Biblia Todo Logo
Bìoball air-loidhne

- Sanasan -




फिलिपियों 1:27 - लाहौली बाइबिल

27 सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

Faic an caibideil Dèan lethbhreac




फिलिपियों 1:27
53 Iomraidhean Croise  

दोई दोतु सेहमो गप्पा ञेंहए दोतंङ कुहतो, “अंऊला नगरारिंङ फूट शोतो, दुह उज्ड़ेके इबी; दंङ अरीला नगरे ऊ घराना अतु विचंङ फूट शोतो दुह योह्सा योतो।


दंङ दोरे हर इच्च़ा ध्याड़ारिंङ इच्च़ा सेहम शुहचे यहुदी मंदिरो लवाड़ी ठ्रोहका शवातेर, दंङ दोरे इदिऊ-अईदिऊ चुंङ इलज़ा प्रभु भोज लहज़ातेर, दंङ खुशी ए सेहमो सिधाई रंङ साते बगत ज़ोआतेर।


थोड़े ध्याड़ो थल, राज्यपाल फेलिक्स एनोह मेच़ा द्रुसिल्ला बि, अंऊ यहुदीनी तोहई, कैसरिया शहरो हखा वापिस अति। दंङ दोई पोलुसा बि एनोह बचावो थल्जी च़रति। राज्यपाल फेलिक्स दोबि मसीह यीशु पाहठी कुट्री रेड्रीरी।


दंङ बिशवास लहज़ातु मंडली इच्च़ा सेहम ए इच्च़ा प्राण तोहई, देहर तचेक कि अच़िला एनोह टंगा ढबाह एनोह माह कुट्रातेर, छना कुचे अंऊ दोतु कछंङ तोहई दुह भत्ते तंङ साते फज़ातेर।


छना कुचे गेह यीशु मसीहू रूठे खबरो टोहकठे पूरा विशवास लहज़ातग, एनोह सामर्थो दोरच़ी परमेश्वर दू भत्ते तु उद्धार लहज़ा, अंऊ दि रूठे खबरो टोईच़ी विशवास लहज़ातोर, भत्ते बे मुन्डा यहुदी मीहतु दंङ दोतु अंऊ यहुदी मीह माह तोहर।


मसीहू दोरच़ी गिह्बी मोह्ड़े दाह ए प्रेरिताई ओ सेवकाई परमेश्वरो दोरच़ी रांहषी तोह, ताकि दोऊ मिन्दु बजाहज़ि भत्ते जातिऊ मीहरे मसीहू टोहकठे विशवास लोहर दंङ दोऊ हुकुम मनेक्पोर,


परमेश्वर अतु सेवा गेह घेंङौ सेहमे दोऊ योह ओ पाहठी रूठे खबर मीहतिंङ सुनाके लहज़ातग, दुह ए गिऊ गवाह शोतो, कि गेह केतिंङ लगातार घेंङौ प्रार्थना रिंङ हिद लोहवा लहज़ातग,


दिऊ मतलब दि तोह कि, “परमेश्वरो बचन केहतु कछंङ तोह, केहतु आह रिंङ ए केहतु सेहमरिंङ तोह।” दि विशवासो दू बचन शुह, अतु प्रचार हेंज़ी लहज़ातंई।


कि गेह ऊईजातितु मीहतु थल्जी इच्च़ा यहुदी पुरोहितो ठ्रोह परमेश्वरो दोरच़ी खोकसी रूठे खबरो सेवा लहज़ातग; अतिंङ ऊईजाति मीहरे पवित्र आत्माओ दोरच़ी शत्‌ह लहसी परमेश्वरो थल्जी ग्रहणो जोगे तग बणेंके योतो।


दंङ गेह ञेंच़ातग, कि अपेहल गेह केहतु कछंङ अपोग, दंङ दोऊ वहज़ा ज़ि मसीह भत्ते रीतिरंङ साते केतिंङ आशीष रमतो।


हे गिऊ प्यारे साथी विशवासी रे, गेह केतंङ साते हेंदु प्रभु यीशु मसीहू मिंदंङ साते दि बिनती लहज़ातग, केरे भत्तेर इदि-अई दिरंङ साते सहमत शुहबी जूंस दंङ केहतु बिचंङ फूट इबि मेस पर केरे इच्च़ा ठ्रोह विचार तहज़िमी दोरच़ी दंङ इच्च़ा मकसद रंङ साते इदि-अई दिरंङ साते मिलेकी बंङज़ुंई।


झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।


झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।


दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।


छना कुचे ऊईतु मदत लहज़िमी थल्जी ढबाह रंड्रीमी सेवा दि साबित लोहतो कि केरे सच्चा शुई। महस मीहरे परमेश्वरो महिमा प्रगट लहज़ातोर, कि अपेहल केहच़ी कुट्रातंई कि रूठे खबर हेले तोहई दंङ केरे दिबी मनेक्पोंई दंङ केहच़ी केनाच़ि केनातु शब्दा तु भाषे लहज़ातंई। दंङ गरीब विशवासी तु ए भत्ते तु मदत लहज़िमी उदारता प्रगट लोहवा लाहतंई।


सिर्फ इच्च़ा हेले ए रूठे खबर तोह, पर गप्पा दि तोह कि, रेह मीहरे मसीहू पाहठी रूठे खबर बि खावाएच़ि जुंज़ातोर, दंङ दू मीहच़ी केतिंङ धोखा रंड्रातोर।


अपेहल केहच़ी सच्चाई ओ बचन, केनातु मुक्ति ऊ रूठे खबर, रेड्रीमी थल मसीह रिंङ विशवास लाहतंई दंङ मसीह रंङ साते हेंदु एकता ओ वहज़ा ज़ि, परमेश्वरे हेंदिंङ दू पवित्र आत्मा रांई अपि दोई एनोह मीहतिंङ रंड्रीमी वाईदा लहसी तते। पवित्र आत्मा इच्च़ा निशानो ठ्रोह तोह अंऊ दोई दर्शाएच़ा कि हेनर परमेश्वरो शुई।


दिए वहज़ा तोह कि गेह ला प्रभु यीशु मसीह बि केहतु विशवास ए परमेश्वरो मीहतु थल्जी केहतु दाह ओ पाहठी रेड्रा,


झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।


झांह लेह कि केरे मुण्डो ध्याड़ारिंङ च़ि अपेहल बे केहच़ी दि रूठे खबरो टोहकठे विशवास लहज़ातंई दोथर बे तोग तचेक यीशु मसीहू पाहठी दि रूठे खबर फेलाच़िमी गिऊ सहभागी शुहचे शुई।


हे गिऊ प्यारे साथी विशवासी रे, अपेहल गेह केतंङ साते तोईग दोहपल केहच़ी हमेशा परमेश्वरो हुकुमो भाषे लहरिन। एंतेग अपेहल गेह ऊईतार शुहचे इलजी तोतोग, दंङ केतिंङ ऊई ला गप्पा मनेक्च़ी जूंशी तोह। बेह्द रंङ साते केहतु बिचंङ भत्ते तिंङ दुह चीज़ लेह जूंशी तोह अंऊ दुह मीहतु थल्जी सही तोह अंऊ दोतिंङ परमेश्वरे बचाएसी ततो।


दंङ गिह्बी प्रभुरिंङ विशवास तोह कि गेह घेंङै ला युरनाह अपोग।


छना कुचे महसे मीहरे मांजी चाल ज़ोवातोर, अतु चर्चा गेह केतंङ साते घड़ी-घड़ी लहसी तरेग, दंङ हेंतेग ला क्रप्चे ते कुट्रा तोग कि केनातु व्यवहारो दोरच़ी मसीहू बलिदानो बैरी तोईनी।


पर हेंदु देश स्वर्ग शुह, दंङ हेनर हेंदु उद्धार लहज़ा प्रभु यीशु मसीहू स्वर्गंङ ज़ि वापिस अपिमी थल्जी रुमज़ा तोतोंई।


हे गिऊ प्यारे साथी विशवासी रे, गेह केतंङ साते महस दाह लहज़ातग दंङ गेह केतंङ साते दोईमी इंतज़ार लेह लेहकी तोतोग। अंऊ गिऊ खुशी ए गिऊ ईनाम तोह, गिऊ प्यारे न्वारे, प्रभुरिंङ दि ध्यांए ठ्रोह खड़े बंङज़ुंई।


दंङ ञेंहच़ी दि प्रार्थना लहज़ातंई ताकि केहच़ी झांह ठ्रोह जीवन श्रींङमोंई छना प्रभु ज़ि जुंज़ा, दंङ केहच़ी भत्ते पाहठी रंङ साते प्रभु बि खुश लोंहई, कि केरे भत्ते पाहठी रूठे कम लोहवा लंहि, दंङ परमेश्वरा बि ञेंहच़िमी थल्जी लगातार बणेक्पा लंहि,


छना कुचे ञेंहच़ी रैहशी तातंई, कि यीशु मसीहू टोहकठे केहतु विशवास तोह, दंङ भत्ते परमेश्वरो मीहतंङ साते दाह लहज़ातंई;


दंङ हेंतेग तीमुथियुस अंऊ केहतु कछंङ ज़ि ञेंहतु दोहर अंज़े केहतु विशवास ए दाह ओ रूठे खबर सुनाके च़रति दंङ दि गप्पा ला सुनाके च़रति कि केहच़ी हमेशा दाह रंङ साते ञेंतिंङ हिद लहज़ातंई, दंङ ञेंतिंङ खंड्रिमी हिटी शवात, ध्वांए ञेंरे ला केतिंङ खंड्रिमी थल्जी लालसा शवात।


हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।


दि सच्चा शिक्षा हेंदु अद्धभुत परमेश्वरो महिमा ओ पाहठी रूठे खबरो मुताबिक तोह, अच़ि गिह्बी प्रचार लहज़िमी ज़िम्मेवारी रांहषी ततो।


दंङ कनिंङ यीशु मसीहू टोहकठे विशवासरिंङ बणेंके बंङज़ी जूंशी तोह दंङ केई दुह ए लोह अंऊ केई ञेंहच़ातन कि दुह ठीक तोह, रें मीहच़ी दिऊ टोहकठे ध्यान माह रैंइर, अतु नतीज़ा दि शुई कि दोच़ी मसीहू टोहकठे विशवास लहज़िमी थल्जी एनोह समझ योह्च़े चरच़ातोर, ठीक ध्वांए छना इच्च़ा समुंद्री जहाज़ चट्टानारिङ टकरेसिमी थल नाश शुचे इबि।


छना इच्च़ा रूठे योद्धा लड़ाईरिंङ हार माह मनेक्च़ा ध्वांए गेह ला प्रभु थल्जी महस मेहनत लहज़ी माह छोड़ेक्च़ातग। गेह मसीहू रांहषी कम पूरा लेह चरच़ातग, गेह प्रभु रिंङ थल मुक्का तचेक वफादार बंङज़ातग।


चोरी चालाकी थालंही; पर साबित लंहि कि दू हमेशा ईमानदार तोह, ताकि मीहरे दोऊ रूठे व्यवहारा रिंङ ध्यान रमोर दंङ छिल्ल धिर दोच़ी लहज़ातोर दू मीहतु दोरच़ी हेंदु उद्धारकर्ता परमेश्वरो पाहठी रूठे खबर रेड्रीमी वहज़ा बणेक्तेंई।


छना कुचे गेह प्रभु यीशु मसीह रिंङ कनु विशवास ए परमेश्वरो भत्ते मीहतु थल्जी कांह दाह ए विशवासो पाहठी रेड्रातग।


दंङ अंऊ मेल, मिलाप लहज़ा तोतोर दोरे शांति ऊ बैएजा एपोर दंङ धर्मिकता ओ फसल ट्रिकपोर।


दि पक्‍का तोह कि परमेश्वर भत्ते चीज़ा तिंङ झांह ठ्रोह नाश लेह च़रपोतो, दंङ केरे पक्‍का रूपा रिंङ ञेंच़ातोंई कि केतिंङ छना ठ्रोह व्यवहार लेह जूंशी तोह दंङ छिल्ला केहच़ी लहज़ातंई दोरिंङ परमेश्वरा बि खुश लंहि।


झांह लेह हे गिऊ प्यारे साथी विशवासी रे, अपेहल कि केरे दुह ध्याड़ा रूमज़ा तोतोंई अपेहल परमेश्वरे संसारो न्याय लोहतो दंङ केतिंङ पूरे कोशिश लहज़ी जूंशी तोह ताकि दोई केतिंङ शुद्ध ए दोष मेह शांति रंङ साते एनाह रंङ साते खोकपोतो।


हे गिऊ प्यारे साथी विशवासी रे, हालांकि गेह केतिंङ परमेश्वरो पाहठी छा चेहच़ातग, अंऊ दोरिंङ हेनर भत्तेर सहभागी तोतोंई गेह दि दबाब महसूस लहज़ातग कि केतिंङ उत्साहित लहज़िमी थल्जी च़ेओग कि हेले ओ शिक्षा ओ थल्जी संघर्ष लंहि। परमेश्वरे एनोह मीहतिंङ दि हेले इच्च़ा फेरा हमेशा ओ थल्जी रें चरच़तो अंऊ अपेहल ला माह लेहक्सतो।


Lean sinn:

Sanasan


Sanasan