लूको 9:5 - लाहौली बाइबिल

⁵ अंऊ नगरो मीहरे केहतु गप्पा माह रेड्रोर, दंङ दोरच़ी हुंच़िमी मुका केहच़ी केनातु चप्पलो धुह्‌ड़ ला ठुड़ेके कि च़रतुंई झांह खंड्रा दुह नगरो मीहच़ी ञेंओर कि परमेश्वरे दोतिंङ ज़रुर सज़ा रमतो। छना कुचे दोच़ी परमेश्वरो उपदेश माह रेड्रिर।”

लूको 9:5 Iomraidhean Croise

मत्ती 10:18

गिऊ बज़हज़ि मोह्ड़े-मोह्ड़े रज्ज़ा, हाकिमज़ि केहतु पुछताछ लोहर। केहच़ी ऊईजाति तु तुईज़ी गिऊ पाहठी गवाही रमोनी।

मरकुसो 6:11

अंऊ नगरो मीहरे केहतु गप्पा माह रेड्रोर ए केहतु इज्ज़त माह लोहर, दंङ दोरच़ी हुंच़िमी मुका केहच़ी केनातु चप्पलो धुह्‌ड़ ला ठुड़ेके कि च़रतुंई झांह खंड्रा दुह नगरो मीहच़ी ञेंओर कि परमेश्वरे दोतिंङ ज़रुर सज़ा रमतो। छना कुचे दोच़ी परमेश्वरो उपदेश माह रेड्रिर।”

मरकुसो 9:37

अगर अच़िया गिऊ चेला शुहबिमी बज़ाहज़ि अरीया कटु अपनाच़ा, “दंङ दोई गेह अपनाच़ा दंङ अच़िला गेह अपनाच़ा दोई परमेश्वरा बि अपनाच़ा।”

लूको 10:16

“दंङ यीशुज़ि एनोह सनी चेला तिंङ कुहतो, अंऊ ला केहतु रेड्रा, दोई गिऊ रेड्रा; दंङ अच़िला केहतु शिक्षा माह रेड्रोर दोरे गिह्बी माह चेहच़ातोर, दंङ अच़िला गिऊ गप्पा माह मनेक्च़ातेर दोरे दोबि ला माह मनेक्च़ातेर अंऊ दोई गिह्बी च़रतो।”

लूको 5:14

दंङ यीशुज़ि दोबि खबरदार लहरी, “दि गप्पा अतंङ साते ला थाकुड़ु, कि गेह कनिंङ ठीक लेह चरच़ातग, पर इलजे दीह गप्पा केनोह यहुदी पुरोहिता बि कंड्रु, कि कांह ठीक शुहचे इलजी तोतोन। दंङ परमेश्वरो थल्जी दुह भेंट चढ़ाएतु कि अतु पाहठी मूसाज़ि तुईबे च़ेहसी तोहई, कि कनिंङ रिवाज़ो हिसाबे शुद्ध घोषित लोहर। दंङ भत्ते मीहतिंङ पता लेहके योतो कि काह शुद्ध शुहचे इलोन।”

लूको 9:4

अंऊ ला घरबारंङ केहरे योंई, दोहर ए बंङज़ुंई, दंङ दोरच़ी ए बिदा शुई।

लूको 9:48

दंङ दोतंङ साते कुंई, “अगर अच़िया गिऊ चेला शुहबिमी बज़ाहज़ि अरीया कटु अपनाच़ा, दंङ दोई गेह अपनाच़ा, दंङ अच़िला गेह अपनाच़ा दोई परमेश्वरा बि अपनाच़ा, छना कू सा ता अंऊ केहतु बिचंङ ज़ि भत्ते बे कवचि तो, दुह ए मोह्ड़े शुह।”

प्रेरित 13:51

दोथर पोलुस ए बरनबास दोतु तुईज़ी एनोह कोन्ज़ो धुह्‌ड़ ठुड़केगी, दोतिंङ दिह कंड्रिमी थल्जी कि परमेश्वर दोतिंङ ग्रहण माह लहतो दंङ दोतिंङ सज़ा रमतो, दंङ दोरे इकुनियुम शहरंङ अच़ा इलिर।

प्रेरित 18:6

पर अपेहल यहुदी मीहरे पोलुसो खिलाप बुराई लहज़ी लेहती; दुह मुका दोई एनोह खमज़े साफ लेह दोतंङ साते कुई, “परमेश्वरो बचन अस्वीकार लेह वहज़ा ज़ि केरे ए दुह सज़ा ओ ज़िमेवार शुई, अंऊ केतिंङ परमेश्वरो दोरच़ी खोकसोतो! गेह निर्दोष शुगाह। हेंतेग बेहच़ी गेह ऊईजाति तु कछंङ इलजे परमेश्वरो बचनो प्रचार लोहग।”