मरकुसो 7:4 - लाहौली बाइबिल

⁴ दंङ बज़ारा रंङ ज़ि अंज़े, अपेहल तचेक मा सुज़ि साते ता धोंण तचेक बगत मा ज़ेई; ऊई ला महस गप्पारे तो, अंऊ दोतु कछंङ मनेक्पी मी थल्जी तो, छना कव्लीरेह, लोटकी दंङ त्रामो नंदे शुगाह, मंज़ेक्ची,

मरकुसो 7:4 Iomraidhean Croise

मत्ती 23:25

हे कपटी रंड्रा यहुदी शास्त्री ए फरीसी मीहरे केहतु टोईच़ी धिक्कार! केहरे झांह ठ्रोह नंनदे शुई अरी धह्कतेकी साफ तोतोंई पर तोंङज़ि अईता ला झख तोतोंई। दुह झांह ठ्रोह तोह कि केहच़ी ऊईतु थल्जी रुठे कंड्रातंई। पर केहतु सेहम तोंङज़ि लालच ए स्वार्थे पिंङषी तोह।

मत्ती 23:26

तुहई केतिंङ लालची ए स्वार्थी शुबी बंद लेह जुंशी तोह। दोहपल केहच़ी दुह लेह तरपोंई अंऊ धर्म हिसाबे ठीक तोह। दुह इच्च़ा झांह नंदे ओ ठ्रोह तोह अंऊ तोंङ ज़ि ए धह्कतेकी झुल्ला हासी साफ तोह।

मत्ती 27:24

पिलातुसे खमतो कि छल्ले बणेक्पिमी माह बल्कि छल्ला वैहसीऐ लेहकी तोह, दंङ दोई दिह लेहपच़े भीड़ो तुईज़ी एनोह गुहड़ चिह्आतो दंङ कुहतो, “गेह दिह धर्मीऊ शुहईज़ि निर्दोष शुगाह; केहच़ी ञेंई।”

मरकुसो 7:8

छना कुचे ता केहच़ी परमेश्वरो हुकुम टालेके मीहतु रीति बि मनेक्च़ी लेहकी तोईनी।”

यहून्नो 2:6

दोर्तिंङ यहुदी तु गुहड़ शुलज़िमी रिवाज़ो हिसाबे शुहचे लहज़िमी थल्जी रघटु त्रुई बर्चारे केहषी तरेर, अतु अंद्रेग झुह्ट-झुह्ट षुमु-षुमु मण (इच्च़ा मण 40 लीटर) अपाते।

यहून्नो 3:25

दोर्तिंङ यूहन्ना ओ चेला तु अरीया यहुदी मीह रंङ साते रिवाज़ो हिसाबे शुद्ध शुहबिमी पाहठी बहस शुई।

इब्रानियों 9:10

छना कुचे दोरे सिर्फ मीहतु ज़ेई ए तुंङमिमी चीज़ा तु पाहठी दंङ महसे सुज़िमी पाहठी कंड्रातेर अतु दोरच़ी मीहरे धकते च़ि संङा शुहचे यवातेर दि ज़रूरी तोहई कि दि कानूना बि दोहपल तचेक पूरा लोहर अपेहल तचेक कि परमेश्वरे मीहतंङ साते इच्च़ा खरकोई वाईदा माह लोहतो।

याकूब 4:8

परमेश्वरो कछंङ अतंई, दंङ दुह लाह केहतु कछंङ अपतो: हे पापीरे, केनातु ज़िन्दगीऊ दोरच़ी पाप शत्‌ह लंहि; दंङ हे झुह्ट सेहमा रंङ मीहरे केनातु सेहम पवित्र लंहि।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।