फिलिपियों 1:1 - लाहौली बाइबिल

¹ गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

फिलिपियों 1:1 Iomraidhean Croise

मरकुसो 13:34

दीह दुह मीहू दशो ठ्रोह शुह, अंऊ परदेश इबिमी मुका एनोह घरबार केट्रा इलि, दंङ एनोह नोकर तिंङ अधिकार रेंहई; दंङ भत्ते तिंङ दोतु कम कम्बतो, दंङ द्वारो रखवाली लहज़ा दोबि चेहकी बंङज़ी मी आज्ञा रमतो।

यहून्नो 12:26

अगर अच़िया गिऊ सेवा लोहतो, ता दोरे गिऊ चेलार बणेक्तुंई; दंङ अंऊर गेह बंङज़ोग दोर्तिंङ गिऊ सेवा लहज़ा ला शोतो; अगर अच़िया गिऊ सेवा लोहतो, ता पिता परमेश्वरे दोऊ आदर लोहतो।

प्रेरित 1:20

दोहथल पतरस एनोह गप्पा तुंखा कुट्री लेहती, भजन संहिता ओ कताबंङ महसे तुहई रज्ज़ा दाऊदे यहूदा ओ पाहठी दि च़ेहसी तते, दोऊ घरबारो उजाड़ शुहबी जूंस दंङ दोर्तिंङ अरिला बसेफी मेस दाऊद ऊई ठहरि दिह ला कुट्रा, “ऊई मीहच़ी दोऊ ठहरि लेहपच़ी जूंस।”

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

प्रेरित 9:13

हनन्याह ज़ि जुबाब रेंई, हे प्रभु यीशु, गेह दिह मीहू पाहठी महसे तु आहच़ि रेड्री तातेग कि दिह यरूशलेम शहरंङ कांह कनु मीहतंङ साते अंयों मदम लहसी ततो।

रोमियो 1:1

गेह पोलुस दि डाक च़ेहसी लेहकी तोतोग, अंऊ यीशु मसीहू परगर शुगाह, परमेश्वरे गेह प्रेरित शुहबिमी थल्जी अंङषी शुगाह, दंङ परमेश्वरो तरफे दुह रूठे खबरो प्रचार लहज़िमी थल्जी शत्‌ह लेह च़रति।

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

1 कुरिन्थियों 16:10

अगर तीमुथियुस केहतु कछंङ कुरिन्थुस शहरंङ अपतो, दंङ दोरंङ साते रूठे रंङ बर्ताब लोहु; छना कुचे दुह गिऊ बराबर प्रभु कम लहज़ा।

2 कुरिन्थियों 1:1

गेह, पोलुस दि डाक च़ेहच़ी लेहकी तोतोग। गेह परमेश्वरो हिटी रंङ यीशु मसीहू प्रेरित शुगाह। दंङ हेंदु साथी विशवासी तीमुथियुसो तरफे परमेश्वरो दू कलीसिया बि च़ेहच़ी लेहकी तोतोग अंऊ कुरिन्थुस नगरंङ तोह, दंङ परमेश्वरो भत्ते मीहतिंङ अंऊ अखाया ओ नगरंङ बंङज़ातोर।

गलातियों 1:10

साफ तरीका रंङ, गेह मीहतिंङ खुश लहज़िमी कोशिश माह लहज़ातग, पर गेह बाह परमेश्वरा बि खुश लहज़ी तातग। अगर गेह एंतेग तचेक मीहतिंङ ए खुश लहज़ा शुचंङ ता गेह मसीहू सेवक माह शुचंङ।

गलातियों 3:26

अपेहल केहच़ी मसीहू मिंदिंङ बपतिस्मा लेहपच़ातेंई, दंङ केहच़ी मसीहू खरकोई जीवन लेहकी चरच़ातंई। झांह लेह, अपेहल केहच़ी यीशु मसीहू टोईच़ी विशवास लाहतंई, दोहपल केरे भत्तेर परमेश्वरो कटुरे बणेंके इलोंई।

गलातियों 3:28

दंङ हेंतेग माह ए अरिया यहुदी तोह दंङ माह ए ऊई जाति, माह अरिया दास तोह दंङ माह ए अरिया आज़ाद, ए स्वतंत्र, माह ता अरिया गंङमी दंङ माह ए मेच़िमी, केरे भत्तेर यीशु मसीह रिंङ इच्च़ा शुहचे इलजी तोतोंई।

इफिसियों 1:1

गेह, पोलुस, दि डाक चेह्ची लेहकी तोतग। गेह परमेश्वरो हिटी ऊ हिसाबे यीशु मसीहू प्रेरित शुगाह, गेह दि डाक इफिसुस शहरो बंङज़ा परमेश्वरो मीहतिंङ चेहच़ातग, अंऊ मसीहू यीशु थल्जी वफादार तोह।

इफिसियों 1:15

दिए वहज़ा तोह कि गेह ला प्रभु यीशु मसीह बि केहतु विशवास ए परमेश्वरो मीहतु थल्जी केहतु दाह ओ पाहठी रेड्रा,

इफिसियों 6:24

दंङ गेह दि ला प्रार्थना लहज़ातग, कि परमेश्वर दू भत्ते तु टोईच़ी एनोह मोह्ड़े दाह कंबतो अंऊ हेंदु प्रभु यीशु मसीहरिंङ साते दाह लहज़ातोर। दू दाह अंऊ अपेहल ला योहसिमी माह।

फिलिपियों 2:19

गिह्बी प्रभु यीशु रिंङ उम्मीद तोह कि गेह तीमुथियुसाबि केहतु कछंङ युरनाह च़रपोग, ताकि अपेहल दुह वापिस अपतो, केहतु दशा रेड्राते गिऊ याहब बढेक्पोतो।

फिलिपियों 2:5

छना मसीह यीशु स्वभाव तोई ध्वांए केहतु ला स्वभाव शुहबी जूंस;

फिलिपियों 3:12

गेह दि दावा माह लहज़ातग कि गेह दि चीज़रे तुहई बे खोकच़ी चरच़ातग, या सिद्ध शुहचे इलोग; पर गेह दुह सिद्धता बि खोकच़िमी थल्जी महस मेहनत लहज़ी लेहकी तोतोग। अतु थल्जी मसीह यीशुई गेह अंङषी ततो।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।

फिलिपियों 3:8

छना कुचे गेह मसीह यीशु घेंङौ प्रभु ञेंहच़ी रंङ साते ऊई भत्ते धिर बे मोह्ड़े तोह, गेह भत्ते चीज़ा तिंङ बेकार चेहच़ातग। अतु वहज़ा ज़ि गेह भत्ते चीज़ारे छोड़ेके केहतग, दंङ दोतिंङ कूड़ा समझेक्च़ातग, ताकि गेह मसीह बि ञेंए तरपोग।

1 थिस्सलुनीकियों 1:1

दि डाक पोलुसे सिलवानुस ए तीमुथियुसो तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहरिंङ तोह। ञेंहच़ी प्रार्थना लहज़ातंई कि परमेश्वर केतिंङ मोह्ड़े दाह ए शांति रमतो।

1 थिस्सलुनीकियों 2:2

केहच़ी केनाच़ि ए ञेंच़ातंई, कि केहतु कछंङ अपिमी तुहई ञेंहच़ी फिलिप्पी शहरारिंङ अंयों दुख उठाकतेंई। तांला परमेश्वरे ञेंतिंङ धोंण हिम्मत रांहषी ततो, कि केहतु शहरो मीहतु दोरच़ी ञेंहतु महस विरोध शुहचे थल ञेंहच़ी परमेश्वरो रूठे खबर सुनाएक्तंई।

2 थिस्सलुनीकियों 1:1

दि डाक पोलुस सिलवानुस ए तीमुथियुस तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहू तोतोर।

2 थिस्सलुनीकियों 1:10

दि दुह ध्याड़ा शोतो, अपेहल प्रभु यीशु मसीह एनोह मीहतु बिचंङ महिमा खोकसिमी ए दुह भत्ते विशवासी तु बिचंङ हेरान लहज़िमी थल्जी अपतो; केरे ला दि मंडली रि ठ्रोहका शोंई छना कुचे केहच़ी दुह खबरो टोहकठे विशवास लहज़ातंई अंऊ दुह ञेंहच़ी केतिंङ दोऊ पाहठी कंङाते।

1 तीमुथियुस 1:2

गेह दि डाक तीमुथियुस बि चेहच़ा तोग अंऊ गिऊ थल्जी इच्च़ा योह ठ्रोह तोह छना कुचे केई ला मसीहू टोहकठे विशवास लहज़ातन छना गेह लहज़ातग। गेह प्रार्थना लहज़ातग कि बाह परमेश्वर ए हेंदु प्रभु यीशु मसीह कनिंङ मोह्ड़े दाह ए शांति रम्मा लोहतो।

1 तीमुथियुस 3:8

ध्वांए कलीसिया ओ सेवकातिंङ ला शुहबी जूंस अतु आदर मीहच़ी लोहर, ईमानदार शुहबी जूंस, दंङ शराबी शुहबी मेस, दंङ गलत तरीका रंङ ढबाह कमाएच़िमी लालची शुहबी मेस,

तीतुस 1:1

गेह पोलुस अंऊ परमेश्वरो दास ए यीशु मसीहू प्रेरित शुगाह, केतिंङ दि डाक चेहच़ातग। गेह परमेश्वरो अंङषी मीहतिंङ पक्‍का लहज़ी ए दुह सच्चाईऊ शिक्षा समझेक्सिमी थल्जी अंङषी शुई, ताकि दोरे झांह ठ्रोह जीवन श्रींङमोंई अंऊ परमेश्वराबि खुश लहज़ा।

तीतुस 1:7

छना कुचे कलीसिया ओ मुख्या बि परमेश्वरो खज़ान्च़ीज़ि शुहबीरंङ साते बेकसूर शुहबी जूंस; माह ज़िद्दी, माह रोहष, माह पियक्कड़, माह मारपीठ लहज़ा, माह ढबाहो लालची शुहबी जूंस।

फिलेमोंन 1:1

गेह पोलुस अंऊ यीशु मसीहू सेवकाई ऊ थल्जी जेलारिंङ तोतोग। दिह डाक चेहच़ातग। ञेंहतु विशवासी न्वा तीमुथियुसो तरफे कनिंङ फिलेमोनबि ला नमस्कार। काह हेंदु साथी मित्र शुनाह दंङ हेंदु ठ्रोह ए मसीहू सेवा लहज़ातन।

इब्रानियों 13:23

केतिंङ दि हिद शोतो कि, हेंदु विशवासी न्वा तीमुथियुस कैदो दोरच़ी रिहा शुहचे इलज़ा, दंङ अगर दू युरनाह अच़ा अति, दंङ गेह दोरंङ साते केहतु कछंङ दोहई अपोग।

याकूब 1:1

गेह याकूब अंऊ परमेश्वर ए प्रभु यीशु मसीहऊ दास शुगाह, इस्राएलो अंऊ सनी गोत्र अंऊ संसारो शत्‌ह-शत्‌ह ठहरि बंङज़ा तोरे केतिंङ दि डाक चेहच़ातग केतिंङ भत्तेतिंङ गिऊ नमस्ते।

1 पतरस 2:25

तुहई केरे त्रैंईतु ठ्रोह तोईनी अच़ि एनोह अम योंहषी चरच़ातेर। पर हेंतेग केरे मसीहू कछंङ अच़ा अंज़े तोतोंई अंऊ केहतु आत्माओ चरवाहा ए रखवाला तोह।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।

प्रकाशित वाक्य 1:1

दि कताब दुह गप्पातु पाहठी कंड्रा अंऊ परमेश्वरे यीशु मसीह बि कंङाते। ताकि दुह एनोह परगरा तिंङ दुह गप्पातु पाहठी कंड्री तरपोतो अंऊ युरनाह शोतो। यीशु ज़ि एनोह स्वर्गदूता बि दुह खबर रंङ साते गिऊ कछंङ मतलब एनोह दासबि चेआतो अंऊ गेह तंङातग। गेह दि लेख रिंङ परमेश्वरो वचन ए सच्चाई ओ शिक्षा चेआतग अतु जानकारी गिह्बी यीशु मसीह रांहषी ततो।

प्रकाशित वाक्य 1:20

हेंतेग गेह कमोग कि गिऊ सुचंङ गुहड़रिंङ निह्ज करज़े तु छि मतलब तोह दंङ ज़ङों निह्ज दिवटो छि मतलब शुह। दिऊ मतलब दि तोह: निह्ज कर दुह स्वर्गदूता तु पाहठी कंड्रातोर अंऊ दोच़ी निह्ज कलीसिया ओ रखवाली लहज़ातोर दंङ निह्ज ज़ङों दिवट निह्ज कलीसिया बि कंड्रातोर।

प्रकाशित वाक्य 19:10

अपेहल गेह रेड्रीगा ता गेह दुह मीहू तुईज़ी कोंङा शुहचे इलिगा अंऊ गेरंङ साते गप्पा लहज़ी लेहकी तोहई, छना कुचे गेह दोऊ अराधना लहज़ातेग। दोई गिऊ हखा कुई, “गिऊ अराधना थालोहू। परमेश्वरे ए तोह अतु कनिंङ अराधना लेह जूंशी तोह। छना कुचे गेह ला ध्वांए इच्च़ा परमेश्वरो सेवक शुगाह, छना काह तोतोन दंङ ध्वांए छना इच्च़ा ए अंगीकार लहसी कनु भत्ते साथी विशवासी तोतोर, अंऊ दोच़ी ञेंहच़ातोर कि यीशु ए दोतु प्रभु शुह। दिए सच्चाई अंऊ यीशु ज़ि प्रगट लहसी ततो, दोबि घोषणा लहज़िमी थल्जी पवित्र आत्मा मीहतिंङ दोऊ जोगे बणाएच़ा।”

प्रकाशित वाक्य 2:12

पिरगमुन शहरो कलीसिया ओ स्वर्गदूता तिंङ दि चेहओ: “अतु कछंङ तेज झुह्ट धारी तलवार तोह”, दोई दि कुट्रा:

प्रकाशित वाक्य 2:8

स्मुरना शहरो विशवासी तु मंडली ओ स्वर्ग दूताबि दि चेऊ: “बेऊ था; गेह मुण्डो ए थल मुखंङ तचेक शुगाह, दंङ गेह दुह शुगाह अंऊ जहानो जुंशी शुगाह।” गेह इच्च़ा फेरा सिए इलजी तोईगा पर एंतेग गेह श्रींङे तोतोग दंङ हमेशा श्रींङे बंङज़ोग, अंऊ गेह कुट्रातग दुह रेड्रुंई।

प्रकाशित वाक्य 22:9

पर दोई गेरंङ साते कुई, “खंणु, झांह ठ्रोह थालोहू; छना कुचे गेह कांह ए कनु न्वा ओ भविष्यवक्तातु ए दि कताबो गप्पारे मनेक्च़िमी दोतु संगी दास शुगाह। परमेश्वरो ए अराधना लोह।”