फिलिपियों 1:6 - लाहौली बाइबिल

⁶ गिह्बी दि गप्पा ओ विशवास तोह कि परमेश्वरे केहतु बिचंङ छा रूठे लहच़ी शुरूआत लहतो, दोई ए दोबि यीशु मसीहू वापिस अपिमी ध्याड़ा तचेक पूरा लोहतो।

फिलिपियों 1:6 Iomraidhean Croise

यहून्नो 6:29

यीशु ज़ि दोतिंङ जुबाब रेंई, “परमेश्वरे जुंज़ातो कि केहरे दोऊ टोहकठे विशवास लांही अरी दोई च़रसी शुह।”

प्रेरित 11:18

दिह रेड्रा दोरे यहुदी बिशवासीर चुपे बंङज़िरी, दंङ परमेश्वरो तारीफ लहज़ा कुट्री लेहतिर, “दंङ ता परमेश्वरे ऊईजाति ऊ मीहतिंङ ला अनंत जीवनो थल्जी एनोह पापो दोरच़ी सेहम किरज़िमी ए यीशु मसीहू टोहकठे बिशवास लहज़िमी दान रांहषी ततो।”

प्रेरित 16:14

दंङ लुदिया मिंदंङ थुआतीरा नगरो पोरलो खमज़े लंङज़ा अंऊ परमेश्वरो अराधना लहज़ार तोहई, रेड्राते, दंङ प्रभु ज़ि दोऊ सेहम अल्ज़े च़रति, कि दोई पोलुसो गप्पारिंङ ध्यान रमोतो।

1 कुरिन्थियों 1:8

परमेश्वर केतिंङ थल मुक्का तचेक विशवासारिंङ पक्‍का लोहवा लोहतो, कि केरे दू ध्याड़ा अपेहल हेंदु प्रभु यीशु मसीह धरती ऊ टोईच़ी वापिस अपतो निर्दोष शोतो।

2 कुरिन्थियों 1:15

गिह्बी उम्मीद तोहई कि काह गिह्बी समझेगी तरपोन दंङ दिऊ थल्जी गेह कनिंङ भत्ते बे मुण्डा दोईमी सकिम लहतेग। झांह ठ्रोह केतिंङ गिऊ दोरच़ी झुह्ट पाहठी सफरो आशीष खोकच़ातंई।

2 कुरिन्थियों 2:3

दंङ गेह दि गप्पा केतिंङ झांह लेह चेहरिगा, कि झांह शुहबी मेस, कि गिऊ अपिमी मुका, अतु दोरच़ी गिह्बी खुशी खोकसी जूंस, गेह दोतंङ साते दुखी शोहग; छना कुचे गिह्बी केहतु भत्ते तु टोईच़ी दि गप्पाऊ विशवास तोह, कि अंऊ गिऊ खुशी तोह, दुह ए केहतु भत्ते तु ला तोह।

2 कुरिन्थियों 7:16

गेह महसे खुश तोतोग, कि केहतु तरफे गिह्बी हर गप्पारंङ विशवास शवात।

2 कुरिन्थियों 9:4

झांह शुहबी मेस, कि अगर अपेहला मकिदुनिया नगरो रें विशवासी गेरंङ साते अपोर, दंङ केहतु धन तेयार माह शोतो, दंङ शुहबी तरपोतो कि, ञेंरे केहतु टोहकठे हेंदु विशवासो पाहठी शर्मिन्दा शोनि, पर केरे ऊई ला महस शर्मिन्दा शोनि।

गलातियों 5:10

पर गेह परमेश्वरो टोहकठे भरोसा लहज़ातोग कि दोई केतिंङ ऊई मीहतु हप्सी शिक्षा ओ टोईच़ी विशवास लहज़िमी दोरच़ी बचाके च़रपोतो। बल्कि केरे गिऊ शिक्षाओ भाषे लोहनि। छना कुचे अंऊ केहतु थल्जी परेशानी पैदा लहज़ा दू अरिला छारिंङ माह शोतो, परमेश्वरो दोरच़ी सज़ा खोकपोतो।

इफिसियों 4:12

अंऊ दिरंङ साते पवित्र मीहरे सिद्ध शुहचे योरे दंङ सेवाऊ कम लोहवा लोहरे मसीहू फुकरिङ तरक्की खोकसोतो।

फिलिपियों 1:10

झांह लेह केरे चुनाव लहज़िमी जोगे शोंई कि छि कम लहज़ी ठीक तोह, ताकि यीशु मसीहू दोबारा वापिस अपिमी ध्याड़ा तचेक ताकि केरे पवित्र ए निर्दोष शुहचे बंङज़ुंई।

फिलिपियों 1:29

छना कुचे मसीह वहज़ा ज़ि केहतु टोईच़ी दि मोह्ड़े दाह शुई, कि माह सिर्फ दोऊ टोईच़ी विशवास लंहि पर दोऊ थल्जी दुख लाह उठाकतेंई।

फिलिपियों 2:12

हे गिऊ प्यारे साथी विशवासी रे, अपेहल गेह केतंङ साते तोईग दोहपल केहच़ी हमेशा परमेश्वरो हुकुमो भाषे लहरिन। एंतेग अपेहल गेह ऊईतार शुहचे इलजी तोतोग, दंङ केतिंङ ऊई ला गप्पा मनेक्च़ी जूंशी तोह। बेह्द रंङ साते केहतु बिचंङ भत्ते तिंङ दुह चीज़ लेह जूंशी तोह अंऊ दुह मीहतु थल्जी सही तोह अंऊ दोतिंङ परमेश्वरे बचाएसी ततो।

फिलिपियों 2:13

छना कुचे परमेश्वर ए तोह, अच़ि केहतु अंदरेग कम लहज़ा दंङ दोई ए केतिंङ कम लहज़िमी हिटी ए शाक्ति रंड्रा अंऊ दोई दोबि खुश लहज़ा।

फिलिपियों 2:16

झांह लेह गेह मसीहू यह्च़ा अपिमी ध्याड़ो थल्जी दि गप्पो टोहकठे घमण्ड लेह तरपोग कि गिऊ कोशिश ए मेहनत लहज़ी बेकार माह शुई।

कुलुस्सियों 2:12

अपेहल केहच़ी बपतिस्मा लेहपच़ातंई, दंङ केरे मसीहू ठ्रोह पथेक्च़ा इलांई दंङ खरकोई स्वाभावा रंङ साते मसीहू ठ्रोह श्रींङमी लेह केहनि। झांह ठ्रोह दिऊ थल्जी शुई छना कुचे केहच़ी विशवास लहज़ा तंई कि परमेश्वरे एनोह सामर्थो दोरच़ी, मसीह बि सिमी थल यह्च़ा श्रींङमी लेह केई।

1 थिस्सलुनीकियों 1:3

अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

2 थिस्सलुनीकियों 1:11

झांह लेह ञेंहच़ी लगातार केहतु थल्जी प्रार्थना ला लहज़ातंई, ताकि परमेश्वर केतिंङ दुह जीवनो जोगे बणाएक्पोतो अतिंङ श्रींङमी थल्जी दोई केतिंङ बुलाएसी शुई, दंङ दोई केहतु भत्ते रूठे हिटी एनोह शाक्ति रें पूरा लोहतो दंङ दुह कम ला पूरा लोहतो अंऊ केहतु विशवासो नतीज़ा तोह।

2 थिस्सलुनीकियों 3:4

दंङ ञेंतिंङ प्रभुरिंङ केहतु टोहकठे भरोसा तोह, कि अंऊ-अंऊ आज्ञा ञेंहच़ी केतिंङ रंड्रातंई, दोतिंङ केहच़ी मनेक्च़ातंई, दंङ मनेक्च़ा ला लोहनि।

फिलेमोंन 1:21

गेह कनु आज्ञाकारी शुहबिमी भरोसा तहच़ि ते, कनिंङ चेहच़ातग, दंङ दि ञेंच़ातग, कि छिल्ला धिर गेह कुट्रतग केई दोबि लाह बढ़ के लोहन।

इब्रानियों 10:35

झांह लेह अपेहल मीहरे केतिंङ सताएपोर, दंङ केनातु याहब था छोडे़क्तेंई ताकि केतिंङ परमेश्वरो तरफे इच्च़ा मोह्ड़े ईनाम खोकसोतो।

इब्रानियों 12:2

हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

2 पतरस 3:10

पर मसीह हेले रिंङ वापिस अपतो। दुह अचानक ए अपतो, छना अरिया चोर अचानक ए अच़ा आपत। दुह मुक्का सर्गंङ गड़गड़ो सग शोतो, दंङ सर्ग ब्याके शुहचे योतो। सर्गा रिंङ भत्ते धिर मतलब ऐके, लचंङ ए कर रोह्षा योर। दुह मुक्का परमेश्वर दुह भत्ते कम प्रगट लेह च़रपोतो अंऊ मीहच़ी लहसी तातोर ताकि दोतु न्याय लेह तरपोतो।