मरकुसो 1:4 - लाहौली बाइबिल

⁴ दंङ दिह भविष्यवाणी बि पूरा लहचे इच्च़ा मीह अति अतु मिन यूहन्ना तोहई। दुह यरदन बेंड़ीऊ नुरेच़ि इच्च़ा सुनसान ठाहरीरिंङ अंज़े प्रचार लहच़ी लेहती कि, “एनोह-एनोह पापो दोरच़ी माफिऊ थल्जी मदम कहमो दोरच़ी सेहम किर्ज़ुंई दंङ बपतिस्मा लेहप्तुंई।”

मरकुसो 1:4 Iomraidhean Croise

मत्ती 3:11

गेह केतिंङ ती ज़ि बपतिस्मा रंड्रातग अच़ि एनोह पापो दोरच़ी सेहम यहच़ातोर दंङ परमेश्वरो कछंङ अपातोर। गिऊ थल दुह अंजा शुह, अंऊ गिह्बी ला महस शक्तिशाली तोह, गेह दोऊ बूठ कुर्चिमी जोगे ला माह तोग। दंङ दुह केतिंङ पवित्र आत्मा रंङ बपतिस्मा रमतो।

मत्ती 3:6

अपेहल दोच़ी एनोह पाप मनेके च़रति दंङ यूहन्नाज़ि दोतिंङ यरदन बेंडीरिंङ बपतिस्मा रेह च़रति।

मरकुसो 1:5

यहुदिया प्रदेशो, दंङ यरूशलेम शहरो महसे मीहरे यूहन्ना ओ प्रचार रेड्रिमी थल्जी अच़ा अतिरे, अपेहल दोच़ी एनोह पाप मनेके च़रति दंङ यूहन्नाज़ि दोतिंङ यरदन बेंडीरिंङ बपतिस्मा रेह च़रति।

लूको 1:77

कि दुह एनोह मीहतु पापो माफ लहज़िमीरंङ साते दोतिंङ उद्धारो पाहठी ज्ञान रमोतो।

यहून्नो 3:23

दंङ यूहन्ना ला सामरिया शहरा रिंङ शालेम इलाकाओ कछंङ एनोन नगरंङ बपतिस्मा रंड्रा तोहई, छना कुचे दोर्तिंङ महस ती तोहई, दंङ मीहरेर अंज़े बपतिस्मा लेहप्च़ातेर।

प्रेरित 10:37

केतिंङ दुह भत्ते कमो पाहठी पता तोह, अंऊ यहुदिया प्रदेशो महस ठहरि शुह्ते, अंऊ गलील प्रदेशंङ च़ि शुरू शुचि यूहन्ना ओ बपतिस्‍मा ए प्रचारो लहज़िमी थल कि मीहतिंङ पापो दोरच़ी सेहम किरच़ी ए बपतिस्मा लेहपच़ी ज़रूरी तोह।

प्रेरित 22:16

हेंतेग छिल्ले झाड़ा लहज़ातन? अहच़ु, बपतिस्मा लेहप्तु, दंङ दोऊ मिन लेहपच़ा केनोह पापो माफी ओ थल्जी, माफी पेट्रु।