मरकुसो 1:8 - लाहौली बाइबिल

⁸ गेह ता केतिंङ ती रंङ साते बपतिस्मा रंदेग, दंङ दुह केतिंङ पवित्र आत्मा रंङ बपतिस्मा रमतो।”

मरकुसो 1:8 Iomraidhean Croise

मत्ती 3:11

गेह केतिंङ ती ज़ि बपतिस्मा रंड्रातग अच़ि एनोह पापो दोरच़ी सेहम यहच़ातोर दंङ परमेश्वरो कछंङ अपातोर। गिऊ थल दुह अंजा शुह, अंऊ गिह्बी ला महस शक्तिशाली तोह, गेह दोऊ बूठ कुर्चिमी जोगे ला माह तोग। दंङ दुह केतिंङ पवित्र आत्मा रंङ बपतिस्मा रमतो।

मरकुसो 1:7

दंङ दुह कुट्री लेहती, “गिऊ थल दुह अंजा शुह, अंऊ गिह्बी ला मोह्ड़े तो, गेह दिऊ जोगे माह शूक कि कोंङा शुहचे दोऊ बुटो तस्मा युफोग,

मरकुसो 1:9

दुह ध्याड़ा रिंङ अपेहल युहना ज़ि बपतिस्मा रंड्राते, दंङ यीशु गलील प्रदेशो नासरत नगरो दोरच़ी अंज़े यरदन बेंड़ीऊ कछंङ इलि दंङ यूहन्ना ओ दोरच़ी बपतिस्मा लेहप्चिरी।

लूको 3:16

दंङ यूहन्नाज़ि दोतंङ जुबाब रन्दो, “गेह ता केतिंङ ती रंङ साते बपतिस्मा रंड्रातग, पर दुह अपिमी तो अंऊ गेह बे ला शक्तिमान तोह; गेह दिऊ जोगे ला माह शूगाह कि कोंङा शुहचे दोऊ बुटो तस्मा युफोग, दोई केतिंङ पवित्र आत्मा ए मेह रंङ साते बपतिस्मा रमतो।

यहून्नो 1:26

यूहन्ना ज़ि दोबि जुबाब रेंई गेह ता केतिंङ ती रंङ साते बपतिस्मा रंदेग पर केहतु विचंङ इच्च़ा मीह खड़े तोह अच़ि केहच़ी माह ञेंहनी।

यहून्नो 1:33

गेह ता दुह माह सेहचातग, पर अच़ि गिह्बी ती रंङ बपतिस्मा रंड्रीमी थल्जी च़रसी तोहई, दोई ए गेरंङ साते कुई, अतु टोईच़ी केई आत्माबि तक्सी दंङ नह्च़ी खमोंई, दुह ए पवित्र आत्मो बपतिस्मा रंड्रा शुह।

प्रेरित 1:5

छना कुचे यूहन्ना ज़ि ता केतिंङ ती रंङ साते बपतिस्मा रंदे पर थोड़े ध्याड़ो थल परमेश्वरे केतंङ साते बंङज़िमी थल्जी पवित्र आत्माबि च़रपोतो।”

प्रेरित 10:45

दंङ अंयों ला यहुदी बिशवासी रे पतरस रंङ साते याफा शहरो दोरच़ी अंज़े तोईरे, दोरे भत्ते दि खांई हेरान शुहचे इलिर कि परमेश्वरे महसे रंङ साते पवित्र आत्मा ऊईजाति बि ला रांई।

प्रेरित 2:17

‘परमेश्वरे कुट्रा अन्तो ध्याड़ारिंङ झांह शोतो, कि गेह घेंङौ आत्मा भत्ते मीहतङ रमोग दंङ केहतु योहरे ए मियोर भविष्यवाणी लोहर, दंङ केहतु छ़ोकरार दर्शन खमोर, दंङ केहतु सेंहणा च़ि मंहङ खमोर।’

प्रेरित 2:4

दंङ दोरे भत्ते पवित्र आत्मा रंङ साते पिंङषा इलिर, दंङ छना पवित्र आत्माज़ि दोतिंङ कुट्रिमी वरदान रेंई, दोऊ दोरच़ी दोरे ऊहई-ऊहई भाषा कुट्री लेहतिर।

1 कुरिन्थियों 12:13

छना कुचे हेंज़ी भत्ते ज़ि चाहे दू यहुदी शुह, चाहे ऊई जाति, या चाहे परगर शुह, चाहे आज़ाद, इच्च़ा ए आत्माओ दोरच़ी इच्च़ा फुक शुहबिमी थल्जी बपतिस्मा लेहपच़ातंई, दंङ हेंज़ी भत्ते ज़ि दू ए आत्मा खोकसी तातंई छना ठ्रोह हेंज़ी भत्ते ज़ि इच्च़ा कोलीऊ दोरच़ी तुंङमातंई।