मरकुसो 1:21 - लाहौली बाइबिल

²¹ दोऊ थल यीशु ए दोऊ चेलारे कफरनहूम नगरंङ अन्देर, दंङ दुह ऊई अरामो ध्याड़ारिंङ दुह यहुदी सभा घरबारंङ इलजे धर्मिक शिक्षा रंड्री लेहकी।

मरकुसो 1:21 Iomraidhean Croise

मत्ती 4:13

दंङ नासरत नगर केट्रा कफरनहूम नगरंङ बंङज़ी लेहती, अंऊ गलील झीलो मुखंङ तोहई, अंऊर जबूलून ए नप्तलिउ खानदान बंङज़ी तोईरे।

मत्ती 4:23

यीशु भत्ते गलील प्रदेशो इलज़ा दोतु यहुदी सभा घरबारंङ शिक्षा रंड्रा, परमेश्वर ओ राज्यो पाहठी रूठे खबर प्रचार लेह, दंङ मीहतु भत्ते पाहठी बीमारी ए कमज़ोरी ठीक लोहवा लहरी।

मरकुसो 1:20

छना ए यीशुज़ि दोतंङ साते कुतोह, “गिऊ थले अतंई दंङ गिऊ चेला बणेक्तुंई” दंङ दुरेह दोहपल ए एनोह बाहबि मज़दूरा रंङ साते दोर्तिंङ ए किशतीरिंङ केट्रा, दोऊ चेला बणेक्पिमी थल्जी दोऊ थले जोज़ि लेहतिरे।

मरकुसो 1:29

यीशु दोथल यहुदी सभा घरबारंङ ज़ि हुंच़ा, याकूब ओ यूहन्ना रंङ साते शमौन ओ अन्द्रियासो चुंखा इलि।

मरकुसो 1:33

कफरनहूम नगरो महसे मोह्ड़े भीड़ दुरेह चुंङो तुईज़ी ठ्रोहका शुहतेर।

मरकुसो 1:39

दंङ यीशु ए दोऊ चेलारे गलील प्रदेशो महस ठाहरीरिंङ, यहुदी सभा घरबारंङ इलजे-इलजे धर्मिक उपदेश (धर्मिक शिक्षा) रंड्री लेहती, दंङ मांजी आत्मारे हुच़ि लेहतिरे।

मरकुसो 10:1

दंङ यीशु कफरनहूम नगरंङ केहट्रा यहुदा देशो शुहचे यरदन बेंड़ीऊ नुरेच़ि अति। भीड़ यहचा दोऊ कछंङ ठ्रोहका शुहचे इलि, दंङ दुह एनोह रीति रंङ साते यहचा दोतिंङ उपदेश रंड्री लेहती।

मरकुसो 2:1

थोड़े ध्याड़ो थल यीशु यह्च़ा कफरनहूम नगरंङ वापिस अति, दंङ दोरकी मीहतिंङ पता लेहती कि यीशु इच्च़ा चुंङरिंङ तोह।

मरकुसो 3:1

इच्च़ा अई अरामो ध्याड़ारिंङ यीशु यहुदी सभा घरबारंङ इलि। दोहर इच्च़ा मीह तोहई, अतु गुहड़ बीमारीरंङ करची तोहई।

मरकुसो 6:2

अरामो ध्याड़ारिंङ यीशु यहुदी सभा घरबारंङ परमेश्वरो उपदेश रंड्री लेहकी तोहई, दोऊ उपदेश रेड्रा महस मीहरे हेरान शुहचे इलिरे। दंङ दोरे कुट्री लेहतिरे, “दि मीह दि गप्पारे अंऊच़ि सिखेसि शोतो? दंङ झांह ठ्रोह सामर्थो कम लहज़िमी बुद्धि दिबी अच़ि रांहषी शोतो?

लूको 10:15

हे कफरनहूम शहरो मीहरे, छि केरे स्वर्ग तचेक रंगी शोना? कांह ताह अधलोक तचेक योंखा योन।”

लूको 13:10

अरामो ध्याड़ारिंङ यीशु इच्च़ा यहुदी सभा घरबारारिंङ शिक्षा रंड्री लेहकी तोहई।

लूको 4:16

दंङ यीशु नासरत नगरंङ वापिस अति, अंऊर दोऊ भाषे-पोषण शुहते; दंङ एनोह रीतीऊ हिसाबे अरामो ध्याड़ारिंङ यहुदी सभा घरबारंङ इलजे पवित्र शास्त्रा रिंङ पढ़ेक्पिमी थल्जी खड़े शुई,

लूको 4:23

दोई दोतंङ साते कुतोह, “केहच़ी गिऊ टोईच़ी दीह कहावत ज़रुर कोहनी, कि हे लर्जे, केनाबि ठीक लोहू! छिला ञेंहच़ी रेड्री तातंई कि कफरनहूम नगरंङ केई लहसी ततन, दुह देर्तिंङ कनु इलाकारिंङ ला लोहू।”

प्रेरित 17:2

दंङ पोलुस एनोह हिसाबे दोतु कछंङ इलि, दंङ षुमु आरामो ध्याड़ारिंङ पवित्रशास्त्रो दोरच़ी दोतंङ साते बहस लहज़ी लेहतिर;

प्रेरित 18:4

दंङ पोलुस हर इच्च़ा अरामो ध्याड़ारिंङ यहुदी सभो घरबारंङ सवाल-जबाब लहज़ा यहुदी मीहतिंङ ए ऊईजाति मीहतिंङ ला यीशु टोईच़ी विशवास लहज़िमी समझाएक्चाते।