लूको 7:13 - लाहौली बाइबिल

¹³ दोबि खांई प्रभुबि दया अति, दंङ यीशुज़ि कुहतो, “था क्रपतु।”

लूको 7:13 Iomraidhean Croise

मरकुसो 8:2

“गिह्बी दी भीड़ो टोईच़ी दया अपि लेहकी तोह, छना कुचे ता दिहरे षुहमरक पुरे गेरंङ साते तोहई, दंङ दोतु कछंङ ज़ेइमी लाह छले मद।

लूको 10:1

दीह गप्पो थल प्रभु यीशुज़ि षुमु निहज़ो सा ऊई चेलार नियुक्त लहरी दंङ अंऊ इलाकंङ ए ठाहरीरिंङ यीशुज़ि ऐनाह इबिमी थल्जी बिचार लहते, दोर तिंङ ऐनाह बे तुई झुह्ट-झुह्ट चेलारे च़रतिर।

लूको 11:1

इच्च़ा ध्याड़ा यीशु इच्च़ा ठाहरीरिंङ बंङज़ा प्रार्थना लहज़ी लेहकी तोहई। अपेहल दोई प्रार्थना लेह च़रति, ता दोऊ चेला तु बिचंङ ज़ि इच्चे अंज़े दोरंङ साते कुहतो, “हे प्रभु, छना यूहन्ना बपतिस्मा रंड्राज़ि एनोह चेला तिंङ प्रार्थना लहज़ी सिखाएति ध्वांए केई ला ञेंतिंङ सिखातु।”

लूको 11:39

प्रभु यीशुज़ि दोबि कुतोह, “हे फरीसीरे, केहच़ी छना पेतड़ा ए काउली धह्कते ज़ि ता साफ लहज़ातन, पर केहतु सेहमो अंद्रेग लालच ए मांजी पिंङे तोह।

लूको 12:42

प्रभु ज़ि दोबि जुबाब रेंई, “दुह विशवासो जोगे ए समझकार परगर अरी शुह, अतु मालिके दोबि ऊई नोकरा तु टोईच़ी मुख्या नियुक्त लोहतो कि दोतिंङ टेमा रिंङ बगत रमतो।”

लूको 13:15

दिह रेड्रीरंङ प्रभु यीशुज़ि जुबाब रन्दो, “हे कपटी रे, छि केहच़ी अरामो ध्याड़ारिंङ केनातु बंङ ए कारा मोगा ओ दोरच़ी युप्शे ती तुंङमिमी थल्जी माह शिल्ज़ी आ?”

लूको 17:5

दंङ प्रेरित ज़ि प्रभु यीशु हखा कुहतोर, “ञेंहतु विशवास बि ऊई ला पक्‍का लोहू।”

लूको 17:6

प्रभु यीशुज़ि कुहतो, “अगर केतिंङ राईऊ सोल्तु धोंण लाह विशवास शुहचंङ, दंङ केहच़ी दिह शहतूतो बुटाबि कुंईयां कि जड़ो दोरच़ी फोंड्रा समुंद्रंङ लेहके इला, दंङ दोई केहतु भाषे लाहयंङ।”

लूको 18:6

प्रभु ज़ि कुंहई, “दिह अधर्मी न्यायी दोरच़ी।

लूको 19:8

जक्कई ज़ेइमी टेमारिंङ खड़े शुहचे प्रभु यीशु हखा कुट्री लेहती, “हे प्रभु, खंणु गेह घेंङौ अध्धा टंगा ढबाह गरीबातिंङ रंड्रातग, अगर गेह अतुआ दोरच़ी चुंगी लेहप्च़िमी टेमा छिला गलत लेह छिला लेहपसी तातग ताह, दोबि गेह पी गुणा लेह रें च़रपोग।”

लूको 22:61

दंङ प्रभु यीशुज़ि यह्च़ा पतरसो हखा खंणी, दंङ पतरस बि प्रभुऊ गप्पा हिद अति अंऊ दोई कुहषी तहरे; “तोग कुकड़ो झुह्ट फेरा हाऊष बे तुई केई षुमु फेरा गिऊ इंकार लोहन।”

लूको 24:3

पर अंद्रेग इलजे प्रभु यीशु फुक माह खोक्शातोर।

लूको 24:34

अपेहल दोरे दोर तिंङ पिचातोर ता दोच़ी दुह सेहदि चेलाज़ि कुईर कि, “प्रभु यीशु मसीह हेले षिङे इलज़ा दंङ पतरस बि तंङशद।”

लूको 7:12

अपेहल दुह नगरो फटाको कछंङ पीडी सा ता, खंणी, मीहरेर इच्च़ा मुर्दा बि धह्तेका लेन्ज़ा य्वातेर; अंऊ एनोह याहो इच्च़ा योह तोहई, दंङ दुह रंणी तोहई: दंङ नगरो महस मीहरे दोरंङ साते तोईरे।

लूको 7:14

दंङ दोई कछंङ अंज़े दुह मुर्दा बि पछ रेंई; दंङ कुरच़ा दोरे रुमज़ा इलिर। दंङ यीशुज़ि कुतोह, “हे जवान गेह करंङ साते कुट्रातग, खड़े शुह।”

लूको 7:19

दंङ यूहन्ना ज़ि एनोह चेला तु बिचंङज़ि झुह्ट बि प्रभुऊ कछंङ दीह रुहक्च़ी मी थल्जी च़रति, “छि कांह ए दुह मसीह शुनाह, कि अच़ि च़रच़िमी वाईदा परमेश्वरे लहसी तोहई कि ञेंहच़ी ऊईदिऊ इंतज़ार लोहई?”

लूको 8:52

दोर तिंङ भत्ते मीहरे दुह मियो थल्जी क्रपि लेहकी तोईरे, पर दोई कुतोह, “केहरे क्रपतांई थाह छना कुचे दिह मेच़िमी कटु सिए माह पर इमरिंङ तोह।”

यहून्नो 11:2

दीह दुहए मरियम तोहई अच़ि थोड़े टेमो थल प्रभुऊ कोन्ज़ा रिंङ मंङे ईत्र चाए एनोह क्राहज़ि साफ लाहते, दोऊ ए न्वा लाज़र टेहची तोहई।

यहून्नो 11:3

दंङ झुल्ला रिहङरेचि यीशु बि उजाब चरच़ातेर, कि “हे प्रभु, खंणुई, अतंङ साते केईं दाह लहज़ातन दुह टेहची तोह।”

यहून्नो 20:13

दोच़ी मरियमा बि कुतोह, “हे न्वाशा, कांह छिले क्रपातन?” दोई दोतिंङ कुतोह, “दोच़ी गिऊ प्रभु ऊ फुका बि रेंज़ा शिलोर, दंङ गिह्बी पता माह कि अऊंर दोबि केहषी ततो।”

यहून्नो 20:15

यीशु ज़ि दोऊ हखा कुंई, “हे मेच़मी कांह छिले क्रपातन? दंङ अतिंङ पेट्रातन?” दोई बगीचा ओ माली चेहके दोऊ हखा कुंई, “हे श्री मान, अगर केई दोऊ फुक लेन्ज़ा शिल्दन ता गिह्बी कंड्रु कि अंऊर केहषी तातन, दंङ गेह दोऊ फुक रेंज़ा शोहग।”

यहून्नो 4:1

अपेहल यीशु मसीह बि दिह पता लेहती कि फरीसी मीह ज़ि थशातोर कि यीशु यूहन्ना बे महस चेलारे बणाएठ्रा दंङ दोतिंङ बपतिस्मा रंड्रा।

यहून्नो 6:23

दोथर तिबेरियास शहरो दोरच़ी ऊई किशतीर अतिर, अंऊर प्रभु ज़ि मीहतु मोह्ड़े भीड़ बि बगत रंदे।

1 कुरिन्थियों 7:30

अंऊ मीहरे क्रपच़ातोर या अंऊ दोरे खुश तोतोर या अंऊ मीहरे एनातु थल्जी चीज़ चुमज़ातोर दोतिंङ दि भत्ते चीज़ा तु पाहठी महस चिंद लहज़िमी ज़रूरत माह छना कुचे दि भत्ते गप्पो दोरच़ी केरे प्रभु सेवा लहज़ी पेहषा योंई।

1 थिस्सलुनीकियों 4:13

हे गिऊ प्यारे साथी विशवासी रे, ञेंहच़ी दि ञेंच़ातंई कि केहच़ी दि ञेंई च़रतेंई कि दुह विशवासी तंङ साते छि शोतो अंऊ तुहई ए सिए इलोर। झांह शुहबी मेस, कि केरे ऊईतु ठ्रोह शोक लंहि अंऊ दोतिंङ उम्मीद ए माह, कि सिमी थल दोरे यह्च़ा श्रींङी योर।

इब्रानियों 2:17

झांह लेह यीशु थल्जी दि जूंशी तोहई, कि हेंदु ठ्रोह भत्ते गप्पा रिंङ बणेंके योतो, ताकि दुह परमेश्वरो तुईज़ी हेंदु दयालु ए विशवासो जोगे यहुदी महापुरोहित बणेक्पोतो। दोहपल दोई झांह ठ्रोह बलिदान चढ़ाके तरपोतो, अंऊ दोरच़ी मीहतु पाप श्ताह शुचि इबि।

इब्रानियों 4:15

दि यहुदी महापुरोहित, अंऊ यीशु मसीह तोह, हेंदु हर इच्च़ा कमज़ोरी ञेंहच़ा। यीशु ज़ि हेंदु ठ्रोह भत्ते पाहठी परीक्षा ओ सामना लहरी, पर दोई छल्ले पाप माह लहरी।