लूको 9:11 - लाहौली बाइबिल

¹¹ दीह ञेंए मीहरे दोऊ थले शुहचे इलिर, दंङ यीशु दोतिंङ अपि रांई, दंङ दोतंङ साते परमेश्वरो राज्यों गप्पा लहज़ी लेहती, दंङ अंऊ दोरे ठीक शुहबिमी थल्जी दोहर अन्जी तोईरे दोरे ला ठीक शुहचे इलिर।

लूको 9:11 Iomraidhean Croise

मत्ती 12:15

पर दिह ञेंहच़ा यीशु दोरच़ी अहच़ा इलि। महस मोडे भीड़ यीशु थले अतिरे दंङ दोई दोरे भत्ते ठीक लहरी।

मत्ती 14:14

दोई हुंज़ा इच्च़ा मोह्ड़े भीड़ तंङरी, दंङ दोतु टोईच़ी दया लहरी; दंङ; दोई दोतु नत्पारे ठीक लहरी।

मत्ती 21:31

दिकुतु बिचंङ अच़ि बाहऊ हिटी पुरे लहज़ा?” दोच़ी कुह्तोर “तुहई दोई।” यीशुज़ि दोतिंङ कुहतो, गेह केतंङ हेले कुट्रातग कि चुंगी लेहपच़ा रे ए कुकम लहज़ा केरेबे तुहई परमेश्वरो राज्यरिंङ प्रवेश लोहर।

मत्ती 21:43

दिऊ थल्जी गेह केतंङ कुट्रातग कि परमेश्वरो राज्य केहतु दोरच़ी लेहपशे झांह ठ्रोह ऊईजाति तिंङ रमोतो अच़ि रुठे परिणाम हपोतो।

लूको 1:53

दोई योंई मीहतिंङ रुठे चीज़ङ साते कापि लहरी, दंङ साहुकारातिंङ सल्ज़ी गुट्री हुंच़े च़रति।

लूको 5:31

यीशु ज़ि दोतिंङ जुबाब रेंई, “ठीक मीह बि लर्जे ओ ज़रूरत मशुहबी, टेची मीहबी शुहबी।

लूको 8:1

दिऊ थल यीशु इलाका-इलाका ए नगर-नगरंङ प्रचार लेह दंङ परमेश्वरो राज्यो रूठे खबर सुनाएची लेहती देखा नोखा इबी लेहकी तोहई दंङ दोरे सनी चेलारे दोरंङ साते तोईरे,

लूको 8:10

दोई कुतोह, “केतिंङ ता परमेश्वरो राज्यों राज ओ पाहठी समझ रांहषी तोह, दंङ ऊईतिंङ कथारिंङ ए कुट्रिमी तो दिऊ थल्जी कि: दोच़ी-दोच़ी खांई ते ला माहखांइरे, दंङ दोतिंङ शुङसी मादी रेड्रा ला रेहड्रोंई ता ला माह समझेक्ती।”

लूको 9:10

दंङ दोरे सनी चेलारे यह्च़ा अंज़े छिला दोच़ी लाहतेर, यीशुबि कंज़े कहरी, दंङ यीशु दोतिंङ मीहतु दोरच़ी शत्‌ह लेह बैतसैदा नगरो हखा लेन्ज़ा इलि।

लूको 9:12

अपेहल ञोंकोल शुहचे लेहती ता सनी चेलाज़ि दोऊ कछंङ अंज़े कुड़ी, “भीड़ो मीहतिंङ बिदा लोहू कि पिला हासी नगरंङ इलजे दोर तिंङ बंङज़िमी ए ज़ेइमी थल्जी रोटीऊ इंतज़ाम लोहनी, छना कुचे ञेंहरे देर्तिंङ सुनसान ठाहरीरिंङ तोतोंई।”

लूको 9:2

दंङ दोतिंङ परमेश्वरो राज्यों रुठे खबर ए बीमारीतिंङ ठीक लहज़िमी थल्जी च़रति।

यहून्नो 4:34

यीशु ज़ि दोतंङ साते कुंई, गिऊ बगत दुह परमेश्वरो हिटी ओ भाषे लहज़ी शुह अच़ि गेह च़रसी शुह, दंङ दुह कम पुरा लहज़िमी तोह अंऊ दोई गिह्बी रांहषी ततो।

यहून्नो 6:37

अंऊ धिर ला पिता परमेश्वरे गिह्बी रंड्रा दुह भत्ते धिर गिऊ कछंङ अपतो, दंङ अंऊला गिऊ कछंङ अपतो दोबि गेह अपेहल ला माह हुंपोग।

प्रेरित 28:31

दंङ अंऊ दोऊ कछंङ अपातेर, दोतंङ भत्ते तंङ साते दोहा लहरी दंङ छा बेह्द ए छा रोक टोक मेह परमेश्वरो राजो पाहठी प्रचार लहज़ी लेहती दंङ प्रभु यीशु मसीहू गप्पा सिखाच़ा लहरी।

रोमियो 10:14

पर दिऊ तुहई कि मीहरे परमेश्वरो दोरच़ी मदत पेट्रोर, दोतिंङ मसीहू टोहकठे विशवास लहज़ी जूंस; दंङ दिऊ तुहई कि दोरे दोऊ टोईच़ी विशवास लेह तरपोर, दोतिंङ दोऊ पाहठी रेड्री जूंस; दंङ मीहतिंङ प्रभु पाहठी रेड्रीमी थल्जी, अतिंङ अई दोतिंङ कंड्री जूंस।

रोमियो 10:17

झांह लेह विशवास दू मुक्का अपा अपेहल केरे खबर रेड्रातंई, दंङ दि खबर मसीहू पाहठी बचन तोह।”

रोमियो 15:3

छना कुचे मसीह एनाबि खुश माह लहरी, पर छना पवित्रशास्त्रारिंङ च़ेहसी तोह, “कनु निंदा लहज़ा ज़ि गिऊ निंदा लाहतोर।”

2 तीमुथियुस 4:2

कि काह परमेश्वरो बचन प्रचार लहज़िमी थल्जी हमेशा तेयार बंङज़ु, मीहच़ी चाहे दि रेड्रोर या माह रेड्रोर। कनिंङ दोतिंङ दि कंड्री ज़रूरी तोह कि दोच़ी छि गलती लहतोर दंङ कांह दोतु पापो थल्जी दोतिंङ रैहचु। पर कनिंङ मीहतिंङ हिम्मत रंड्री जूंशी तोह दंङ कनिंङ धीरज़ा रंङ साते दोतिंङ शिक्षा रंड्री जुंशी तोह।

इब्रानियों 4:16

झांह लेह अतंई, हेनर मोह्ड़े याहबारंङ साते परमेश्वरो कछंङ अपोंई, अंऊ मोह्ड़े दाह रंङ साते पिंङषा तोह, दोहपल परमेश्वर हेंदिंङ दया ए मोह्ड़े दाह कंबोतो, दंङ अपेहल हेंदिंङ ज़रूरत शोतो दोहपल हेंदु मदत लोहतो।