फिलिपियों 1:26 - लाहौली बाइबिल

²⁶ ताकि अपेहल गेह केतंङ साते बंङज़ोग दंङ केरे गिऊ वहज़ा ज़ि मसीह यीशु पाहठी ऊई लाह घमण्ड लेह तरपोंई।

फिलिपियों 1:26 Iomraidhean Croise

यहून्नो 16:22

ध्वांए ठ्रोह हेंतेग केहरे ला दुखी तोतोंई, पर गेह केतंङ साते यच़ाह दोहग दंङ केहरे खुश शुहचे योंई; दंङ अच़िला केहतु खुशी, केहतु दोरच़ी शता माह लोहर।

यहून्नो 16:24

हेंतेग तचेक केहच़ी गिऊ मिंदंङ, पिता परमेश्वरो दोरच़ी छले माह पेट्रीन; पेट्रोंई ता केतिंङ खोकसोतो, दंङ केहतु खुशी पुरे शुबी जूंस।”

2 कुरिन्थियों 5:12

हेनर तांला हेंदु षटणा केहतु तुईज़ी माह लहज़ातंई बल्कि ञेंरे केतिंङ मोका रंड्रातंई कि केरे ञेंहतु टोहकठे घमण्ड लंहि ताकि केरे दोतिंङ दिऊ जुबाब रें तरपोंई, अंऊ एनोह सेहमो टोईच़ी मशत पर दिखावटी गप्पो टोईच़ी घमण्ड लहज़ातोरे

2 कुरिन्थियों 7:14

छना कुचे अगर गेह दोऊ तुईज़ी केहतु पाहठी घमण्ड लहरिगा, दंङ दोऊ थल्जी गिह्बी षेह्पिमी माह पडे़क्ति। गेह केहतु हखा छिल्ला कुहतेग, दू भत्ते हेले तोहई। झांह लेह तीतुसो तुईज़ी गेह घमण्ड लहच़ी छि कुहतेग, दू हेले हुंच़िरी।

2 कुरिन्थियों 7:4

गेह केतंङ साते भत्ते भरोसा रंङ साते कुट्रातग दंङ गिह्बी केहतु टोईच़ी घमण्ड तोह, दिरिंङ गिह्बी महस तसल्ली खोकसा; दंङ घेंङौ भत्ते दुखारिंङ ला, गेह खुशी रंङ भरपूर बंङज़ातोग।

2 कुरिन्थियों 7:6

तांला दुखी मीहतिंङ शांति रंड्रा परमेश्वरे तीतुसा बि देर चरच़े ञेंतिंङ याहब रेंई।

गलातियों 6:4

पर हर इच्च़ा मीह एनोह कम खमतो छि दू रूठे तोह आ, दंङ दू एनोह कमरिंङ घमण्ड लेह तरपोतो। पर दोबि एनोह कमो बराबरी ऊई मीहतंङ साते लेह माह जूंस।

फिलिपियों 3:1

झांह लेह गिऊ प्यारे साथी विशवासी रे, प्रभुरिंङ खुश बंङज़ोंई। दुह ए गप्पारे केतिंङ घड़ी-घड़ी च़ेहच़ी गिह्बी ता छिल्ला कष्ट माह शवाह, पर दि गप्पा केतिंङ हप्सी शिक्षा ओ दोरच़ी ला बचाएपोतो।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।

फिलिपियों 4:10

गेह प्रभुरिंङ महस खुश तोतोग कि हेंतेग धोंण ध्याड़ो थल केहतु विचार यह्च़ा गिह्बी ढबाह च़रच़िमी थल्जी शुई; पक्‍का ए केतिंङ तुहई लाह दिऊ विचार तोहई, पर केतिंङ मोका माह खोकसिरी।

फिलिपियों 4:4

प्रभुरिंङ सदा खुश बंङज़ुंई; गेह यह्च़ा कुट्रातग, खुश बंङज़ुंई।