मरकुसो 2:8 - लाहौली बाइबिल

⁸ यीशुज़ि दोहथल ए एनोह सेहमा रिंङ दी ञेंई च़रति कि दोच़ी एनोह सेहमा रिंङ छी विचार लहज़ातोर, दोतंङ साते कुतोह, “केहच़ी केन्दु सेमरिङ दी विचार छिले हप्तांई?

मरकुसो 2:8 Iomraidhean Croise

मत्ती 12:15

पर दिह ञेंहच़ा यीशु दोरच़ी अहच़ा इलि। महस मोडे भीड़ यीशु थले अतिरे दंङ दोई दोरे भत्ते ठीक लहरी।

मत्ती 16:7

दोरे एनातु बिचंङ सोचेके लेहतिरे हेंज़ी रोटी माई दोऊ थल्जी यीशुज़ि झांह कुट्रा।

मत्ती 9:4

यीशुज़ि दोतु सेहमो गप्पा ञेंहई कुहतो, “केहच़ी केनातु सेहमरिंङ दीह मांजी विचार छिले हप्तांई?

मरकुसो 2:7

“दी मीह झांह ठ्रोह गप्पा छिले क्वात? दी ता परमेश्वरो बुराई लहज़ाते! परमेश्वरो अलावा ऊई अच़िला पाप माफ लेह मरच़ि!”

मरकुसो 2:9

योह्च़े छी तो? कि टेची मीहबी दी कुट्री कि कनु पाप माफ शुहचे इलि, या दी कुट्री कि अहच़ु केनोह मंजी कुरच़े देखा नोखा जो?

मरकुसो 7:21

छना कुचे मदम विचार मीहू अन्देरगच़ि हुंज़ी। दंङ दुह, मीहू सेहमज़ि मांजी-मांजी ख्याल, कुकम, चोरी, हत्या, ऊई मेच़मीऊ थल्जी लालच,

लूको 24:38

यीशु ज़ि दोतंङ साते कुंई, छिले बेवातंई? दंङ केहच़ी सेहमरिंङ शक छिले लहज़ातंई?

लूको 5:22

यीशुज़ि दोतु सेहमो गप्पा ञेंए कुहतो, “केहच़ी केन्दु सेमरिङ दीह विचार छिले हप्तांई?

लूको 6:8

पर यीशु दोतु बिचार ञेंहच़ाते; दोई करची गुहड़ो मीहरंङ साते कुहतो, “तुईज़ी अंज़े खड़े शुह। दुह खड़े अच़ा इलि।”

यहून्नो 21:17

यीशु ज़ि तीसरा बार दोरंङ साते कुतोह, “हे शमौन, यूहन्ना ओ योह, छि केई गेरंङ साते दाह लहज़ातन आ?” पतरस दुखी शुई कि यीशु ज़ि तीसरा बार झांह कुहतो, “कि छि केई गेरंङ साते दाह लहज़ातन आ?” दंङ दोरंङ कुंई, “हे प्रभु, केई ता भत्ते धिर ञेंहच़ातन: कि गेह करंङ साते दाह लह्ज़ातग।” यीशु ज़ि दोबि कुंई, “गिऊ त्रैंईरे रुआक्तु।

यहून्नो 6:64

पर केहतु बिचंङ अंयों झांह ठ्रोह तोतोर अच़ि गिऊ शिक्षा ओ टोहकठे विशवास माह लहज़ातोर।” छना कुचे यीशु ता तुई ए ञेंहच़ाते कि अरी विशवास माह लहज़ातोर, दुह अरी शुह; दंङ अच़ि गिह्बी च़ुमज़ि लोहतो।

प्रेरित 5:3

पर पतरसे कुंई, हे हनन्याह! अंऊ शेताने कांह सेहम रिंङ पवित्र आत्मा रंङ साते हप्सी कुट्रिमी बिचार केहतो दंङ केई केनोह लंङसी ज़मीनो लसो इच्च़ा हिस्सा केनोह थल्जी तओ।

प्रेरित 8:22

दिऊ थल्जी केनोह सेहम किर्ज़ुंई मदम कमो दोरच़ी प्रभु ऊ हखा प्रार्थना लोह, शायद परमेश्वर कांह मदम बिचारा तिंङ माफ लोहतो।

इब्रानियों 4:13

दंङ संसारो अंऊ ला चीज़ परमेश्वरो दोरच़ी ब्याके माह, पर छिल्ला हेंज़ी हेंदु जीवनो दोरच़ी लहसी तातंई, हेंदिंङ दोबि भत्ते कमो हिसाब रंड्री लेह्पोतो। दोऊ तुईज़ी भत्ते चीज़ारे अलसी ए प्रगट तोह।

प्रकाशित वाक्य 2:23

दंङ गेह दुह मीहतिंङ सच़ी च़रपोग अंऊ दोऊ शिक्षा भाषे लहज़ातोर, दंङ भत्ते कलीसिया ञेंई च़रपोतो कि गेह ए तोतोग अंऊ हर इच्च़ा मीहू विचार ए मकसदो परख लहज़ातग। गेह केहतु बिचंङ हर इच्च़ा बि दोऊ कमो हिसाबे ईनाम रमोग।