लूको 7:21 - लाहौली बाइबिल

²¹ दुह ए मुका यीशुज़ि महस मीहतिंङ बीमारीरंङ ए तकलीफो दोरच़ी दंङ मांजी आत्मो दोरच़ी छुटकारा रेंई, दंङ महस काणे दोतिंङ टीरा रेंई।

लूको 7:21 Iomraidhean Croise

मत्ती 4:23

यीशु भत्ते गलील प्रदेशो इलज़ा दोतु यहुदी सभा घरबारंङ शिक्षा रंड्रा, परमेश्वर ओ राज्यो पाहठी रूठे खबर प्रचार लेह, दंङ मीहतु भत्ते पाहठी बीमारी ए कमज़ोरी ठीक लोहवा लहरी।

मत्ती 4:24

दंङ भत्ते सीरिया प्रदेशंङ अंऊ गलीलो उत्तर दिशाऊ हखा तोहई दोऊ जश फेलेके इलि; दंङ मीहच़ी भत्ते नत्पातिंङ अरी शताह-शताह तरीको बीमारी ए दुखंङ तोईरे ए, अतु अंद्रेग मांजी आत्मारे तोईरे, दंङ मिर्गीऊ घ्राहकातिंङ ए अधरंगो नत्पातिंङ, दोऊ कछंङ हतिरे दंङ दोई दोरे ठीक लहरी।

मरकुसो 3:10

छना कुचे यीशुज़ि महस मीहरे ठीक लाहते, महसे टेची मीहरे यीशु बि थोहके ठीक शुहबिमी थल्जी दोऊ हखा शुहबी लेहकी तोईरे।

मरकुसो 5:29

दोहथले दोऊ शुई बहेक्पी बंद शुहचे इलि। दंङ दोई एनोह फुकाङ चेहती कि गेह ठीक शुहचे इलि।

मरकुसो 5:34

यीशुज़ि दोहरंङ साते कुतोह, “मियो, का ठीक शुहचे इलोन; छना कुचे केई गिऊ टोहकठे विशवास लहज़ातन। शांतिरंङ साते इला, दंङ केनोह दि बीमारीरंङ साते बचेके तोह।”

लूको 7:20

दोच़ी यीशु कछंङ अंज़े कुंई, “यूहन्ना बपतिस्मा रंड्रा दोई ञेंतिंङ कनु कछंङ दीह रुहक्च़ी मी थल्जी च़रसी शुह कि, छि कांह ए दुह मसीह शुनाह, कि अच़ि च़रच़िमी वाईदा परमेश्वरे लहसी तोहई कि ञेंहच़ी ऊईदिऊ इंतज़ार लोहई?”

इब्रानियों 12:6

छना कुचे प्रभु अतंङ साते दाह लहज़ा, दोबि रोहष ला लहज़ा, अतिंङ परमेश्वर एनोह योह चेहच़ा दोबि सज़ा ला रंड्रा।”