मरकुसो 4:11 - लाहौली बाइबिल

¹¹ दंङ यीशुज़ि दोतंङ साते कुतोह, “केतिंङ ता परमेश्वरो राज्यों राज ओ पाहठी समझ रांहषी तोह, पर दोतु थल्जी अरी गिऊ टोहकठे विशवास माह लहज़ा दोतु थल्जी भत्ते गप्पा कथारिंङ ए शोतो।

मरकुसो 4:11 Iomraidhean Croise

मत्ती 11:25

दोहथर यीशुज़ि कुहतो, “हे बाह स्वर्ग ए धरतीऊ प्रभु गेह कांह धन्यवाद लहज़ातग कि केई दिह गप्पारे ञेंच़ाहरे ए समझकार मीहतु दोरच़ी प्याके त्याहतेन दंङ अंऊ मीहरे कटुतु ठ्रोह सीधे तोतोर दोतु टोईच़ी प्रगट लहतन।

मत्ती 13:16

पर धन्य शुह रे केहतु टिरारे, कि दोच़ी खंड्रातोर; दंङ केहतु रेहट्रारे कि दोच़ी रेड्रातोर।

मत्ती 16:17

यीशुज़ि दोबि जुबाब रेंई, “हे शमौन योना ओ योह कांह धन्य शुनाह; छना कुचे अरीया मीह मशत पर गिऊ पिता परमेश्वरे अरी स्वर्गंङ तोह दिह गप्पा कनिंङ टोहकठे प्रगट लह्तो।

मरकुसो 3:23

दंङ दोई दुरेह एनोह कछंङ बुलाके दोतंङ साते कथारिंङ कुट्री लेहती, “छि शेताने एनोह मांजी आत्मा मीहतु दोरच़ी धह्तेका हुंपतोआ? माह शोतो दिह अपेहल ला माह शोतो।

मरकुसो 4:10

अंऊ मुका यीशु इच्च़ा केह्षा इलि, दंङ दोऊ ऊई साथिरे दंङ दोऊ सनी चेला तु समेत दोबि दी कथा ओ पाहठी दोऊ मतलब रुहक्ती।

मरकुसो 4:2

दंङ दुह दोतिंङ कथारंङ साते कंड्री लेहकी तोहई, दोई धर्मिक शिक्षरंङ साते दोतिंङ कुतोह,

लूको 8:10

दोई कुतोह, “केतिंङ ता परमेश्वरो राज्यों राज ओ पाहठी समझ रांहषी तोह, दंङ ऊईतिंङ कथारिंङ ए कुट्रिमी तो दिऊ थल्जी कि: दोच़ी-दोच़ी खांई ते ला माहखांइरे, दंङ दोतिंङ शुङसी मादी रेड्रा ला रेहड्रोंई ता ला माह समझेक्ती।”

1 कुरिन्थियों 4:7

अच़िला केतिंङ ऊईदि बे खास बणाषी माह! छिल्ला धिर केहतु कछंङ तोह दू केतिंङ परमेश्वरो दोरच़ी खोकसा तोह। दंङ केतिंङ घमण्ड लहज़िमी छल्ले अधिकार माह।

2 कुरिन्थियों 4:6

झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

इफिसियों 1:9

परमेश्वरे एनोह हिटी ओ भेद हेंदु टोहकठे एनोह रूठे इरादो थल्जी प्रकट लहसी ततो, अंऊ दोई तुहई ए मसीहू दोरच़ी पूरा लहज़िमी ठानेगी च़रसी तहरे।

कुलुस्सियों 4:5

हर मोका ओ रूठे रंङ इस्तेमाल लंहि दि कंड्रिमी थल्जी कि केरे विशवासी शुई दंङ अंऊ मीहरे यीशु मसीहू टोहकठे विशवास माह लहज़ातोर दोतंङ साते बुद्धिमानी रंङ साते बर्ताब लंहि।

1 थिस्सलुनीकियों 4:12

दंङ अविशवासी मीह दि खंड्रा कि केहच़ी हर इच्च़ा ध्याड़ा छना ठ्रोह व्यवहार लहज़ातंई, केहतु आदर लोहर ताकि केरे केनातु ज़रुरतो थल्जी अतु ला टोहकठे बोझ शुहबी मेस

1 तीमुथियुस 3:7

दि ला ज़रूरी तोह कि अविशवासी मीहतु बिचंङ ला दोऊ आदर शोतो, झांह शुहबी मेस कि दोऊ बदनामी शोतो दंङ दुह शेतानो फंदारिंङ फसेगी योतो।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।