फिलिपियों 1:9 - लाहौली बाइबिल

⁹ दंङ गेह दि प्रार्थना लहज़ातग, कि इदि-अई दिऊ थल्जी केहतु दाह, सच्चाई ओ ज्ञान ए दंङ भत्ते पाहठी विचार ऊई ला बेहसा लोहतो,

फिलिपियों 1:9 Iomraidhean Croise

1 कुरिन्थियों 14:20

हे गिऊ साथी विशवासी रे, केरे इच्च़ा कटु ठ्रोह सोचेक्च़ी बंद लंहि, अपेहल मांजी ओ गप्पा अपा दंङ दू मुक्का कटुतु ठ्रोह निर्दोष बंङज़ुंई, पर झांह ठ्रोह मामला समझेक्सिमी थल्जी सियाणा शुईं।

2 कुरिन्थियों 8:7

पर छना भत्ते गप्पारिंङ मतलब विशवास, बचनो प्रचार लहज़िमी थल्जी, ज्ञान ए भत्ते पाहठी ओ कोशिशो थल्जी, दंङ दू दाह रिंङ, अंऊ हेंदंङ साते तहज़ातंई, बढ़ेक्पा लाहतंई, ध्वांए गरीब विशवासी ओ थल्जी दि दानो कम रिंङ बढ़ेक्पा लंहि।

इफिसियों 5:17

झांह लेह मुर्ख था बणेक्तुंई, पर दि समझेक्सिमी कोशिश लोह कि प्रभु केतंङ साते छि लहज़ी जुंज़ा।

कुलुस्सियों 1:9

झांह लेह अपेहल बे ञेंहच़ी दि रैहशी तातंई, दंङ हमेशा ञेंहच़ी केहतु थल्जी प्रार्थना लहज़ा तंई कि परमेश्वरो आत्मा केतिंङ ज्ञान ए समझ रमतो ताकि केहच़ी दोऊ हिटी पुरा रिति रंङ समझेक्पोंई।

कुलुस्सियों 3:10

दंङ हेंतेग केहच़ी खरकोई स्वाभाव धारण लेह केहतंई, दिह खरकोई स्वाभाव महसे बे महसे एनोह सिरजनहारो ठ्रोह शुहबी लेहकी तोह दंङ दोबि रूठे रंङ समझेक्पोतो।

1 थिस्सलुनीकियों 3:12

ञेंहच़ी दि ला प्रार्थना लहज़ातंई कि प्रभु ज़ि झांह लोहतो कि, कि छना ञेंहच़ी केतंङ साते दाह लहज़ातंई, ध्वांए ए केहच़ी लाह इदि-अई दिरंङ साते दाह लोहवा लंहि, दंङ भत्ते मीहतंङ साते केहतु दाह ऊई लाह लगातार बढेक्पि जूंस।

1 थिस्सलुनीकियों 4:1

हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

फिलेमोंन 1:6

गेह प्रार्थना लहज़ातग कि विशवासी मीह तंङ साते छना कांह संगति तोह दुह बड़ेक्पी जूंस, दुह भत्ते रूठे चीज़ो पता लेहपि रंङ साते अंऊ परमेश्वरे हेंदिंङ रांहषी ततो, दि भत्ते मसीहू महिमा ओ थल्जी शोतो।

इब्रानियों 5:14

ढकाह बगत दोतु थल्जी शुह अंऊ विशवासारिंङ पक्‍का तोतोर, दंङ परमेश्वरो नज़रारिंङ सही जीवन‍‍‍ श्रींङमातोर दंङ शिक्षा ओ दोरच़ी सिखेक्च़ा इलांई कि छि रूठे तोह दंङ छि मदम तोह।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।