लूको 9:41 - लाहौली बाइबिल

⁴¹ यीशुज़ि जवाब रें, “हे अबिश्वासी ए हठीले मीहरे गेह अपेहल तचेक केतंङ साते बंङज़ोग दंङ अपेहल तचेक गेह केहतु अबिश्वासबि सेहन लोहग? कांह योह बि गिऊ कछंङ हता।”

लूको 9:41 Iomraidhean Croise

मत्ती 11:28

ए भत्ते खरे कम लहज़ाए बोझे दबेकि (कुरची) मीहरे, गिऊ कछंङ अतंई; गेह केतिंङ नह्च़ी (आराम) रमोग।

मत्ती 12:39

यीशुज़ि दोतिंङ जुबाब रेंहई, “दिह पीढ़ीऊ मांजी ए कुकम लहज़ा मीहरे निशानी पेट्रातोर, पर दोतिंङ योना भविष्यवक्तारंङ साते छि शुते दुह चमत्कारो अलावा ऊहई छल्ले चिन्ह मखोकसोतो।

मत्ती 12:45

दंङ दुह मांजी आत्मा इलजे एनाबे ला मांजी निह्ज मांजी आत्मारे एनारंङ साते रेंज़ा हपा, दंङ दुह मीहू अंद्रेग इलजे दोहर बंङज़ा, दंङ दुह मीहू हालात तुहई बे लाह महस खराब शुहचे इबि। दिह पीढ़ीऊ मांजी मीहतु हालात ला ध्यांए शोतो।”

मत्ती 16:4

दीह जुगो मांजी मीहरे ए कुकम लहज़ा मीहरे स्वर्गो निशानी पेट्रातोर पर योना ओ निशानी छोड़ेके दोतिंङ ऊहई छल्ले निशानी माह खोकसोतो।” दंङ दोहथल यीशुज़ि दोतिंङ छोड़ेके अच्च़ा इलि।

मत्ती 17:17

यीशुज़ि जवाब रेंई, “हे अबिश्वासी ए ज़िद्दि मीहरे गेह अपेहल तचेक केतंङ साते बंङज़ोग दंङ अपेहल तचेक गेह केहतु अबिश्वासबि सेहन लोहग? दुह योह बि गिऊ कछंङ हतांई।”

मत्ती 23:36

गेह केतंङ हेले कुट्रातग दिह भत्ते हत्याओ सज़ा दिह पीढ़ीऊ मीहतिंङ अपतो।

मत्ती 3:7

अपेहल यूहन्नाज़ि महस फरीसी ए सदूकी मीहतिंङ बपतिस्मा लेहप्च़िमी थल्जी एनोह कछंङ अपि तंङातो, दंङ दोई कुहतो, “हे विष ज़डे ओमड्रातु ठ्रोह मांजी मीहरे, केतिंङ अच़ि कंजाते कि परमेश्वरो अंजा रोह्षज़ि पोहकतुंई?

मरकुसो 10:14

यीशुज़ि दी खांई रोषेक्सा दोतंङ साते कुतोह, “कटु बि गिऊ कछंङ अपि रंऊँ दोतिंङ मना थालोहू, छना कुचे ता परमेश्वरो राज्य दी कटुतु ठ्रोह भरोसेमंद मीहतु शुह।

मरकुसो 10:49

दंङ यीशु ज़ि नहचे कुतोह, “दुह काणे दोबि देर हतांई।” दंङ मीहज़ी दुह काणे दोबि बुलाके दोहरंङ साते कुतोह, “हिम्मत लोहु। अहच़ु। यीशुज़ि कनिङ अता कुट्री लेहकी तोह।”

मरकुसो 9:19

दी रेड्रा यीशुज़ि जवाब रें, “गेह छि लोहग! केहति गिऊ टोहकठे अईता विशवास ए माह? गेह अपेहल तचेक केतंङ साते बंङज़ोग दंङ अपेहल तचेक गेह केहतु अबिश्वास बि सेहन लोहग? दुह योह बि गिऊ कछंङ हतांई।”

लूको 8:25

दंङ यीशुज़ि दोतंङ साते कुतोह, “केहतु विशवास अंऊर तोहई?” पर दोरे बेवा इलिर दंङ हेरान शुहचे एनातु बिचंङ कुट्री लेहतिर, “दी अरी शुह अच़ि भमबुट ए छ्वली बि ला हुकुम रंड्रा, दंङ दोरे दोऊ मनेक्च़ातोर?”

लूको 9:40

गेह कांह चेला तंङ साते बिनती लहरी कि गिऊ योहू दोरच़ी दिह मांजी आत्माबि हुंच़े च़रतेन, पर दोच़ी झांह लेह मरतिर।”

लूको 9:42

दुह अपि लेहकी तोहई कि मांजी आत्माज़ि दुह चुमेह दुह पिरोडेक्ति, पर यीशुज़ि दुह मांजी आत्मा रैहति दंङ कटु बि ठीक लहजे दोऊ बाहो हखा रें च़रति।

यहून्नो 14:9

यीशु ज़ि दोऊ हखा कुंई, “हे फिलिप्पुस, गेह धोंण ध्याड़ा बे करंङ साते तोतोग, दंङ छि केई गेह माह ञेंहना? अच़िला गेह तंङसी शुह दोई पिता परमेश्वर ला तंङसी शुह: केई छिले कुट्रातन पिता परमेश्वर बि ञेंतिंङ कंड्रु?

यहून्नो 20:27

दंङ यीशु ज़ि थोमा रंङ साते कुतोह, “कनु ब्रेमज़ा रंङ गिऊ गुहड़रिंङ पछ रें खंणु, दंङ केनोह गुहड़ा बि गिऊ रिस्पा ओ ज़ख्मो अंद्रेग केह्चे खंणु। दंङ शक लेह ब्याड़ा लोहू, पर विशवास लोहू कि गेह श्रींङे तोतोग।”

प्रेरित 13:18

दंङ दोई निह्ज साल तचेक सुनसान ठहरि रिंङ दोतु मदम व्यवहार सहन लहरी।

प्रेरित 2:40

पतरसे ऊई ला महसे गप्पा तंङ साते घड़ी-घड़ी खबरदार लहरी, “परमेश्वरा रंङ साते विनती लंहि ताकि दोई केतिंङ बचाएपोतो दंङ सज़ा रंड्री माह जूंस अपेहल दुह दि मांजी मीहतिंङ सज़ा रमतो अंऊ दोच़ी यीशु बि ठुकराएतिर!”

रोमियो 2:4

छि कांह परमेश्वरो भलाई ए सहनशीलता, दंङ सब्ररूपी धन बि बेकार ञेंच़ातन? दंङ केई दि माह समझेक्च़ातन कि परमेश्वरो भलाई कनिंङ पश्चाताप काराच़ि सिखाएच़ा?

इब्रानियों 3:19

झांह लेह ञेंहच़ी खंड्रातंई कि दोरे एनोह अविश्वासो लहच़ी अपि मरतिरे।

इब्रानियों 4:11

झांह लेह हेनर दू नहच़िमी ठहरि इबिमी थल्जी महस मेहनत लोहनि, अंऊ ला मीहबी दू मीहतु उदाहरणो नकल लहज़ी माह जूंस अंऊ दोच़ी परमेश्वरो भाषे लहज़िमी रंङ साते इन्कार लेह च़रति। दोहपल हेनर दू नहच़िमी ठाहरीरिंङ इबि तरपोंई।

इब्रानियों 4:2

छना कुचे हेंज़ी यीशु मसीहू पाहठी रूठे खबर थाह्सी तातंई। पर दोच़ी दिऊ टोहकठे विशवास माह लहरिर। झांह लेह, दू खबर दोतु थल्जी शुहके तोहई।

इब्रानियों 7:25

दिऊ थल्जी अंऊ यीशु मसीहू दोरच़ी परमेश्वरो कछंङ अपातोर, दू दोतु पूरा-पूरा उद्धार लेह तरपोतो, छना कुचे दू दोतु थल्जी बिनती लहज़िमी हमेशा श्रींङे तोह।