मरकुसो 10:1 - लाहौली बाइबिल

¹ दंङ यीशु कफरनहूम नगरंङ केहट्रा यहुदा देशो शुहचे यरदन बेंड़ीऊ नुरेच़ि अति। भीड़ यहचा दोऊ कछंङ ठ्रोहका शुहचे इलि, दंङ दुह एनोह रीति रंङ साते यहचा दोतिंङ उपदेश रंड्री लेहती।

मरकुसो 10:1 Iomraidhean Croise

मत्ती 26:55

दुह मुक्का यीशुज़ि भीड़ो हखा कुहतो, “छि केहच़ी गेह डाकू चेहके गिह्बी च़ुमज़िमी थल्जी तलवार लठी रेह कुरच़ा अन्जी तोतोंई? गेह रोज मंदिरंङ बंङज़ा उपदेश रंड्रातग दंङ केहच़ी गेह माहचुमयेंतंई।

मत्ती 4:23

यीशु भत्ते गलील प्रदेशो इलज़ा दोतु यहुदी सभा घरबारंङ शिक्षा रंड्रा, परमेश्वर ओ राज्यो पाहठी रूठे खबर प्रचार लेह, दंङ मीहतु भत्ते पाहठी बीमारी ए कमज़ोरी ठीक लोहवा लहरी।

मरकुसो 1:21

दोऊ थल यीशु ए दोऊ चेलारे कफरनहूम नगरंङ अन्देर, दंङ दुह ऊई अरामो ध्याड़ारिंङ दुह यहुदी सभा घरबारंङ इलजे धर्मिक शिक्षा रंड्री लेहकी।

मरकुसो 10:2

दंङ फरीसी ज़ि दोऊ छ़ोत लेहपच़ी मी थल्जी दोबि रुहक्ती, “छि दि मुसाऊ कानूनो हिसाबे दी ठीक शुह कि ग गंङमी एनोह मेच़ा केचे केओतो?”

मरकुसो 12:35

दंङ यीशुज़ि यहुदी मंदिरंङ उपदेश लहज़ा दी कुतोह, “यहुदी शास्त्रीज़ि छिले क्वातेर कि मसीह सिर्फ रज्ज़ा दाऊदो खानदानो शुह?

मरकुसो 14:49

गेह ता यहुदी मंदिरंङ हर ध्याड़ा केतंङ साते बंङज़ा उपदेश (धर्मिक शिक्षा) रड्रा लहज़ातेग, दंङ दुह मुका केहच़ी गेह मा चुमरीह: दंङ दी दिऊ थल शुई कि पवित्रशास्त्रो गप्पा पुरे शोतो।”

मरकुसो 2:13

यीशु यहचा दोरच़ी हुंच़ा गलील झीलो कछंङ इलि, दंङ महसे मीहरे दोऊ कछंङ इलिरे, दंङ दुह दोतिंङ परमेश्वरो उपदेश रंड्री लेहकी तोहई।

मरकुसो 4:2

दंङ दुह दोतिंङ कथारंङ साते कंड्री लेहकी तोहई, दोई धर्मिक शिक्षरंङ साते दोतिंङ कुतोह,

मरकुसो 6:2

अरामो ध्याड़ारिंङ यीशु यहुदी सभा घरबारंङ परमेश्वरो उपदेश रंड्री लेहकी तोहई, दोऊ उपदेश रेड्रा महस मीहरे हेरान शुहचे इलिरे। दंङ दोरे कुट्री लेहतिरे, “दि मीह दि गप्पारे अंऊच़ि सिखेसि शोतो? दंङ झांह ठ्रोह सामर्थो कम लहज़िमी बुद्धि दिबी अच़ि रांहषी शोतो?

मरकुसो 6:34

अपेहल यीशु किशतीऊ टोहकठे ज़ि तकसिरी दुह मुका दोई इच्च़ा मोह्ड़े भीड़ तंङरी, दंङ दोतु टोईच़ी दया लहरी, छना कुचे ता दुरेह दुह त्रैंईतु ठ्रोह तोहई, अतु पोहाल अरीला माह तोहई; दंङ दुह दोतिंङ महस गप्पा कंड्री लेहकी तोहई।

मरकुसो 6:6

यीशुबि दोतु अबिश्वास खांई हेरानी शुहचे इलि, दुह थल यीशु देच़ि न्वेच़ि नगरंङ इलि दंङ परमेश्वरो रुठे खबर सुनाएची लेहती।

यहून्नो 10:40

दंङ यीशु यरदन बेंडी ऊ नुरेच़ि दुह ठहरि रिंङ अच्च़ा इलि अंऊर यूहन्ना बपतिस्मा रंड्रा तोहई, दंङ दोर्तिंङ ए बंङज़िरी।

यहून्नो 11:7

झुह्ट ध्याड़ो थल दोई एनोह चेला तिंङ कुंई, “कि जोईन हेनर यच़ाह यहुदिया प्रदेशो हखा योंही।”

यहून्नो 18:20

यीशु ज़ि दोबि जुबाब रेंई, “गेह भत्ते तंङ साते साफ-साफ कुहषी तातग; गेह यहुदी सभा घरबारंङ ए यहुदी मंदिरंङ अंऊर भत्ते यहुदी मीहरे ठ्रोहका शवातेर, हमेशा शिक्षा रंदेग दंङ ब्याके छले कुहषी माह।