फिलिपियों 1:7 - लाहौली बाइबिल

⁷ चाहे गेह जेलारिंङ तोतोग या गेह दि साबित लहज़ातग कि रूठे खबर हेले शुह। ठीक तोह कि गेह केहतु थल्जी झांह ठ्रोह विचार लोहग, छना कुचे गेह केतंङ साते महस दाह लहज़ातग चाहे गेह जेलारिंङ तोतोग या गेह रूठे खबरो बचाब लहज़ी लेहकी तोतोग दि साबित लहज़िमी थल्जी कि रूठे खबर हेले शुह, झांह लेह केरे भत्तेर गेरंङ साते परमेश्वरो मोह्ड़े दाह रिंङ सहभागी शोंई।

फिलिपियों 1:7 Iomraidhean Croise

प्रेरित 20:23

पर दिह कि पवित्र आत्मा च़ि भत्ते इलाका रिंङ गवाही रंड्रा-रंड्रा गेरंङ साते दिह कुट्रा कि बंधन ए कलेश कांह थल्जी त्यार तोह।

प्रेरित 21:33

दंङ सेनिकातु सरदारे पोलुस ओ कछंङ अंज़े दुह च़ुमने च़रतिर; दंङ झुह्ट षंङणी रंङ साते छ़ुह्च़ी मीहरे रुहक्च़ी लेहती, दीह अरी शुह, दंङ दीह छी लह्सी ततो?

1 कुरिन्थियों 13:7

दोरे भत्ते धिर सहन लहज़ातोर, दाह हेंदिंङ भत्ते हालातरिंङ विशवास लहज़िमी जोगे बणाएच़ा, दि हेंदिंङ परमेश्वरो टोईच़ी हेंदु उम्मीद बणाएच़िमी जोगे मदत लहज़ातोर, दि मुसीबत ए टेहषी मुक्का धीरज़ तहच़ि सिखाएच़ा।

1 कुरिन्थियों 9:23

दंङ गेह भत्ते धिर मसीहू पाहठी रूठे खबर प्रचार लहज़िमी थल्जी लहज़ातग, ताकि दू आशीष तु हिस्सा गिह्बी ला खोकसा इबि जूंस, अतु वाईदा रूठे खबरारिंङ लहसी तोह।

2 कुरिन्थियों 3:2

केरे केनार ए इच्च़ा डाको ठ्रोह तोतोंई अंऊ भत्ते तु तुईज़ी परमेश्वरो थल्जी गिऊ कमो सिफारिश लहज़ा, अंऊ हेंदु सेहमरिंङ च़ेहसी तोह, दंङ केहतु लेहक्सी जीवन केहतु बिचंङ हेंदु कमो वहज़ा ज़ि तोह, अंऊ इच्च़ा डाको ठ्रोह तोह अतिंङ हर इच्च़ा पढेक्पि तरपोतो ए सेहषी तरपोतो।

2 कुरिन्थियों 7:3

गेह केतिंङ दोषी ठहराच़िमी थल्जी माह कुट्रातग। छना कुचे गेह तुहई ए कुहषी ताहरेग, कि ञेंरे हेंदु भत्ते सेहमे दाह लहज़ातंई “ञेंरे केतंङ साते दाह लहज़ातंई दंङ लोहवा लोहनि, चाहे छिल्ला शुहचे योतो।”

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

इफिसियों 3:1

झांह लेह, गेह पोलुस केहतु थल्जी प्रार्थना लहज़ातग। गेह जेलारिंङ तोतोग छना कुचे गेह केरे ऊईजाति मीहतिंङ रूठे खबर सुनाके यीशु मसीहू सेवा लहज़ातग।

इफिसियों 4:1

झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।

इफिसियों 6:20

दिऊ थल्जी गेह षंङणी रिंङ छ़ुह्च़ी राजदूतो ठ्रोह सेवा लहज़ातग। प्रार्थना लांहि कि, छना ठ्रोह गिह्बी कुट्री जूंस, ध्वांए गेह हिम्मत रंङ साते रूठे खबरो प्रचार लेह तरपोग।

फिलिपियों 1:12

हे विशवासी न्वारे, गेह जुंज़ातग कि केहच़ी दिह ञेंई च़रतेंई कि गिऊ टोईच़ी छि बितेक्पि लेहकी तोह, दोऊ वहज़ाज़ि महस मीहच़ी रूठे खबरो टोहकठे विशवास लहरिर।

फिलिपियों 1:13

देर तचेक कि महाराजा राजभवनो भत्ते सेना ए महलो भत्ते मीहतु बिचंङ दि प्रगट शुचे इलि कि गेह मसीहू सेवाओ थल्जी कैदरिंङ तोतोग।

फिलिपियों 1:14

दंङ प्रभुरिंङ अंऊ विशवासी न्वारे तोतोर, दोतु बिचंङ महस गिऊ कैदरिंङ शुहबी वहज़ा ज़ि, खुशी रंङ साते परमेश्वरो वचन बेधड़क शुचे सुनाएच़िमी थल्जी ऊई ला याहब लहज़ातोर।

फिलिपियों 1:5

झांह लेह कि केरे मुण्डो ध्याड़ारिंङ च़ि अपेहल बे केहच़ी दि रूठे खबरो टोहकठे विशवास लहज़ातंई दोथर बे तोग तचेक यीशु मसीहू पाहठी दि रूठे खबर फेलाच़िमी गिऊ सहभागी शुहचे शुई।

फिलिपियों 2:22

पर केहच़ी ञेंच़ातंई कि तीमुथियुस छना कंङातो कि दुह वफादार तोह। छना योह बाह रंङ साते लहज़ा, ध्वांए ए दोई रूठे खबर फेलाच़िमी थल्जी गेरंङ साते मेहनत लहरी।

फिलिपियों 4:14

दंङ तांला केहच़ी रूठे लहरिन कि गिऊ कलेशा रिंङ गिह्बी ढबाह रंड्रीमी दोरच़ी गिऊ साथी शुहचे ईलांई,

फिलिपियों 4:15

हे फिलिप्पी शहरो मीहरे, केहच़ी ञेंहच़ातंई कि अपेहल गेह रूठे खबरो प्रचारो शुरूआती ध्याड़ा रिंङ मकिदुनिया प्रदेशो दोरच़ी घेंङौ यात्रा शुरू लहज़ी दोहपल अच़ा इलिगा दोहथर केतिंङ केट्रा ऊई अरिया कलीसिया ओ मीहच़ी लेन-देनो पाहठी गिऊ मदत माह लहरिर।

फिलिपियों 4:3

हे सच्चे साथी सुनतुखे, गेह करंङ साते बिनती लहज़ातग कि का दुह मेच़िमी तु मदत लोह, कि दोरे ला एनातु बिचंङ ठ्रोहका शुहचे बंङज़ोर, छना कुचे दोच़ी गेरंङ साते रूठे खबर फेलाच़िमी थल्जी, क्लेमेंस ए गिऊ ऊई साथीरंङ साते मेहनत लहरी, अतु मिन जीवनो कताबारिंङ च़ेहसी तोह।

कुलुस्सियों 4:18

गेह पोलुस, घेंङौ गुह्ट्र दिह डाकरिंङ केतिंङ नमस्कार चेहच़ातग। हिद तंही कि गेह जेलारिंङ तोतोग दंङ गिऊ थल्जी प्रार्थना लंहि केहतु टोईच़ी परमेश्वरो मोह्ड़े दाह शुहवा लोहतो। अमीन।

कुलुस्सियों 4:3

दंङ दिरंङ साते ए ञेंहतु थल्जी प्रार्थना लोहवा लंहि कि परमेश्वर हेंदु थल्जी प्रचार लहज़िमी मोका रमतो, कि हेनरे मसीहऊ दुह भेदो पाहठी समझाके तरपोंई, अतु वहज़ा ज़ि गेह कैदारिंङ तोतोग,

1 थिस्सलुनीकियों 5:5

छना कुचे केरे भत्तेरे छंङीऊ कटुरे शुई, दंङ निहरो कटुरे शुई, हेनर माह रातो शुई, माह हन्यारो कटुरे शुई।

2 तीमुथियुस 1:8

झांह लेह ऊई मीहतिंङ हेंदु प्रभु यीशु मसीहू पाहठी कंड्रिमी शर्मिन्दा था शुई, दंङ माह ए कनिंङ दि गप्पो दोरच़ी षेहपि जूंस कि गेह परमेश्वरो सेवा लहच़िमी रंङ साते कैदारिंङ तोतोग। पर कनिंङ दुह सामर्थो इस्तेमाल लेह जूंशी तोह अंऊ परमेश्वर कनिंङ रंड्रा, दंङ रूठे खबरो थल्जी गेरंङ साते दुखा रिंङ साथी शुई।

2 तीमुथियुस 2:9

दिए रूठे खबरो प्रचार लहज़िमी रंङ साते गेह कैदारिंङ इच्च़ा अपराधी ओ ठ्रोह दुख उठाएच़ातोग। तांला परमेश्वरो बचन प्रचार लहज़िमी रंङ साते अरिला रोकेकी मरपोतो।

फिलेमोंन 1:13

गेह दोबि घेंङौ मदतो थल्जी देर ए तहच़ि तातेग अपेहल गेह यीशु मसीहू पाहठी रूठे खबरो प्रचार लहज़िमी वहज़ा ज़ि कैदारिंङ तोईग। दुह देर गिऊ मदत लहज़िमी थल्जी कांह जगह लेहपच़ी तरच़ाते छना कुचे गेह ञेंहच़ातग कि केई गिऊ मदत लेह जुंज़ातन।

इब्रानियों 3:1

झांह लेह, हे गिऊ प्यारे साथी विशवासी रे, केरे अंऊ स्वर्गा रिंङ दोरंङ साते शामिल शुहबिमी थल्जी बुलासी शुईं, मसीह यीशु टोईच़ी ध्यान रांही! दुह हेंदु थल्जी परमेश्वरो रूठे खबरो प्रेरित यहुदी महापुरोहित शुह।

1 पतरस 4:13

बस दिऊ पाहठी खुश तोईनी, कि केरे मसीहू दुखारिंङ सहभागी शुहचे तोईनी। झांह लेह, अपेहल मसीह भत्ते मीहतिंङ एनोह महिमा प्रगट लहज़िमी थल्जी यह्च़ा अपतो दंङ केहतु खुशी हेले रिंङ बणेंके योतो।

1 पतरस 5:1

रें झांह ठ्रोह गप्पा तोह अंऊ गेह दोरकी सेंहणा तंङ साते कुट्री तातग छना कुचे गेह ला केहतु ठ्रोह इच्च़ा सेंहणा शुगाह। गेह घेंङौ दू दुखा बि तंङातेग अंऊ महसे तुहई मसीह ज़ि सहन लहरी। अपेहल दू यह्च़ा वापिस अपतो, दंङ गेह ला दोऊ महिमा रिंङ सहभागी शोहग दंङ गेह केतंङ साते विनती लहज़ातग,

2 पतरस 1:13

हेंदु प्रभु यीशु मसीह ज़ि गिह्बी साफ लेह चरच़तो कि गेह युरनाह सिए योग। झांह लेह गिह्बी च़ेहसी लेहकी तोह कि गिऊ थल्जी दि ठीक तोह कि अपेहल तचेक गेह श्रींङी तोतोग दंङ गेह धोंण तचेक केतिंङ दुह चीज़ तु पाहठी हिद रम्मा लोहग।

1 यूहन्ना 3:14

ञेंहतिंङ पता तोह, कि हेनर सिमी शाक्ति ओ दोरच़ी आज़ाद शुहचे इलजी तोतोंई दंङ एंतेग हेंदु कछंङ परमेश्वरो दोरच़ी अनंत जीवन तातंई; छना कुचे ञेंरे विशवासी न्वा तंङ साते दाह लहज़ातंई अच़िला दाह माह तहच़ा दुह सिमी दशारिंङ बंङज़ा।