फिलिपियों 1:15 - लाहौली बाइबिल

¹⁵ दिह हेले शुह कि रेह मीहरे जलन ए लड़ाई झगड़ा ऊ वहज़ा ज़ि मसीहू प्रचार लहज़ा तोरे पर रेह मीहरे दि रूठे हिटीरंङ साते प्रचार लहज़ातोर।

फिलिपियों 1:15 Iomraidhean Croise

मत्ती 23:5

दोच़ी एनातु भत्ते कमारे मीहतिंङ कंड्रिमी थल्जी लाहतोर; दोच़ी एनातु जंतरा बिलेगदो दंङ एनातु खमज़ेतु झालर लहमे लहज़ातोर।

प्रेरित 10:36

केतिंङ दुह रूठे खबरो पाहठी पता तोह, अंऊ परमेश्वरे ञेंहतु थल्जी मतलब इस्राएल देशो मीहतिंङ रंदे। दोई शांति ऊ पाहठी रूठे खबर सुनाएती अंऊ मीहतिंङ यीशु मसीहू टोहकठे बिशवास लहज़िमी दोरच़ी खोकसी तरपोतो। दि मीह यीशु सिर्फ इस्राएली मीहतु प्रभु माह शुह पर दुह भत्ते मीहतु प्रभु शुह।

प्रेरित 11:20

पर दोतु बिचंङ च़ि रेह बिशवासी अंऊ यरूशलेम शहरा बि छोड़ेके चरच़ातेर साइप्रस द्वीपा रिंङ बंङज़ा ए कुरेन शहरारिंङ बंङज़ा तोईरे। दोरे सफर लहज़ा अन्ताकिया शहरंङ अंज़े यहुदी ए ऊईजाति मीहतिंङ ला प्रभु यीशु पाहठी रूठे खबर सुनाएची लेहतिर।

प्रेरित 5:42

दि घटना शुहबिमी थल प्रेरितार हर रोज, यहुदी मंदिरो ल्वाड़िंङ ए दंङ चुंङ-चुंङ इलज़ा दि सिखाएच़ि ए प्रचार लहज़ी लेहतिर कि यीशु ए मसीह शुह।

प्रेरित 8:35

दंङ फिलिप्पुस कुट्री लेहती, दंङ दिहे पवित्रशास्त्र रंङच़ि शुरू लेह दोबि यीशु ऊ पाहठी रूठे खबर सुनाएती। दंङ दुह खोजे ज़ि दिहरे गप्पारे समझेक्ती ए यीशु ऊ टोहकठे बिशवास लहरी।

प्रेरित 8:5

दंङ फिलिप्पुस सामरिया प्रदेश ओ इच्च़ा शहरंङ इलजे मीहतु बिचंङ मसीहू पाहठी प्रचार लहज़ी लेहती।

प्रेरित 9:20

दंङ ध्वांए दमिश्क शहरो यहुदी सभो घरबारङ यीशु ऊ पाहठी प्रचार लहज़ी लेहती, कि यीशु ए परमेश्वरो योह शुह।

रोमियो 2:8

पर अंऊ मतलबी तोतोर ए सच्चाई माह मनेक्च़ातोर, पर मदम लहज़ी जुन्ज़ातोर, परमेश्वर दोतु टोईच़ी एनोह रोहष प्रगट लोहतो।

1 कुरिन्थियों 1:23

पर हेनर दि प्रचार लहज़ातंई कि मसीह हेंदिंङ हेंदु पापो दोरच़ी छुड़ाएच़िमी थल्जी क्रूसो टोईच़ी सिए इलि। अंऊ यहुदी तु कछंङ ठोकरो वहज़ा, दंङ ऊईजाति तु कछंङ मुर्खता तोह।

1 कुरिन्थियों 13:3

अगर गेह घेंङौ भत्ते टंगा ढबाह गरीबा तिंङ रे च़रपोग दंङ देर तचेक कि घेंङौ फुक रोट्रीमी थल्जी रें च़रपोग, पर दाह माह तहज़ातग दंङ गिऊ थल्जी छल्ले फायदा माह।

2 कुरिन्थियों 1:19

छना कुचे परमेश्वरो योह यीशु मसीह अतु हेंदु दोरच़ी मतलब गिऊ ए सिलवानुस, ए तीमुथियुसो दोरच़ी केहतु बिचंङ प्रचार शुई, दोर्तिंङ, “वोई” ए “माह” झुल्ला माह तोहई; पर देहर तिंङ “वोई” ओ “वोई” शुहचे तोह।

2 कुरिन्थियों 11:13

छना कुचे झांह ठ्रोह मीहरे हप्सी प्रेरित, दंङ छलारंङ साते कम लहज़ा, दंङ मसीहू प्रेरित शुहबिमी हप्सी दावा लहज़ातोर।

2 कुरिन्थियों 12:20

दंङ गिह्बी दिला बेह्द तोह, कि झांह शुहबी मेस, कि गेह अंज़े छना जुंज़ातग, ध्वांए केतिंङ माह खोकपोग; दंङ गिह्बी ला छना केहच़ी माह जुन्ज़ातंई ध्वांए खोकपोंई, दंङ गिह्बी दि ला बेह्द तोह कि केहतु बिचंङ झगड़ा, जलन, रोहष, विरोध, चुगली, घमण्ड ए बखेड़ा लहज़िमी ठ्रोह स्वाभाव खोकपोग।

2 कुरिन्थियों 4:5

छना कुचे हेनर हेंदिंङ मशत, पर यीशु मसीह बि प्रचार लहज़ातंई, कि यीशु मसीह ए प्रभु शुह; दंङ हेंदु पाहठी दि कुट्रातंई कि ञेंरे यीशु वहज़ा ज़ि केहतु सेवक शुई।

फिलिपियों 2:3

केनातु फायदा ए हप्सी घमण्डो थल्जी छल्ले थालंही, पर दीनता रंङ साते इच्च़ा इदि-इदि बि केनाह बे रूठे समझेक्तेंई।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।