लूको 8:10 - लाहौली बाइबिल

¹⁰ दोई कुतोह, “केतिंङ ता परमेश्वरो राज्यों राज ओ पाहठी समझ रांहषी तोह, दंङ ऊईतिंङ कथारिंङ ए कुट्रिमी तो दिऊ थल्जी कि: दोच़ी-दोच़ी खांई ते ला माहखांइरे, दंङ दोतिंङ शुङसी मादी रेड्रा ला रेहड्रोंई ता ला माह समझेक्ती।”

लूको 8:10 Iomraidhean Croise

मत्ती 11:25

दोहथर यीशुज़ि कुहतो, “हे बाह स्वर्ग ए धरतीऊ प्रभु गेह कांह धन्यवाद लहज़ातग कि केई दिह गप्पारे ञेंच़ाहरे ए समझकार मीहतु दोरच़ी प्याके त्याहतेन दंङ अंऊ मीहरे कटुतु ठ्रोह सीधे तोतोर दोतु टोईच़ी प्रगट लहतन।

मत्ती 16:17

यीशुज़ि दोबि जुबाब रेंई, “हे शमौन योना ओ योह कांह धन्य शुनाह; छना कुचे अरीया मीह मशत पर गिऊ पिता परमेश्वरे अरी स्वर्गंङ तोह दिह गप्पा कनिंङ टोहकठे प्रगट लह्तो।

मरकुसो 4:11

दंङ यीशुज़ि दोतंङ साते कुतोह, “केतिंङ ता परमेश्वरो राज्यों राज ओ पाहठी समझ रांहषी तोह, पर दोतु थल्जी अरी गिऊ टोहकठे विशवास माह लहज़ा दोतु थल्जी भत्ते गप्पा कथारिंङ ए शोतो।

मरकुसो 4:12

झांह ठ्रोह, छना पवित्र शास्त्रा च़ेहसी तोह कि, दोच़ी खांई ते ला माहखांइरे, दंङ दोतिंङ शुङसी मादी रेड्रा ला रेहड्रोंई ता ला मा समझेक्ती, झांह ठ्रोह मीहरे माह लेहच़ी दंङ माह ए दोतिंङ माफी खोकसोतो।”

यहून्नो 12:40

“परमेश्वरे दोतु टिरार काणे लेह च़रति, कि दोरे खांई मरपोर, दंङ दोतु दिमाग बंद लेह च़रति कि दोरे समझेकी मरपोर। माह ता दोरे गिऊ हखा किरच़ा इबि तोईर दंङ गेह दोतिंङ ठीक लेह चरच़ि तोहई।”

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

1 कुरिन्थियों 12:11

पर भत्ते वरदान इच्च़ा आत्माओ कम तोह। दोई हर इच्च़ा विशवासी बि वरदान रंड्रा छना दोई जुंज़ा।

कुलुस्सियों 2:2

गेह मेहनत दिऊ थल्जी लहतेग ताकि दोतु विशवास बणेक्पोतो दंङ दोरे दाह रंङ साते ऐनातु बिचंङ बणेंके बंङज़ोर, गेह जुंज़ातग कि दोतिंङ पूरा भरोसा शुहबी जूंस छना कुचे दोतिंङ परमेश्वरो गुप्त योजना ओ पूरा समझ तोह अंऊ ऐनाह ए मसीह तोह।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।