फिलिपियों 1:21 - लाहौली बाइबिल

²¹ छना कुचे अगर गेह षिङे बंङज़ोग, दंङ अगर गेह सिए योग दंङ दिह गिऊ थल्जी रूठे शोतो छना कुचे दुह मुक्का गेह मसीह रंङ साते बंङज़ोग।

फिलिपियों 1:21 Iomraidhean Croise

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

1 कुरिन्थियों 3:22

झांह लेह गेह खास लहज़ी पोलुस ए अपुल्लोस चाहे कैफा (पतरस), या संसारो चीज़ा रे चाहे केरे श्रींङे बंङज़ेंई या सिए इलांई, चाहे वर्तमान, या भविष्य, परमेश्वरे दि भत्ते धिर केहतु भलाई ओ थल्जी रांहषी ततो।

2 कुरिन्थियों 5:1

छना कुचे हेंज़ी ञेंच़ातंई, कि देर धरतीऊ टोईच़ी हेंदु फुक इच्च़ा तम्बू ठ्रोह तोह अंऊर हेनर बंङज़ातंई। अगर दू नाश शुहचे यवाह दंङ हेंदिंङ परमेश्वरो तरफे स्वर्गंङ इच्च़ा झांह ठ्रोह फुक खोकसोतो, अंऊ गुह्ट्रे बणाषी माह पर हमेशा तचेक बणेंके बंङज़ोतो।

2 कुरिन्थियों 5:6

झांह लेह हेनर हमेशा ए परमेश्वरो टोहकठे विशवास लहज़ातंई। हेनर दि ञेंच़ातंई कि हेनर अपेहल तचेक दि फुकारिंङ तोतोंई, धोंण तचेक हेनर प्रभुरंङ साते विदेशा रिंङ निवास लहज़ातंई।

2 कुरिन्थियों 5:8

हेंदिंङ ता परमेश्वरो टोहकठे विशवास तोह, हेंदिंङ सिमी थल प्रभु कछंङ बसेपी महस पसन्द तोह।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

गलातियों 6:14

अगर गेह घमण्ड लहज़ातग ता सिर्फ दि गप्पो टोईच़ी घमण्ड लोहग कि हेंदु प्रभु यीशु मसीह हेंदु थल्जी क्रूसो टोईच़ी सिए इलि। छना कुचे दोऊ सिमी थल, गेह एंतेग संसारो हिटी ओ गुलाम माह तोहग दंङ एंतेग दितु बिचंङ अंऊला चीज़ो दोर्तिंङ गिऊ टोईच़ी हुकुम लहज़िमी शाक्ति माह।

फिलिपियों 1:20

गिऊ सेहमो हिटी ए उम्मीद दि तोह, कि गेह अंऊ लाह गप्पा रिंङ शर्मिन्दा माह शुगाह, पर गिह्बी मसीहू पाहठी कुट्री हिम्मत शवाह छना कि गेह बितेगी टेमारिंङ कुहतेग। चाहे गेह श्रींङी बंङज़ोग या सिए योग, गेह घेंङौ भत्ते ज़िंदगी ऊ दोरच़ी मसीह बि आदर रम्मा लोहग।

फिलिपियों 1:22

पर अगर गेह फुकारिंङ श्रींङी बंङज़िमी रंङ साते, गेह मसीहू थल्जी महस रूठे लेह तरपोग दंङ गेह माहञेंच़ातग कि अपि जुंज़ातन।

फिलिपियों 1:23

छना कुचे गेह झुल्लाकुतिङ बिचा उलझेकि तोतोग, हिटी ता अपत कि गेह सिए योग दंङ मसीहू कछंङ अच़ा योग, दि महसे रूठे तोह।

फिलिपियों 2:21

छना कुचे भत्तेर एनातु स्वार्थो खोज रिंङ बंङज़ातोर, माह कि यीशु मसीहू।

कुलुस्सियों 3:4

अपेहल मसीह अंऊ केतिंङ खरकोई जीवन रंड्रा, दि धरतीऊ टोहकठे वापिस अपतो, दंङ केरे लाह अपोंई दंङ दोऊ महिमारिंङ सहभागी शोंई।

प्रकाशित वाक्य 14:13

दोऊ थल गेह यह्च़ा स्वर्गो दोरच़ी अतिंङ कुट्री रेड्रीगा दंङ दोई गिऊ हखा कुई: “दि गप्पारे देर्तिंङ च़ेऊ। हेंतेग बे, दुह मीहरे धन्य तोतोर अंऊ परमेश्वरो टोईच़ी विशवास लहज़ा सिए इलिर।” दोहपल पवित्र आत्मा दिऊ थल्जी सहमत शुहचे इलि, दोई कुई, “दि हेले तोह दोरे धन्य शुरे छना कुचे दोरे एनोह खरे मेहनतो दोरच़ी आराम खोकपोरे दंङ अंऊ कम दोच़ी लहज़ातोर दोऊ थल्जी दोतिंङ ईनाम खोकसोतो।”