लूको 7:44 - लाहौली बाइबिल

⁴⁴ दंङ दुह मेच़मीऊ हखा किरज़े यीशुज़ि शमौनो रंङ साते कुतोह, “छि केई तङातेन आ कि दिह मेच़िमी छि लहतो? गेह कांह चुंङ अतिगा पर ञेंहतु रिवाज़ो हिसाबे केई गिऊ कोन्ज़ा शुलज़िमी थल्जी ती ला मा रेंई, पर दीह मेच़मी गिऊ कोन्ज़ा मिक्ति रंङ अलेग लहरी दंङ क्राए रंङ साते दुह साफ लहरी।”

लूको 7:44 Iomraidhean Croise

लूको 7:38

दंङ दोऊ कोंज़ो कछंङ, थ्ल्का खड़े शुहचे, क्रप्चाते दोऊ कोन्ज़ा तिंङ मिक्ति साते अल्ले लहज़ा एनोह पुंज़ो क्रा रंङ साते साफ लहज़ी लेहती दंङ यीशु कोन्ज़ंङ उकू रें रुठे बासंङ इत्र च्वाचि लेहती।

लूको 7:43

शमौने जुबाब रेंई, “गिऊ हिसाबे दुह अतु दोई महस कर्ज़ा माफ लेह च़रति।” यीशु ज़ि शमौनो हखा कुहतो “कांह जुबाब ठीक शुह।”

यहून्नो 13:5

दंङ इच्च़ा नंनदेऊ अंद्रेग ती बिंङे एनोह चेला तु कोंज़ा शुहल्ज़ी लेहती दंङ दोई अंऊ यहद एनोह ऊम रिंङ छ़ुह्च़ी तरेह दोरंङ साते दोतु कोंज़ा साफ लहज़ी लेहती।

1 तीमुथियुस 5:10

दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

याकूब 2:6

पर केहच़ी दुह गरीबो अपमान लहरिन, केहच़ी ञेंच़ातंई कि दि साहुकार मीहरे अंऊ केहतु टोईच़ी अत्याचार लहज़ा तोर। दोरे ए शुहर अंऊ केतिंङ ज़बरदस्ती कोर्टंङ शिलज़ा तोर।