोग, दंङ केतिंङ ऊई ला गप्पा मनेक्च़ी जूंशी तोह। बेह्द रंङ साते केहतु बिचंङ भत्ते तिंङ दुह चीज़ लेह जूंशी तोह अंऊ दुह मीहतु थल्जी सही तोह अंऊ दोतिंङ परमेश्वरे बचाएसी ततो।

फिलिपियों 2:12 Iomraidhean Croise

मत्ती 11:12

अपेहल बे यूहन्ना बपतिस्मा रंड्राए प्रचार लेह शुरू लहतो दोहथल बेहच़ी तोग तचेक स्वर्गो राज जोरारंङ साते तुंखा शुबी लेहकी तोह, दंङ ड्रकशी दोरे दिबी नाश लहज़िमी कोशिश लहज़ी लेहकी तोतोर।

मत्ती 11:29

गिऊ जुम केनातु टोईच़ी उठातुंई, दंङ गिऊ दोरच़ी ञेंई। छना कुचे गेह शांत ए सेहमो रूठे तोतोग: दंङ केहच़ी केनातु सेहमरिंङ आराम खोकपोंई।

प्रेरित 16:29

दोहपल दुह लम्प पेट्री ज़रका रें तोंखा अति, दंङ डकेके पोलुस ए सीलासो तुईज़ी दह्चे इलि;

प्रेरित 9:6

पर हेंतेग अच़ा ते शहरो हखा इला, अच़िया कनिंङ कंङे च़रपोतो, कि कनिंङ छि लेह तोतआ।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

1 कुरिन्थियों 2:3

दंङ गेह कमज़ोरी ए बेह्दरंङ साते, दंङ महसे डगेकी ते केतंङ साते बंङज़िरी।

1 कुरिन्थियों 4:14

गेह केतिंङ षेपिमी थल्जी दि गप्पा माह चेहच़ातग, पर गिऊ मकसद केतिंङ शिक्षा रंड्री तोह, छना कुचे केरे गिऊ कटुतु ठ्रोह शुई। अतंङ गेह हेले दाह लहज़ातग केतिंङ गेह चेतावनी रंड्रातग।

2 कुरिन्थियों 7:15

तीतुसे अपेहल दि हिद लहज़ा कि छना केहच़ी दोऊ हुकुमो भाषे लहज़ातंई, अपेहल केहच़ी बेह्द चेहके ए मोह्ड़े आदरा रंङ साते दोऊ स्वागत लाहतंई, दंङ दू केतंङ साते ऊई ला महसे दाह लहज़ा।

इफिसियों 6:5

दासरंङ साते गिऊ विनती तोह कि अंऊ मीहरे दि संसारारंङ केहतु मालिक तोतोर, दोतु आदर सत्कार सिर्फ दिखावा थल्जी थालंही। केहतु बिचंङ हर इच्च़ा बि बेह्द ए ड्केगी छना कि मसीहू, ध्वांए मालिको ला हुकुमो भाषे लंहि।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

फिलिपियों 1:29

छना कुचे मसीह वहज़ा ज़ि केहतु टोईच़ी दि मोह्ड़े दाह शुई, कि माह सिर्फ दोऊ टोईच़ी विशवास लंहि पर दोऊ थल्जी दुख लाह उठाकतेंई।

फिलिपियों 1:5

झांह लेह कि केरे मुण्डो ध्याड़ारिंङ च़ि अपेहल बे केहच़ी दि रूठे खबरो टोहकठे विशवास लहज़ातंई दोथर बे तोग तचेक यीशु मसीहू पाहठी दि रूठे खबर फेलाच़िमी गिऊ सहभागी शुहचे शुई।

फिलिपियों 1:6

गिह्बी दि गप्पा ओ विशवास तोह कि परमेश्वरे केहतु बिचंङ छा रूठे लहच़ी शुरूआत लहतो, दोई ए दोबि यीशु मसीहू वापिस अपिमी ध्याड़ा तचेक पूरा लोहतो।

फिलिपियों 2:19

गिह्बी प्रभु यीशु रिंङ उम्मीद तोह कि गेह तीमुथियुसाबि केहतु कछंङ युरनाह च़रपोग, ताकि अपेहल दुह वापिस अपतो, केहतु दशा रेड्राते गिऊ याहब बढेक्पोतो।

फिलिपियों 4:1

हे गिऊ प्यारे साथी विशवासी रे, गेह केतंङ साते महस दाह लहज़ातग दंङ गेह केतंङ साते दोईमी इंतज़ार लेह लेहकी तोतोग। अंऊ गिऊ खुशी ए गिऊ ईनाम तोह, गिऊ प्यारे न्वारे, प्रभुरिंङ दि ध्यांए ठ्रोह खड़े बंङज़ुंई।

फिलिपियों 4:15

हे फिलिप्पी शहरो मीहरे, केहच़ी ञेंहच़ातंई कि अपेहल गेह रूठे खबरो प्रचारो शुरूआती ध्याड़ा रिंङ मकिदुनिया प्रदेशो दोरच़ी घेंङौ यात्रा शुरू लहज़ी दोहपल अच़ा इलिगा दोहथर केतिंङ केट्रा ऊई अरिया कलीसिया ओ मीहच़ी लेन-देनो पाहठी गिऊ मदत माह लहरिर।

1 थिस्सलुनीकियों 1:3

अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

2 तीमुथियुस 2:10

दिऊ थल्जी गेह दुह मीहतु थल्जी भत्ते दुख सहन लहज़ातग, अतिंङ परमेश्वरे अंङषी ततो, ताकि दोरे ला यीशु मसीहू टोहकठे विशवास लोहर दंङ उद्धार ए अनंत कालो महिमा खोक्पोर।

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।

इब्रानियों 4:1

झांह लेह, अपेहल नहच़िमी ठाहरीरिंङ इबिमी वाईदा हेंतेग ला तोह, दंङ हेंदिंङ महस खबरदार बंङज़ी जूंशी तोह; कि केहतु बिचंङ अतिंङ ला दू नह्च़िमी ठाहरीरिंङ इबिमी मौका केट्री माह जूंस।

इब्रानियों 4:11

झांह लेह हेनर दू नहच़िमी ठहरि इबिमी थल्जी महस मेहनत लोहनि, अंऊ ला मीहबी दू मीहतु उदाहरणो नकल लहज़ी माह जूंस अंऊ दोच़ी परमेश्वरो भाषे लहज़िमी रंङ साते इन्कार लेह च़रति। दोहपल हेनर दू नहच़िमी ठाहरीरिंङ इबि तरपोंई।

इब्रानियों 5:9

परमेश्वरे मलिकिसिद्को ठ्रोह दोबि यहुदी महापुरोहित ओ आदर रांही, दोबि सिद्ध बणाएति दंङ दू भत्ते मीहतु थल्जी उद्धारो शुरूआत बणेंके इलि अंऊ दोऊ हुकुमो भाषे लहज़ातेर।

1 पतरस 2:11

हे प्यारे साथी विशवासी रे, गेह केतंङ साते बिनती लहज़ातग कि केरे दि संसारारंङ परदेशी ए यात्री तु ठ्रोह तोतोंई। गेह केतिंङ चेतावनी रंड्रातग कि दू भत्ते मदम फुको हिटी ओ दोरच़ी बचेक्तेंई छना कुचे दू केहतु केनातु आत्माओ खिलाप हमेशा लड़ाई लहज़ा।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।