25 गिह्बी दिरिंङ छल्ले शक माह, झांह लेह गिह्बी पता तोह कि एंतेग गेह माह सिओग। दंङ झांह लेह गिह्बी विशवास तोह कि गेह श्रींङी बंङज़ोग।
पर गेह केहतु थल्जी प्रार्थना लहज़ातग कि केहतु गिऊ टोहकठे बिशवास लहज़ी ब्याड़ा शुबी मेस; दंङ अपेहल केई पश्चाताप लोहन दोहपल केनातु साथी न्वातिंङ गिऊ टोहकठे बिशवास लहज़िमी थल्जी पक्का लोह।”
अपेहल बरनबास दोर्तिंङ पिचे इलि, दंङ दोई ञेंई च़रति कि परमेश्वरे दाह रंङ अन्ताकिया ओ विशवासी तंङ साते व्यवहार लहसी ततो दंङ दुह दि खांई खुश शुचि इलि; दंङ भत्ते तिंङ शिक्षा रेंई कि ध्यान मन रंङ साते प्रभु रिंङ पक्का तोंई।
दंङ हर इच्च़ा शहरो चेला तु सेहम पक्का लोहवा लहरिर दंङ दिह शिक्षा रंड्रातेर कि विशवास रिंङ बणेंके तोंई; दंङ दिह कुट्रातेर, ञेंतिंङ महस कष्ट उठाके परमेश्वरो राज रिंङ इबि लेह्पोतो।
दंङ हेंतेग गेह ञेंच़ातग, कि केरे भत्ते र अच़ि परमेश्वरो राजो प्रचार लहज़ा तंई गिऊ मोह्द यह्च़ा माह खमोंई।
गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।
छना कुचे मसीह गिऊ वहज़ा ज़ि छि लहसी ततो गिह्बी दि गप्पा कुट्रीमी हिम्मत तोह, कि गेह ऊईजाति तु मीहतिंङ परमेश्वरो कछंङ हपिमी काबिल तोतोग। अपेहल दोच़ी गिऊ सग थाषातेर दंङ गिऊ कम तंङातेर दंङ दोच़ी परमेश्वरो टोहकठे विशवास लहरिर।
दंङ गेह ञेंच़ातग, कि अपेहल गेह केहतु कछंङ अपोग, दंङ दोऊ वहज़ा ज़ि मसीह भत्ते रीतिरंङ साते केतिंङ आशीष रमतो।
हेंदु विशवासो दोरच़ी, मसीह ज़ि हेंदिंङ दि मोह्ड़े दाह तचेक रैंज़ा हति अंऊर हेनर हेंतेग पिचे तोतोंई, ञेंरे दि गप्पारिंङ खुश शवातंई कि हेंदिंङ परमेश्वरो महिमा रि सहभागी शुहबिमी उम्मीद तोह।
दिऊ मतलब दि माह शुह कि ञेंरे केहतु विशवास ओ टोहकठे घेंङौ अधिकार जताएपोग, छना कुचे केरे केनातु विशवासरिंङ पक्का बणेंके बंङज़ातंई। पर ञेंरे ता केहतु खुशी रिंङ भागीदार तोतोंई।
पर गिऊ श्रींङी बंङज़ी ऊई ला ज़रूरी तोह, छना कुचे केतिंङ गिऊ मदतो ज़रूरत तोह।
दंङ गिह्बी प्रभुरिंङ विशवास तोह कि गेह घेंङै ला युरनाह अपोग।
इच्च़ा गप्पा अई तोह, कि केनोह चुंङ गिऊ थल्जी इच्च़ा कमरा तेयार तोह; छना कुचे गिह्बी उम्मीद तोह कि परमेश्वर केहतु प्रार्थना ओ जबाब रमतो कि गेह केहतु कछंङ अपोग।
केहच़ी यीशु बि अपेहला तंङसी माह तंई, तांला केहच़ी दोरंङ साते दाह लहज़ातंई। केहच़ी दू हेंतेग ला माह तंङज़ातंई, पर केहच़ी विशवास लहज़ातंई। झांह लेह, केरे खुशीऊ मोह्ड़े दाह ज़ि महस खुश तोतोंई अंऊ दोबि शब्दा रिंङ बयान लेह मरपोंई।