लूको 9:1 - लाहौली बाइबिल

¹ दंङ यीशुज़ि एनोह अंङषी सनी चेलारे एनोह कछंङ बुलाएती दंङ दोतिंङ मांजी आत्मा ए बीमारी ठीक लहच़िमी सामर्थ ए अधिकार रेंई।

लूको 9:1 Iomraidhean Croise

मत्ती 16:19

गेह कनिंङ स्वर्गो राज्यो केईटी रमोग; दंङ केई छिल्ला धरतीरिंङ छुपोन दुह सर्गंङ छुहसोतो; दंङ केई छिल्ला धरतीरिंङ युह्प्पोंन, सर्गंङ युह्प्सोतो।”

मत्ती 4:24

दंङ भत्ते सीरिया प्रदेशंङ अंऊ गलीलो उत्तर दिशाऊ हखा तोहई दोऊ जश फेलेके इलि; दंङ मीहच़ी भत्ते नत्पातिंङ अरी शताह-शताह तरीको बीमारी ए दुखंङ तोईरे ए, अतु अंद्रेग मांजी आत्मारे तोईरे, दंङ मिर्गीऊ घ्राहकातिंङ ए अधरंगो नत्पातिंङ, दोऊ कछंङ हतिरे दंङ दोई दोरे ठीक लहरी।

मत्ती 8:9

छना कुचे गेह ला अधिकारीऊ अधीन तोतग, दंङ अपेहल गेह इदि बि कुट्रातग कि इला ता दुह अच़ा य्वा; दंङ अईदीबी कुट्रातग अता ता दुह अच़ा अपा, दंङ अपेहल घेंङौ परगराबि कोहग कि झांह लोहू, ता दोई दुह लेहई।”

लूको 10:1

दीह गप्पो थल प्रभु यीशुज़ि षुमु निहज़ो सा ऊई चेलार नियुक्त लहरी दंङ अंऊ इलाकंङ ए ठाहरीरिंङ यीशुज़ि ऐनाह इबिमी थल्जी बिचार लहते, दोर तिंङ ऐनाह बे तुई झुह्ट-झुह्ट चेलारे च़रतिर।

लूको 10:19

खंणु, गेह केतिंङ ओमड्रा ए बिच्छु तिंङ ए शेतानो भत्ते सामर्थो टोहकठे अधिकार रांहषी तातग; दंङ अंऊ ला चीज़ा रंङ साते केतिंङ नुकसान माह शोतो।

यहून्नो 14:12

गेह केतंङ साते हेले कुट्रातग, कि अच़ि गिऊ टोहकठे विशवास तहच़ा, दिह कम अंऊ गेह लहज़ातग दोई ला लोहतो, पर दिहबे मोह्ड़े-मोह्ड़े कम लोहतो, छना कुचे धह गेह घेंङौ पिता परमेश्वरो कछंङ य्वातग।

प्रेरित 1:8

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 3:16

मसीहू मिंदंङ बिशवास लहज़िमी दोरच़ी दिह मीह बि अतिंङ केहच़ी खंड्रातंई ए ञेंहच़ातंई ताकत रांहषी ततो। दिह मीह यीशु ऊ मिंदंङ ए यीशु ऊ टोहकठे बिशवास लहज़िमी रंङ साते बिल्कुल अईन शुहचे इलि।

प्रेरित 4:30

आईन लहज़िमी थल्जी केनोह गुहड़ तुंखा लौऊ कि चमत्कार ए हेरानी ऊ कम कांह पवित्र सेवक यीशु ऊ मिंदंङ लेह जूंस।”

प्रेरित 9:34

पतरस ए दोरंङ साते कुई, “हे एनियास! यीशु मसीह कनिंङ ठीक लहज़ा। खड़े शुह केनोह विस्तर उठातु।” दंङ दुह दोहथरे खड़े शुहचे इलि।