लूको 9:51 - लाहौली बाइबिल

⁵¹ अपेहल यीशु स्वर्गंङ इबिमी ध्याड़ा पिचे इलि, दोई यरूशलेम शहरो हखा इबिमी पक्‍का बिचार लहरी।

लूको 9:51 Iomraidhean Croise

मरकुसो 16:19

प्रभु यीशुज़ि एनोह चेला तु हखा दि गप्पारे कुट्रिमी थल, दंङ परमेश्वरे प्रभु यीशुबि सर्गो हखा रेंज़ा शीलिरे। दंङ दुरेह इलजे दुह परमेश्वरो सुचंङ हासी इज्ज़त रंङ बंङज़ा इलि।

लूको 12:50

गिह्बी ता युरनाह ए खरे टेहषी सहन लहच़िमी तातग; दंङ अपेहल तचेक गेह दुह टेहषी माह लहज़ातग धोंण तचेक गेह बेचेन तोतोग!

लूको 13:22

यीशु एनोह चेला तंङ साते इलाका-इलाकंङ ए नगर-नगरंङ च़ि शुहचे शिक्षा रंड्रा यरूशलेम शहरो हखा इबि लेहकी तोहई,

लूको 17:11

यीशु एनोह चेला तंङ साते यरूशलेम शहरो हखा इबि अच़ा इलि, दोहपल दोरे सामरिया ए गलील इलाको दोरच़ी इबि लेहतिर।

लूको 18:31

दंङ यीशुज़ि सनी चेलारे शता शिल्ज़े दोतंङ कुहतो, “खांई हेनारे यरूशलेम शहरो हखा य्वातंई, दंङ अंयों लाह गप्पारे भविष्यवक्ताज़ि गेह मीहू योहऊ थल्जी कुहषी ततोर दोरे भत्ते पूरे शोर।

लूको 19:11

अपेहल मीहरेर दिह गप्पारे रेड्री लेहकी तोईरे दंङ दोई इच्च़ा कथा कुंई, दिऊ थल्जी कि दुह यरूशलेम शहरो कछंङ तोहई, दंङ मीहरेर चेहच़ातेर कि परमेश्वरो राज हेंतेग प्रगट शुहचे योतो।

लूको 19:28

दिह गप्पारे कुचे यीशु यरूशलेम शहरो हखा एनोह चेला तु तुईज़ी ज़ोई लेहती।

लूको 24:51

दंङ दोतिंङ आशीष रेंऐ यीशु दोतंङ शत्‌ह शुहचे इलि दंङ स्वर्गो हखा रेंज़ा शीलिरे।

लूको 9:57

अपेहल यीशु ए दोऊ चेलारे अमरिंङ जोई लेहकी तोईरे, दोपहल अच़िया यीशुरंङ साते कुतोह, “कांह अंऊर ला योंहन, गेह कांह थले अपोग।”

यहून्नो 13:1

फसह त्यार बे तुहई, अपेहल यीशु ज़ि ञेंह केहरी, कि गिऊ टेम पिचे अंजा कि दि संसार केट्रा पिता परमेश्वरो कछंङ वापिस अच़ा योग, दंङ एनोह चेला तंङ साते अंऊ संसारारंङ तोईरे, छना ठ्रोह दाह दोई तहच़ते, हमेशा ध्वांए ठ्रोह दाह लहज़ाते,

यहून्नो 16:28

गेह पिता परमेश्वरो दोरच़ी संसारा रिंङ अंज़े शुगाह, यच़ाह संसार केट्रा पिता परमेश्वरो कछंङ वापिस अच़ा योग।”

यहून्नो 16:5

धह गेह घेंङौ च़रच़ा दोऊ कछंङ य्वातग; दंङ केहतु बिचंङ च़ि अरीला गिह्बी माह रुहक्च़ा, “कि गेह अंऊखा य्वातग?”

यहून्नो 17:11

दा गेह संसारा रिंङ माह बंङज़ोग, गेह कांह कछंङ अपातग। पर गिऊ चेलारे अईता ला संसारा रिंङ तोतोर; हे पवित्र पिता परमेश्वरा, केनोह सामर्थो दोरच़ी केई दोतिंङ सोठेके तौऊ, अंऊ दोरे केई गिह्बी रांहषी तातन कि दोरे इच्च़ा शुबी जूंस छना ञेंहरे तोतोन।

यहून्नो 6:62

केहरे दोहपल छि लोहनी अपेहल केहच़ी गेह मीहू योह बि स्वर्गंङ इपि तंङमोन, अंऊर गेह तुई तोईग?

प्रेरित 1:2

दिबे तुहई कि यीशु स्वर्गो हखा मेहली। परमेश्वरो दोरच़ी स्वर्गो हखा शिल्ज़िमी बे तुहई यीशु ज़ि दोरे अंङषी प्रेरिता तिंङ पवित्र आत्माओ मदत रंङ साते दोतिंङ हुकुम रेंई।

प्रेरित 1:9

यीशु दि गप्पा कुट्रीमी थल परमेश्वरे दोबि चेला तु तुइज़ी स्वर्गंङ रेंज़ा शिलिरे, दंङ दोरे दोबि तुंखा खंड्री मरतिर छना कुचे दुह इच्च़ा डुह बिचंङ अच़ा इलि।

इफिसियों 1:20

अच़ि मसीह बि सिऊ दोतु बिचंङ ज़ि श्रींङमी लहरी दंङ दोबि स्वर्गंङ परमेश्वरो सुचंङ हासी आदरो ठाहरीरिंङ बंङज़ी लहरी।

फिलिपियों 3:14

दंङ मसीह यीशु रिंङ परमेश्वरो स्वर्गीय बुलाहट ओ ईनाम खोक्च़िमी थल्जी गेह घेंङौ निशानो ह्खा तुंखा शुहबी लेहकी तोतोग।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

इब्रानियों 12:2

हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

इब्रानियों 6:20

यीशु हेंदु बे तुंखा ए दंङ हेंदु थल्जी स्वर्गंङ इलि। दू पुरोहित मलिकिसिद्को ठ्रोह हमेशा ओ थल्जी यहुदी महापुरोहित बणेंके इलि।

1 पतरस 3:22

दंङ दुह स्वर्गो हखा अच़ा इलज़ा। हेंतेग दू दोर्तिंङ परमेश्वरो सुचंङ हासी भत्ते बे खास ठहरि बंङज़ा तोह, दंङ दू भत्ते स्वर्गदूत ए भत्ते अधिकारी दंङ शाक्ति तु टोईच़ी राज लहज़ा।