लूको 6:12 - लाहौली बाइबिल

¹² दंङ दुह ध्याड़ा रिंङ यीशु प्रार्थना लहज़िमी थल्जी गोह टोहकठे इलि, दंङ रात पुरे परमेश्वरारंङ साते प्रार्थना लहरी।

लूको 6:12 Iomraidhean Croise

मत्ती 5:1

यीशु महसे मीहरे तंङज़िरंङ साते गोह हखा अच्च़ा इलि, दंङ दोतिंङ शिक्षा रंड्रीमी थल्जी बंङज़ा इलि दोपहल दोऊ चेलारे दोऊ कछंङ अतिरे।

मत्ती 6:6

पर अपेहल केई प्रार्थना लोहन, दंङ केनोह कमरारिंङ ईल; दंङ पेतंङ बंद लेह केनोह बाहरंङ अंऊ तंङफिमी माह प्रार्थना लोह; दोपहल दोई कनिंङ ईनाम रमोतो।

मरकुसो 1:35

मुन्जे सरके (भोर का ध्याड़ा) निरा बे तुई महस सरके दुह खड़े शुहचे दोरच़ी हुची, दंङ सुनसान ठहरि रिंङ इलजे दोहर प्रार्थना लहज़ी लेहकी तोहई।

मरकुसो 3:13

दंङ यीशु गोह टोहकठे इलि, दंङ दोई दोरे मीहरे एनोह कछंङ बुलाएती, अच़ि दोई एनोह चेलारे बणाके थल्जी अंङषी तोईरे। दंङ दोरे भीड़ दोरच़ी हुंच़े ते यीशु कछंङ इलिरे

मरकुसो 6:46

दोतिंङ बिदा लेह दुह गोऊ टोईच़ी प्रार्थना लहज़ी अच्च़ा इलि।

लूको 5:16

पर यीशु सुनसान ठाहरीरिंङ शत्‌ह इल्जी प्रार्थना लोहवा लाहते।

लूको 6:11

पर दोरे महसे रोषेके इलि दंङ एनातु बिचंङ दीह कुट्री लेहतिर कि ञेंहच़ी यीशुरंङ साते छी लोहनी?

लूको 6:17

दंङ यीशु एनोह अंङषी चेलार साते तकसा पथरे ठाहरीरिंङ खड़े शुहचे इलि, दोर तिंङ दोऊ ऊई ला महसे चेलार तोईरे दंङ इच्च़ा मोह्ड़े भीड़ ला तोहई। दोरे मीहरे भत्ते यहुदिया प्रदेश, यरूशलेम शहरंङज़ि, ए सोर ए सीदोन शहरंङज़ि अंज़े तोईरे,

लूको 9:18

अपेहल यीशु एकांतारिंङ प्रार्थना लहच़ी लेहकी तोहई दंङ दोऊ चेलारे दोरंङ साते तोईरे ता दोई दोतिंङ रुहक्ती, “मीहच़ी गिह्बी छि कुट्रातोर?”

लूको 9:28

दी गप्पो रेह ध्याड़ो थल यीशु पतरस, याकूब ए यूहन्नाबि साते लेन्ज़ा प्रार्थना लहज़िमी थल्जी गोऊ टोईच़ी इलि।

लूको 9:29

अपेहल यीशु प्रार्थना लहज़ी लेहकी तोहई ता दोऊ मोह्दु रंग लेहक्सा इलि, दंङ दोऊ खमज़ेर छंङसी शुहचे छंङी लेहती।

यहून्नो 6:3

दोऊ थल यीशु गोह टोईच़ी इलजे एनोह चेला तंङ साते दोर्तिंङ बंङज़िरी।

कुलुस्सियों 4:2

लगातार प्रार्थना लोहवा लंहि, दंङ हमेशा धन्यवाद रंङ साते खबरदार शुहचे बंङज़ुंई।

इब्रानियों 5:7

यीशु ज़ि दि धरती ऊ ज़िंदगी रिंङ अंऊ दोबि मौतो दोरच़ी बचाएके तरच़ाते, जोरे हाऊष रें मिक्ति बहाके, परमेश्वरो हखा प्रार्थना ए बिनती लहरी छना कुचे दुह नह्की ए समर्पित तोहई, परमेश्वरे दोऊ प्रार्थना रेड्रीरी।