मरकुसो 9:4 - लाहौली बाइबिल

⁴ दुह मुका दोहर यहुदी मीहतु झुह्ट भविष्यवक्ता प्रगट शुहचे इलिर अतु मिन मूसा ए एलियाह तोहई दोकु झुल्ला यीशुरंङ साते गप्पा लेहच़ी लेहकी तोईरे।

मरकुसो 9:4 Iomraidhean Croise

मत्ती 11:13

भविष्यवक्तातु भत्ते कताबरे ए मूसाऊ कानूना रिंङ यूहन्ना बपतिस्मा रंड्राऊ अबिमी तचेक, परमेश्वरो राज्यो पाहठी च़ेहसी तोह।

मरकुसो 9:3

दंङ दोऊ खमज़ेर झांह ठ्रोह छंङी शुहबी लेहती, दंङ धोंण तचेक छंङी शुहचे इलि, कि धरतीऊ टोईच़ी अरीला धोबी धोंण रुठे लेह मरपतो।

मरकुसो 9:5

दंङ पतरसे यीशु रंङ साते कुतोह, “हे गुरु, हेंदु देहर बंङज़ी रुठे शुह; झांह हेंज़ी देहर षुमु तम्बू खड़े लोहुनी; इच्च़ा कनु थल्जी, इच्च़ा मूसो थल्जी, इच्च़ा एलियाहो थल्जी।”

लूको 24:27

दंङ यीशु ज़ि मूसा ए भत्ते भविष्यवक्ताज़ि अंऊ ला गप्पा यीशु पाहठी पवित्रशास्त्रा रिंङ च़ेहसी तोह, दुह भत्ते गप्पारे दोतिंङ इच्च़ा-इच्च़ा लेह समझाएक्तो।

लूको 24:44

दंङ यीशु ज़ि दोतंङ साते कुंई, “दिहरे गिऊ दुह गप्पारे शुहरे, अंऊ गेह केतंङ साते बंङज़ा केतंङ साते कुहतेग, कि ज़रूरी तोह अंयों गप्पारे मूसाओ कानूना ए भविष्यवक्तातु ए भजनो कताबंङ, गिऊ पाहठी च़ेहसी भत्ते हेले साबित शोतो।”

लूको 9:19

चेलाज़ि जुबाब रेंहई, “मीहच़ी कनिंङ यूहन्ना बपतिस्मा, एलियाह भविष्यवक्ता दंङ रेह मीहच़ी क्वातर कि काह तुहई कि भविष्यवक्तातु बिचंङज़ि इच्च़ा शुनाह।”

यहून्नो 5:39

केहरे पवित्रशास्त्रारिंङ पड़ेक्च़ातंई, छना कुचे समझेक्च़ातंई कि दोर्तिंङ अनंत जीवन केतिंङ खोकसा; दंङ दीह दुह ए शुह अच़ि गिऊ गवाही रंड्रा;

प्रकाशित वाक्य 19:10

अपेहल गेह रेड्रीगा ता गेह दुह मीहू तुईज़ी कोंङा शुहचे इलिगा अंऊ गेरंङ साते गप्पा लहज़ी लेहकी तोहई, छना कुचे गेह दोऊ अराधना लहज़ातेग। दोई गिऊ हखा कुई, “गिऊ अराधना थालोहू। परमेश्वरे ए तोह अतु कनिंङ अराधना लेह जूंशी तोह। छना कुचे गेह ला ध्वांए इच्च़ा परमेश्वरो सेवक शुगाह, छना काह तोतोन दंङ ध्वांए छना इच्च़ा ए अंगीकार लहसी कनु भत्ते साथी विशवासी तोतोर, अंऊ दोच़ी ञेंहच़ातोर कि यीशु ए दोतु प्रभु शुह। दिए सच्चाई अंऊ यीशु ज़ि प्रगट लहसी ततो, दोबि घोषणा लहज़िमी थल्जी पवित्र आत्मा मीहतिंङ दोऊ जोगे बणाएच़ा।”