फिलिपियों 1:30 - लाहौली बाइबिल

³⁰ दंङ केतिंङ ला ध्वांए दुख उठाएच़ी जूंशी तोह, छना केहच़ी गिह्बी दुख उठाएच़ी तंङसी शुई, अपेहल गेह केतंङ साते फिलिप्पी शहरंङ तोईग, दंङ अंऊ दुखो पाहठी केहच़ी रेड्रातंई अंऊ गिह्बी जेलंङ हेंतेग ला तोह।

फिलिपियों 1:30 Iomraidhean Croise

यहून्नो 16:33

गेह दीह गप्पा केतंङ साते दिऊ थल्जी कुट्रातग, छना कुचे केहरे गिऊ चेलारे शुई; संसारा रिंङ केतिंङ दुख सेहन लहच़ी लेह्पोतो, पर याहऊ तांहई, छना कुचे गेह दिह संसारो मुख्या शेतान बि यरच़ी चरच़ातग।”

फिलिपियों 1:13

देर तचेक कि महाराजा राजभवनो भत्ते सेना ए महलो भत्ते मीहतु बिचंङ दि प्रगट शुचे इलि कि गेह मसीहू सेवाओ थल्जी कैदरिंङ तोतोग।

कुलुस्सियों 1:29

झांह लेह दिबी पूरा लहच़िमी थल्जी गेह महस मेहनत लहज़ातग, दुह मोह्ड़े सामर्थो इस्तेमाल लहज़ा ते अंऊ मसीह रंड्रा दंङ अच़ि गिऊ अन्द्रेग कम लहज़ा।

कुलुस्सियों 2:1

गेह जुंज़ातोग कि केहच़ी ञेंहई च़रतुंई, कि केहतु ए दोतु अंऊ लौदीकिया नगरंङ तोतोर, दंङ दुह भत्ते तु थल्जी अतंङ साते गेह दोईगा माह, छना मेहनत लहज़ातग।

1 थिस्सलुनीकियों 2:2

केहच़ी केनाच़ि ए ञेंच़ातंई, कि केहतु कछंङ अपिमी तुहई ञेंहच़ी फिलिप्पी शहरारिंङ अंयों दुख उठाकतेंई। तांला परमेश्वरे ञेंतिंङ धोंण हिम्मत रांहषी ततो, कि केहतु शहरो मीहतु दोरच़ी ञेंहतु महस विरोध शुहचे थल ञेंहच़ी परमेश्वरो रूठे खबर सुनाएक्तंई।

1 तीमुथियुस 6:12

छना इच्च़ा रूठे सेनिक लड़ाई रि अपेहल ला हार माह मनेक्च़ा, ध्वांए कनिंङ ला, परमेश्वरो टोहकठे विशवास लहज़ी ए दोऊ हुकुम मनेक्च़ी अपेहल ला ब्याड़ा लहज़ी माह जूंस ताकि कांह ईनामो रूपारिंङ दुह अनंत जीवन खोकपोन, अतु थल्जी परमेश्वरे कांह बुलासी तोतोन, दंङ अपेहल केई महस मीहतु तुईज़ी साफ-साफ कुहतेन कि कांह मसीहू टोहकठे विशवास लहज़ातन।

2 तीमुथियुस 4:7

छना इच्च़ा रूठे योद्धा लड़ाईरिंङ हार माह मनेक्च़ा ध्वांए गेह ला प्रभु थल्जी महस मेहनत लहज़ी माह छोड़ेक्च़ातग। गेह मसीहू रांहषी कम पूरा लेह चरच़ातग, गेह प्रभु रिंङ थल मुक्का तचेक वफादार बंङज़ातग।

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।

इब्रानियों 12:4

अपेहल केरे बुराई ओ ताकतो खिलाप संघर्ष लहज़ातंई दंङ केहच़ी झांह ठ्रोह लड़ाई माह लड़ेकातंई, कि केरे सिए योंई।

प्रकाशित वाक्य 12:11

“हेंदु विशवासी ज़ि शेतान यहरच़े चरच़तो। दोच़ी दोबि कुरच़ो शुहई दोरच़ी यहरच़े चरच़तो, अंऊ दोतिंङ दोतु पापो दोरच़ी छुड़ाएच़िमी थल्जी सिए इलि। दोच़ी दोबि यहरच़े च़रतिर छना कुचे दोच़ी दि अंगीकार लेह जारी तहरिर कि दोतु कुरच़ा परमेश्वर तोहई। हालांकि दोतिंङ सताच़ी ला शुह देर तचेक कि सच़ी ला च़रतिर, पर दोरे एनोह दुह अंगीकारो दोरच़ी थलका माह शुईरे।”