मरकुसो 9:2 - लाहौली बाइबिल

² त्रुई ध्याड़ो थल यीशुज़ि पतरस, याकूब दंङ यूहन्ना बि ऐनाहरंङ साते इच्च़ा रंङी गोह टोईच़ी लेन्ज़ा हति, दंङ अपेहल दोरे एकांत रिंङ तोईरे दुह षुमु चेलाज़ि यीशु रूप लेहक्सी तंङरी,

मरकुसो 9:2 Iomraidhean Croise

मत्ती 14:13

अपेहल यीशुज़ि दिह थशातो, दुह किशतीऊ टोईच़ी बंङज़ा दोरच़ी सुनसान ठाहरीरिंङ हखा अह्च़ा इलज़ा। मीहरे दिह रेड्रीरंङ नगरारिंङ-नगरिंङज़ि पैदल दोऊ थले शुहचे इलिरे।

मरकुसो 14:33

दंङ यीशुज़ि पतरस याकूब दंङ यूहन्ना बि ऐनाहरंङ साते थोड़े अरे तुंखा लेन्ज़ा शिली। दंङ यीशु महस ए दुखी शुबि लेहती।

मरकुसो 16:12

दुह ध्याड़ो थल, यीशु एनातु झुह्ट चेला तिंङ ला अपेहल दोरे यरूशलेम शहरो दोहरची एनोह नगरो हखा यवातेर, दोच़ी तंङरीरे। पर दोच़ी दोबि सेहषी मरतिर छना कुचे दुह शताह तंङपि लेहकी तोहई।

मरकुसो 5:37

यीशुज़ि पतरस, याकूब ए याकूबो न्वा यूहन्नाबि एनोह साते शिलोह दोई ऊई अतिंङ ला ऐनारंङ साते माह शिली।

लूको 6:12

दंङ दुह ध्याड़ा रिंङ यीशु प्रार्थना लहज़िमी थल्जी गोह टोहकठे इलि, दंङ रात पुरे परमेश्वरारंङ साते प्रार्थना लहरी।

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

रोमियो 12:2

दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।

2 कुरिन्थियों 13:1

पवित्रशास्त्रा रिंङ दि च़ेहसी तोह कि “हर इच्च़ा मसला झुह्ट या षुमु गवाह तु गवाही दोरच़ी सुलझासी जूंशी तोह।” गेह तुहई ए दू मीहतिंङ चेतावनी रें चरच़ातग अपेहल गेह घेंङौ दूसरी यात्रा ओ मुक्का दोर्तिंङ तोईगा। हेंतेग गेह यह्च़ा दोतिंङ ए ऊई ला भत्ते दि डाको दोरच़ी चेतावनी रंड्रातग, छना गेह तुहई लाहतेर। हेंतेग गेह षुमु फेरा केहतु कछंङ अपिमी तोतोग; दंङ अगर दोच़ी हेंतेग ला पाप लहज़ी ब्याड़ा माह लहरिर, दंङ अरिला सज़ा ओ दोरच़ी बचेक्पोतो माह।

फिलिपियों 3:21

दुह एनोह शक्तिऊ दुह प्रभावो हिसाबे अतु दोरच़ी दोरे भत्ते चीज़ा तु एनोह काबूरिंङ लेह तरच़ा, हेंदु संसारो फुको ओ रूप लेहक्सा, एनोह महिमाऊ फुको ठ्रोह बणाके च़रपोतो।

प्रकाशित वाक्य 20:11

दंङ गेह इच्च़ा छंङी सिंहासन तंङरिगा अतु टोईच़ी परमेश्वर विराजमान तोहई। पर दुह ठहरि अंऊर परमेश्वर विराजमान तोहई, धरती ए स्वर्ग भत्ते योंहंषा शुहचे इलि, दंङ अच़िला दोतिंङ यह्च़ा खंड्री मरतिर।