मरकुसो 3:3 - लाहौली बाइबिल

³ यीशुज़ि करची गुहड़ो मीहरंङ साते कुहतो, “तुईज़ी अंज़े खड़े शुह।”

मरकुसो 3:3 Iomraidhean Croise

मत्ती 12:10

दोहर इच्च़ा मीह तोहई, अतु गुहड़ बीमारीरंङ करची तोहई; दंङ यहुदी मीहच़ी यीशु टोईच़ी बदी लगाच़िमी थल्जी दुह रुहक्ती, छि अरामो ध्याड़ारिंङ ठीक लेहई रूठे शुहदा?

मरकुसो 3:2

दंङ थोड़े अरे फरिसीज़ि यीशु टोईच़ी दोष लगाएच़ी मी थल्जी मोका पेट्री लेहकी तोईर, कि खमोंई, यीशुज़ि अरामो ध्याड़ारिंङ दोबि अईन लोहतो आ मा लोहतो।

मरकुसो 3:4

दोई दोतंङ साते रूह्कतो, “परमेश्वरो हुकुमो हिसाबे, अरामो ध्याड़ारिंङ रुठे लहज़ी ठीक शुह या मांजी लहज़ी? छि दोई हुकुम माह रौंआ कि, प्राण बचाची ठीक शुह आ सच़ी ठीक शुह?” दंङ अच़िला जवाब माह ई।

लूको 6:8

पर यीशु दोतु बिचार ञेंहच़ाते; दोई करची गुहड़ो मीहरंङ साते कुहतो, “तुईज़ी अंज़े खड़े शुह। दुह खड़े अच़ा इलि।”

यहून्नो 9:4

अच़ि गेह च़रसी शुगाह दु कम हेन्दिंङ नीरा नीरारिंङ लह्जी लह्पोतो! दुह रात अपिमी तोद, अपेहल छले कम माहशोर।

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

गलातियों 6:9

हेनर रूठे कम लहज़िमी रंङ साते परेशान शुहबी माह जूंस, छना कुचे अगर हेनर परेशान माह शोंई, दंङ परमेश्वरो ठीक टेमारिंङ ईनाम खोकपोंई।

फिलिपियों 1:14

दंङ प्रभुरिंङ अंऊ विशवासी न्वारे तोतोर, दोतु बिचंङ महस गिऊ कैदरिंङ शुहबी वहज़ा ज़ि, खुशी रंङ साते परमेश्वरो वचन बेधड़क शुचे सुनाएच़िमी थल्जी ऊई ला याहब लहज़ातोर।

1 पतरस 4:1

झांह लेह, अपेहल कि मसीह ज़ि एनोह फुकारिंङ बंङज़ा दुख सहन लहरी, दंङ केतिंङ ला ध्वांए ठ्रोह दुख सहन लहज़िमी थल्जी तेयार बंङज़ी जूंशी तोह। छना कुचे अगर हेनर मसीहू थल्जी दुख सहन लहज़िमी थल्जी तेयार तोतोंई, दंङ केहच़ी पाप माह लहज़िमी फेंसला लेह चरच़ातंई।