लूको 5:10 - लाहौली बाइबिल

¹⁰ दंङ ध्यांए दोऊ साथीरे याकूब ए यूहन्ना अरी जब्दीऊ योह तोईरे, दोरे ला हेरान शुहचे इलिर। यीशुज़ि शमौनो हखा कुतोह, “थाह बेऊ; छना कुचे हेंतेग बे केई गिऊ चेलार बणेक्पिमी थल्जी मीहतिंङ गिऊ कछंङ हपोंन।”

लूको 5:10 Iomraidhean Croise

मत्ती 13:47

दंङ सर्गो राज दुह मोह्ड़े मह्छ़ च़ुमज़िमी जालो ठ्रोह शुह अंऊ समुंद्रंङ केहषी तोद दंङ भत्ते पाहठी मह्छ़ ठ्रोहका लाह।

मत्ती 14:27

यीशुज़ि दोहथल ए दोतंङ साते गप्पा लहरी, दंङ कुहतो थबेंई “याहो लाहनी: गेह शुगाह; बेओंई था।”

मत्ती 20:20

अपेहल जब्दीऊ झुह्ट योहतु याहज़ि एनोह योहतंङ साते यीशु कछंङ अंज़े फ्यग लहते दंङ दोऊ दोरच़ी छाह पेट्री लेहती।

मत्ती 4:19

यीशुज़ि दोतिंङ कुहतो, “गिऊ थले अतंई दंङ गिऊ चेला बणेक्तुंई, गेह केतिंङ कमोग कि मीहतिंङ छना गिऊ चेला बणाएपोंई।”

मत्ती 4:21

दोरच़ी तुंखा इलजे, यीशुज़ि झुह्ट ऊहई न्वाकु जब्दीऊ योहरे याकूब ए यूहन्ना तंङातोह। दोरे एनोह बाह रंङ साते किशतीऊ टोईच़ी बंङज़ा एनोह जाल ठीक लहच़ी लेहकी तोईरे। दोई दोतिंङ ला बुलाएती।

मरकुसो 1:17

यीशुज़ि दोतंङ साते कुतोह, “गिऊ थले अतंई दंङ गिऊ चेला बणेक्तुंई, गेह केतिंङ कमोग कि मीहतिंङ छना गिऊ चेला बणाएपोंई।”

लूको 5:7

दिऊ थल्जी दोच़ी एनोह साथी तिंङ अंऊ अईसंङ किशती रिंङ तोहई, इशारा लहरी कि अंज़े ञेंहतु मदत लांही, दंङ दोच़ी अंज़े झुल्ला किशती रें धोंण तचेक पिंङषा इलि कि किशती रे डुमज़ी लेहतिर।

लूको 5:9

छना कुचे धोंण मह्छ़ च़ुमज़िमीरंङ साते दुह ए दोऊ साथीरे महस हेरान तोईरे।

लूको 6:14

दिह दोरे सनी चेलारे शुहरे अंऊ यीशुज़ि खास कहमो थल्जी अंङषी शुहरे, दी शुह: शमौन अतु मिन यीशुज़ि पतरस केहरिर, दंङ जब्दीऊ योह याकूब ए यूहन्ना, अतु दोतु थल्जी यीशुज़ि दिह कुहतो कि दिहरे झांह ठ्रोह तोहर छना सरगंङ गढ़गढ़ शवा, दंङ अन्द्रियास, फिलिप्पुस, बरतुल्मे,

यहून्नो 21:2

शमौन पतरस ए थोमा अतिंङ दिदुमुस ला कुट्री तोईरे, दंङ गलील प्रदेशो काना नगरो नतनएल ए जब्दीऊ योह, दंङ यीशु ऊ चेला तु बिचंङ च़ि झुह्ट ऊई मीहरे ठ्रोहका तोईरे।

प्रेरित 2:4

दंङ दोरे भत्ते पवित्र आत्मा रंङ साते पिंङषा इलिर, दंङ छना पवित्र आत्माज़ि दोतिंङ कुट्रिमी वरदान रेंई, दोऊ दोरच़ी दोरे ऊहई-ऊहई भाषा कुट्री लेहतिर।

2 कुरिन्थियों 8:23

अगर अरिया तीतुसो पाहठी रूहक्पोतो, दंङ दू गिऊ साथी, दंङ केहतु थल्जी गिऊ साथी शुह, दंङ अपेहला ञेंहतु विशवासी तु पाहठी रूहक्पोतो, दंङ दोरे कलीसिया ओ च़रसी ए दोतु जीवन मसीहू महिमा ओ थल्जी शुह।

2 तीमुथियुस 2:26

दिरे मीहरे यह्च़ा रूठे रंङ सोचेक्सिमी जोगे शोर दंङ शेतानो धोखा ओ दोरच़ी बचेके योर अंऊ कि इच्च़ा जालो ठ्रोह तोह। शेताने दोरे फसाके केहतो ताकि दोतु दोरच़ी दुह लहज़ी लोहतो अंऊ दोई जुंज़ा।