मरकुसो 2:12 - लाहौली बाइबिल

¹² दुह खड़े शुहचे भत्ते तु तंङशी एनोह मंजी कुरच़ा अच़ा इलि। दी खंड्रा भत्ते टठ शुहचे परमेश्वरो षटणा लहज़ी लेहतिर, “ञेंहच़ी धींगा चमत्कार अपेहल ला तंङषे मा शुह।”

मरकुसो 2:12 Iomraidhean Croise

मत्ती 12:23

दिरंङ भत्ते मीहरे हेरान शुहचे कुट्री लेह्तिरे, “दिह छि मसीह शुहचे तरपोतो आ, अंऊ रज्ज़ा दाऊदो खानदानो शुह, अतिंङ हेनर रुमज़ा तोईन।”

मत्ती 15:31

अपेहल मीहच़ी तंङातोर कि झल्लेचि कुट्रातोर टुंडेरे ठीक शुहतोर, लटटेरे जोज़ातोर काणे च़ि खमातोर ताह ठट् शुहचे इस्राएलो परमेश्वरो तारीफ लाहतेर।

मत्ती 9:33

अपेहल यीशुज़ि दुह टटे मीहू दोरच़ी मांजी आत्मा हुंच़े च़रति, दंङ दुह मीह गप्पा लहज़ी लेहती, दिरंङ भीड़ ठट् शुहचे कुट्री लेहती “इस्राएल देशंङ झांह ठ्रोह अपेहला माह तंङसी शुह।”

मत्ती 9:8

मीहरे दिह खांई बेई इलिरे दंङ परमेश्वरो महिमा लहज़ी लेह्तिरे, अच़ि मीहतिंङ दिह अधिकार रांहषी तोह।

मरकुसो 1:27

भत्ते मीहरे अंऊ यहुदी सभा घरबारंङ तोईरे हेरान शुहचे इलि, दंङ ऐनाह तु विचङ रुहक्च़ी लेहतिरे, “दी छी ठ्रोह शिक्षा शुह? न्येचि तुई अपेहल ला अतिंङ ला झांह ठ्रोह अधिकारंङ साते शिक्षा रंड्री तंङसी माह, दोई अधिकारंङ साते मांजी आत्माबि ला हुकुम रंड्रते। दंङ दोच़ी ला दोऊ गप्पा मनेक्च़ातेर।”

मरकुसो 2:11

“गेह करंङ साते कुट्रातग, अहच़ु केनोह मंजी कुरच़े चुंखा अच़ा इला।”

लूको 13:13

दंङ दोई दोऊ टोईच़ी गुहड़ केहरी, दंङ दुह दोथरे ठीक शुहचे इलि दंङ परमेश्वरो तारीफ लहज़ी लेहती।

लूको 17:15

दंङ दोतु बिचंङज़ि इच्च़ा दिह खांई कि गेह ठीक शुहचे इलदग, जोहरे हाऊष रें परमेश्वरो तारीफ लहज़ा यीशु कछंङ वापिस अच़ा अति।

लूको 5:26

दंङ भत्ते हेरान शुई दंङ परमेश्वरो महिमा लहज़ी लेहकी, दंङ महस ज़ि वेवा कुट्री लेहती, “तोग ञेंहच़ी अनोखे गप्पा तंङरिर।”

लूको 7:16

दिरंङ भत्ते मीहरेर बेई लेहतिरे, दंङ दोरे परमेश्वरो महिमा लहजे कुट्री लेहतिर, “ञेंहतु बिचंङ इच्च़ा मोह्ड़े भविष्यवक्ता अंज़े तोह, दंङ परमेश्वरे एनोह मीहतु मदत लहज़िमी थल्जी अंज़े तोह।”

यहून्नो 7:31

दंङ भीड़ो बिचंङ च़ि महसे मीहज़ी दोऊ टोहकठे विशवास लहरिर, दंङ कुट्री लेहतिर, “मसीह अंऊ मुक्का अपतो, ता छि दिहबे ला महसे चिन्ह चमत्कार कंबोतो आ?”

यहून्नो 9:32

अपेहल बे संसारो शुरुवात शुहते दिह रेड्रिमी माह अति, कि अच़िला काणे जेह्की मीहबी नज़र रेंई।

प्रेरित 4:21

दंङ महासभा ओ अगुवा मीहज़ी दोतिंङ सख्ती रें धमकी रे छोड़ेके च़रतिर, छना कुचे दोच़ी माह ञेंहच़ातेर कि दोतिंङ लड़ाई-झगड़ा मेह छना सज़ा रमोर, दिऊ थल्जी कि अंऊ घटना शुहचे तोहई, दोऊ बजह च़ि भत्ते मीहरे परमेश्वरो तारीफ लहज़ातेर।