लूको 4:41 - लाहौली बाइबिल

⁴¹ दंङ मांजी आत्मा हाऊष रें दीह कुट्रा, “कि कांह परमेश्वरो योह शुनाह,” महसेतु बिचंङज़ि हुंच़ा इलि। पर यीशु दोतिंङ रेहच़ि, दंङ दोतिंङ छले ला कुट्री माह रंड्राते, छना कुचे दोरे ञेंचातेर कि यीशु ए मसीह शुह।

लूको 4:41 Iomraidhean Croise

मत्ती 26:63

पर यीशु चुप्पे बंङज़ी। दंङ यहुदी महापुरोहिते दोबि कुह्तोर, “गेह कनिंङ पिंङी परमेश्वरो वाईदा रंड्रातोग कि अगर कांह परमेश्वरो योह मसीह शुनाह ता, दंङ एतंङ कुड़ु।”

मत्ती 4:3

दंङ शेतान दोऊ कछंङ अंज़े दोबि कुतोह, “अगर कांह परमेश्वरो योह शुनाह ता दिह रघटेतिंङ रोटी बणेक्पिमी हुकुम रांऊ।”

मत्ती 8:16

ञोंकोल कि दोच़ी दोऊ कछंङ मीहरे हतिरे अतु अंद्रेग मांजी आत्मारेह तोहई दंङ दोई दोरे मांजी आत्मारे एनोह बचनरंङ साते हुंज़े केहरी; दंङ भत्ते टेची मीहर ठीक लहते।

मत्ती 8:29

दोच़ी हऊष रेह कुह्तोर, “हे परमेश्वरो योह यीशु! केई गेरंङ साते छि जुन्ज़ातन? कांह छि टईमाबे तुहई ञेंतिंङ बरदो रंड्रीमी थल्जी देहर अंज़े शुनाह?”

मत्ती 8:4

यीशुज़ि दोबि कुहतो, “रेड्रु! दि गप्पा अतंङ साते ला थाकुड़ु, कि गेह कनिंङ ठीक लेह चरच़ातग, दंङ इलजे दीह गप्पा केनोह यहुदी पुरोहिता बि कंड्रु, दंङ छी चढ़ावा मूसा ज़ि कुहषी ततो चढ़ाएतु, ताकि मीहतु थल्जी गवाही शुहबी जूंस।”

मरकुसो 1:25

यीशुज़ि दुह मांजी आत्माबि रोषेके कुतोह, “चुपे तो! दंङ दि मीहू दोरच़ी हुंच़ा इला।”

मरकुसो 1:32

ञोंकोल कि टेमारिंङ अंऊ मुका आराम लहज़िमी ध्याड़ा योह्सा इलि, मीहज़ी भत्ते टेचे दोतिंङ दंङ दोतिंङ अतु अंद्रेग मांजी आत्मारेह तोहई, यीशु कछंङ हापी लेहकी तोईरे।

मरकुसो 1:34

दोई महसे अंऊ महस पाहठी टेची तोईरे, अईन लहरी, महसे मांजी आत्मा हुन्दी, दंङ दोई मांजी आत्माबि कुट्री मा रेंहई, छना कुचे मांजी आत्मारे दुह सेचा तेर कि दिह परमेश्वरो योह शुह।

मरकुसो 3:11

दंङ अपेहल ला मांजी आत्मा रंङ टेहची मीहरे यीशु बि खंड्रातेर दंङ दोरे दोबि आदर रंड्रीमी थल्जी दोऊ तुईज़ी कोंङा शुहचे य्वातेर, दंङ हाऊष रेह कुट्रातेर, “का परमेश्वरो योह शुनाह”

लूको 4:39

यीशुज़ि दोऊ कछंङ खड़े शुहचे बुखार रैहति दंङ बुखार अच़ा इलि, दंङ दोहथल ए दुह दोतु सेवा टहल लहज़ी लेहती।

यहून्नो 20:31

पर दीह दिऊ थल्जी च़ेहसी तोह कि केहच़ी विशवास लांही, कि यीशु ए परमेश्वरो योह मसीह शुह: दंङ दोऊ टोहकठे विशवास लेह दोऊ मिंदंङ अनंत जीवन खोक्पोंई।

याकूब 2:19

कनिंङ विशवास तोह कि इच्च़ा ए परमेश्वर तोह; केई रूठे लहज़ातन; मांजी आत्माज़ि ला झांह ठ्रोह विशवास लहज़ातोर, दंङ डकेक्पा तोर।