फिलिपियों 1:12 - लाहौली बाइबिल

¹² हे विशवासी न्वारे, गेह जुंज़ातग कि केहच़ी दिह ञेंई च़रतेंई कि गिऊ टोईच़ी छि बितेक्पि लेहकी तोह, दोऊ वहज़ाज़ि महस मीहच़ी रूठे खबरो टोहकठे विशवास लहरिर।

फिलिपियों 1:12 Iomraidhean Croise

लूको 21:13

पर दिह केहतु थल्जी गवाही रंड्रीमी मौका शोतो।

प्रेरित 8:4

पर अंऊ बिशवासीर देखा-नोखा शुहचे तोईरे, अंऊर-अंऊर दोरे इलिर यीशु पाहठी रूठे खबरो प्रचार लहज़ी लेहतिर।

रोमियो 8:28

दंङ ञेंहच़ी ञेंहच़ातोंई, कि अंऊ मीहरे परमेश्वर रंङ साते दाह लहज़ातोर, दोतु थल्जी भत्ते गप्पा ठ्रोहका शुहचे भलाई बि पैदा लहज़ा; मतलब दोतु ए थल्जी अंऊ परमेश्वरो हिटी हिसाबे अंङषी तोतोर।

रोमियो 8:37

पर दि भत्ते गप्पारिंङ हेनर दोऊ दोरच़ी ए जयवंत ला शुहचे य्वातंई, अच़ि हेंदंङ साते दाह लहज़ा।

फिलिपियों 1:5

झांह लेह कि केरे मुण्डो ध्याड़ारिंङ च़ि अपेहल बे केहच़ी दि रूठे खबरो टोहकठे विशवास लहज़ातंई दोथर बे तोग तचेक यीशु मसीहू पाहठी दि रूठे खबर फेलाच़िमी गिऊ सहभागी शुहचे शुई।

फिलिपियों 1:7

चाहे गेह जेलारिंङ तोतोग या गेह दि साबित लहज़ातग कि रूठे खबर हेले शुह। ठीक तोह कि गेह केहतु थल्जी झांह ठ्रोह विचार लोहग, छना कुचे गेह केतंङ साते महस दाह लहज़ातग चाहे गेह जेलारिंङ तोतोग या गेह रूठे खबरो बचाब लहज़ी लेहकी तोतोग दि साबित लहज़िमी थल्जी कि रूठे खबर हेले शुह, झांह लेह केरे भत्तेर गेरंङ साते परमेश्वरो मोह्ड़े दाह रिंङ सहभागी शोंई।

फिलिपियों 2:22

पर केहच़ी ञेंच़ातंई कि तीमुथियुस छना कंङातो कि दुह वफादार तोह। छना योह बाह रंङ साते लहज़ा, ध्वांए ए दोई रूठे खबर फेलाच़िमी थल्जी गेरंङ साते मेहनत लहरी।

फिलिपियों 4:15

हे फिलिप्पी शहरो मीहरे, केहच़ी ञेंहच़ातंई कि अपेहल गेह रूठे खबरो प्रचारो शुरूआती ध्याड़ा रिंङ मकिदुनिया प्रदेशो दोरच़ी घेंङौ यात्रा शुरू लहज़ी दोहपल अच़ा इलिगा दोहथर केतिंङ केट्रा ऊई अरिया कलीसिया ओ मीहच़ी लेन-देनो पाहठी गिऊ मदत माह लहरिर।

फिलिपियों 4:3

हे सच्चे साथी सुनतुखे, गेह करंङ साते बिनती लहज़ातग कि का दुह मेच़िमी तु मदत लोह, कि दोरे ला एनातु बिचंङ ठ्रोहका शुहचे बंङज़ोर, छना कुचे दोच़ी गेरंङ साते रूठे खबर फेलाच़िमी थल्जी, क्लेमेंस ए गिऊ ऊई साथीरंङ साते मेहनत लहरी, अतु मिन जीवनो कताबारिंङ च़ेहसी तोह।

1 तीमुथियुस 2:8

गेह जुंज़ातग कि हर सभारिंङ गंङमी अंऊ रूठे जीवन श्रींङमातोर, रोहष मेह ए झगड़ा मेह केनातु गुह्ट्र खेका लहच़ी प्रार्थना लोहवा लंहि।

2 तीमुथियुस 2:9

दिए रूठे खबरो प्रचार लहज़िमी रंङ साते गेह कैदारिंङ इच्च़ा अपराधी ओ ठ्रोह दुख उठाएच़ातोग। तांला परमेश्वरो बचन प्रचार लहज़िमी रंङ साते अरिला रोकेकी मरपोतो।

2 तीमुथियुस 4:17

पर प्रभु ज़ि गिऊ मदत लहरी दंङ गिह्बी सामर्थ रांई, ताकि गेह यीशु मसीहू पाहठी रूठे खबरो प्रचार रूठे रंङ लहज़िमी जोगे बणेंके तरपोग, दंङ ऊई जातिऊ भत्ते मीहरे दि रेड्री तरपोर; दंङ दोई गेह सिमी दोरच़ी झांह ठ्रोह बचाएके च़रति छना गेह योंञें ब्राघातु दोरच़ी बचाएकतो।