10 झांह लेह केरे चुनाव लहज़िमी जोगे शोंई कि छि कम लहज़ी ठीक तोह, ताकि यीशु मसीहू दोबारा वापिस अपिमी ध्याड़ा तचेक ताकि केरे पवित्र ए निर्दोष शुहचे बंङज़ुंई।
यीशुज़ि किरज़ा पतरसो हखा कुंई, “केई गिह्बी शेतानो ठ्रोह परखेकच़ी बंद लोह, गिऊ दोरच़ी ऊई तार शुहचे इल। कांह गिऊ थल्जी ठोकरो बजह शॉन; छना कुचे कनु बिचार मीहू दोरच़ी तोतोर परमेश्वरो दोरच़ी माह।”
दिरंङ पतरसे दोरंङ साते कुतोह, “अगर भत्तेज़ि कांह बजाहज़ि ठोकर जोओर ज़ेईरंऊ, पर गेह अपेहला ठोकर माह ज़ोग।”
यीशु ज़ि नतनएल बि एनोह हखा अपि खंणी रंङ साते दोऊ पाहठी कुहतो, “खंणुई, दी इस्राएलो भरोसेमंद खानदानो शुह: अरी पुरे ठ्रोह ईमानदार तोह।”
छना कुचे अच़िला मांजी लोहर, दोई छंङी रंङ बेर तहच़ि, दंङ छंङीऊ कछंङ माह अपि, झांह शुबी मेस कि दोऊ कमो टोईच़ी दोष अपतो।
दिए नज़रिया रंङ साते गेह परमेश्वर ए मीह झुल्ला तु तुईज़ी हमेशा इच्च़ा निष्कलंक अन्तरात्मा बणाएच़िमी भरपूर कोशिश लोहग।
दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।
ऊईतिंङ साते दाह लहज़िमी दिखावा थालोहू; बुराईरंङ साते रोहष लोह; अंऊ रूठे तोह दोबि लगातार लोहवा लोह।
हेंतेग हे विशवासी न्वारे, गेह केतंङ साते बिनती लहज़ातग, कि केरे दुह मीहतंङ साते खबरदार ए शत्ह बंङज़ेंई, दंङ दू शिक्षा ओ खिलाप तोह, अंऊ केतिंङ खोकसी तोह, दंङ अंऊ ऊई मीहतु विशवास रिंङ कमज़ोर शुहबी ए झगड़ो वहज़ा शुहबी।
केतिंङ परमेश्वरो हिटी पता तोह, दंङ मुसाओ कानून ञेंई ते रूठे मदम सेहच़ी तरच़ातंई।
दंङ अगर, गेह छा माह जुंज़ातग दंङ गेह मनेकी यवातग कि कानून रूठे तोह।
छना कुचे गेह घेंङौ सेहमे ता परमेश्वरो कानूनो दोरच़ी महस खुश बंङज़ातग।
पापमय स्वाभावो टोईच़ी सेहम लगाईचि ता परमेश्वरारंङ साते बैर लहज़ी शुह, छना कुचे पापमय स्वाभाव माह ता परमेश्वरो कानूनो अधीन तोह, दंङ माह मुसाओ कानून भाषे लेह तरपोतो;
परमेश्वर केतिंङ थल मुक्का तचेक विशवासारिंङ पक्का लोहवा लोहतो, कि केरे दू ध्याड़ा अपेहल हेंदु प्रभु यीशु मसीह धरती ऊ टोईच़ी वापिस अपतो निर्दोष शोतो।
गेह भत्ते तिंङ खुश लहज़िमी कोशिश लहज़ातग, गेह घेंङौ भलाई ओ पाहठी माह सोचेक्च़ातग, बल्कि भत्ते तु भलाई ओ पाहठी सोचेक्च़ातग, ताकि दोरे उद्धार खोक्शे तरपोर। ध्वांए केरे ला झांह ठ्रोह बंङज़ेंई कि यहुदी या ऊईजाति तु परमेश्वरो कलीसिया ओ थल्जी छा परेशानी या ठोकर पैदा शुहबी मेस।
झांह लेह, अगर मुर्ति बि चढ़ाएसी बगत ज़ेइमी दोरच़ी अई विशवासी न्वा ऊ विशवास कमज़ोर शुहबिमी वहज़ा शवाह, दंङ गेह दि ठ्रोह बगत अपेहल ला माह ज़ोओग ताकि गेह ऊई विशवासी तु विशवास कमज़ोर शुहबिमी वहज़ा बणेक्पोग।
छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।
छना कुचे हेनर दू महसे तु बराबर माह तोंई, अंऊ परमेश्वरो बचन एनोह फायदा ओ थल्जी प्रचार लहज़ा; पर हेनर परमेश्वरो बचनो प्रचार सच्चाई ए मसीहू अधिकारारंङ साते लहज़ातंई, दि ञेंई कि परमेश्वर हेंदिंङ खंड्रा बंङज़ा तोह।
परमेश्वरो साथी शुहबी रंङ साते हेनर अंऊ ला गप्पारिंङ ठोकर ज़ेइमी छल्ले मोका माह रंड्रातंई, ताकि हेंदु सेवाऊ टोईच़ी छल्ले दोष अपि माह जूंस।
गेह हुकुमो रीति ओ टोहकठे ता माह, पर ऊईतु खुशी रिंङ केहतु दाह ओ सच्चाई बि परखेक्च़िमी थल्जी कुट्रातग।
हे गिऊ प्यारे साथी विशवासी रे, अगर गेह दि प्रचार लहज़ातग कि मीहतु खतना लेह जूंशी तोह, दंङ गिह्बी मुसीबतो सामना लेह माह पढ़ेक्पोतो। दंङ अगर गेह दि प्रचार माह लोहग ताकि उद्धार सिर्फ मसीहू क्रूसो दोरच़ी ए तोह, दंङ अरिला नाराज़ माह शोतो।
पर दाह रंङ हेले कुट्रा भत्तेर गप्पारि मसीह ठ्रोह सिद्ध शुहचे इलांई, अंऊ विशवासी कलीसिया पुंज़ा तोह।
दि सिखेक्च़िमी कोशिश लंहि, कि प्रभुबि छि रूठे च़ेहसी।
दू एनोह कलीसिया ओ थल्जी ला सिए इलि ताकि दू एनोह भत्ते मीहतिंङ सिद्ध बणाके तरपोतो दंङ हेंदिंङ एनोह हाज़िर रिंङ हपि तरपोतो, अतु दोर छा दोष या पाप या मदम गप्पा शुहबी मेस; पर दोरे पवित्र ए सिद्ध शुहबी जूंस।
दंङ गेह दि ला प्रार्थना लहज़ातग, कि परमेश्वर दू भत्ते तु टोईच़ी एनोह मोह्ड़े दाह कंबतो अंऊ हेंदु प्रभु यीशु मसीहरिंङ साते दाह लहज़ातोर। दू दाह अंऊ अपेहल ला योहसिमी माह।
दिरे मीहरे अंऊ रूठे सेहमारंङ साते प्रचार लहज़ातोर, गेरंङ साते दाह लहज़िमी रंङ साते रूठे खबर सुनाएच़ातोर, छना कुचे दोच़ी ञेंहच़ातोर कि, गेह रूठे खबरो बचाबो थल्जी कैदरिंङ तोतोग।
गिह्बी दि गप्पा ओ विशवास तोह कि परमेश्वरे केहतु बिचंङ छा रूठे लहच़ी शुरूआत लहतो, दोई ए दोबि यीशु मसीहू वापिस अपिमी ध्याड़ा तचेक पूरा लोहतो।
झांह लेह गेह मसीहू यह्च़ा अपिमी ध्याड़ो थल्जी दि गप्पो टोहकठे घमण्ड लेह तरपोग कि गिऊ कोशिश ए मेहनत लहज़ी बेकार माह शुई।
दंङ ञेंहच़ी प्रार्थना लहज़ातंई कि हेंदु प्रभु यीशु मसीह केहतु सेहम झांह ठ्रोह पक्का लोहतो, कि अपेहल दुह एनोह भत्ते पवित्र मीहतंङ साते वापिस अपतो, दंङ दुह हेंदु बाह परमेश्वरो तुईज़ी पवित्रतारिंङ निर्दोष ठहरेसोतो।
पर हर इच्च़ा खबर रूठे रंङ परखेक्तुंई, अंऊ रूठे तोह दोबि स्वीकार लंहि।
शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।
हे गिऊ प्यारे साथी विशवासी रे, हर इच्च़ा मीहू टोहकठे विशवास थालंही, अच़ि पवित्र आत्माओ दोरच़ी कुट्रीमी दावा लहज़ा। पर आत्मारे परखेक्तुंई कि दोरे परमेश्वरो दोरच़ी शुहरे आ माशुहरे; छना कुचे महस हप्सी भविष्यवक्तार दि संसारारिंङ तोतोरे।
गेह ञेंहच़ातग कि केई छि लहज़ातन, केई छना मेहनत लहज़ातन दंङ अपेहल ला हार माह मनेक्च़ातंई, दंङ काह मदम मीहतु हप्सी शिक्षा सहन माह लहज़ातन। केई दुह मीहतिंङ परखेकतन अंऊ दोच़ी कुट्रातोर कि दोरे प्रेरित शुरे पर हेलेरिङ तोतोर माह, दंङ केई दोतिंङ हप्साड़ खोकषातन।